اختبار قيادة فيرنا 1500&1600

TEST DRIVE =VERNA
النهاردة كان حظي غريب شوية...واحد صاحبي واخوه الأتنين جايبين فرنا!! واحد ال1500cc والتاني ال1600 !!
والاثنين فل اوبشنز مانوال...ايه الملل ده؟؟ والغريبة جايبنها مع بعض!! موديل 2006

المهم ان الاتين عاملين بين ال30000 و ال50000 كم....يعني مشيوا مسافة لابأس بها
المهم

الفرق الجوهري بين الأتننين ان ال 1600 16v وال1500 12v
التسارع بتاع ال1600 مدهش (بيفكرني بالمرحومة :cry: ) وال1500 جيد للغاية..بس مش موفرين الاتنين في البنزين
السرعة القصوى عن تجربتي للسفر بها..ال1600 وصلت لغاية 195 بسهولة و(اياميها ماكانتش عملت 10000)
وال1500 وصلت لل185 و رفضت المتابعة...و الثبات جيد (مش لانسر و مش اكسنت)
الشكوى الكبرى كانت من الزوايا..الأتنين اضطروا يركبوا جنوط و كاوتش جديد علشان يحلوا المشكلة..وبعديها ظببطوا زوايا تاني..المهم اتحلت رغم التكلفة الاضافية :| :| ..العفشة متوسطة
ميزة جميلة : انك شايف الكبوت والزوايا بكل سهولة..
الباور بتاعها على قده شوية
التكيف جميل حتى مع الشمس...بس ال1500 بتتعب منه شوية و بتضعف شوية ال1600 اشد طبعا علشان الفرق
صوت المواتير عالي نسبيا..بالاضافة ان الشكمان صوته تعبان شوية...(مع انه كان زمان غير كده)
العربية بشكل عام انعم من الانوس (اللي همة في نفس الفئة) و غدا اكتب عن الانوس برضه
من الداخل...اوسع مما قد تظن للوهلة الاولى..التقفيل جيد جدا لاحاجة سايبة ولا حاجة مفارقة بس الكراسي منجدها سمير غانم في المتزوجون :mrgreen: :mrgreen: فرش تعبان شوية
السعر كتير عليها سنة..كان ممكن تكون بسعر الاسبرانزا مثلا..واي استفسار او اضافات...انا موجود