الاكتشاف المبكر لأمراض الكلي (كليتي)

ما ينفعش اكون عضو في منتدي قوي و واسع الانتشار زى (نايل موتورز) و ما احاولش افيد اخواني

اعضاء المنتدي و في نفس الوقت استفيد بدعمهم لي.

انا استشاري امراض كلي اشتغلت برة (فرنسا) 7 سنين و جوة في مصر تقريبا 7 سنين زيهم و لاحظت

انتشار الفشل الكلوي في مصر بنسبة كبيرة و عدم وجود وعي بأمراض الكلي و اسبابها و ان ده بيكون

سبب مهم في زيادة عدد المرضي عندنا علما بأن هم اسباب هذا المرض وهم : ضغط الد المرتفع +

السكر + حصوات الكلي منتشرين جدا في مصر وفيه اهمال في الكشف المبكر عن هذه الامراض و

علاجها.

لاحظت كمان ان اموال العلاج علي نفقة الدولة (2-3 مليار جنيه سنويا) رايحة تقريبا علي 3 امراض (او بلاوي):

1- التهاب الكبد الوبائي (سي)
2- الفشل الكلوي و الغسيل
3- الاورام

و للاسف الامراض دي يتم اكتشافها متأخرا و بالتالي نتائج العلاج سيئة و بنفقد (بني ادمين) و

فلوس. يبقي ما ينفعش غير الكشف المبكر عن هذه الامراض عن طريق التوعية بها .

علشان كدة عملت صفحة علي الفيس بوك بالعربي و بحاول عن طريقها اوصل معلومات بطريقة

مبسطة عن امراض الكلي.

https://www.facebook.com/DR.ashraf.hendawy

كليتي

و زي ما بيقولوا : اعمل لايك و شير في الخير

عسي ان تكون هذه المعلومات (علم بنتفع به ) اذا انقطع عملنا في الارض و يستفيد به اكبر عدد

ممكن من الناس وتكونوا انتم معايا سبب في ده.

و شكرا مقدما لحسن تعاونكم

انا جالي زلال في البول micro albuminuria بسبب السكر واهمالي للعلاج واتضح لي ان المتابعة الدورية للكلى اهم حاجة .. والحمد لله بدات خطة العلاج واختفى الموضوع ده

الف سلامة يا دكتور

- ظبط السكر : صايم ما يزيدش عن 120 -- فاطر ما يزيدش عن 180 - HbA1c < 6%

- ACEI او ARA 2

- و تابع تحليل البول كل 3 شهور + Micro -albuminurea


و اي استفسار انا تحت امرك










و اي استفسار

تسلم ايدك يا دكتور
----------------------


لو سمحت انا عندى مشكلة فى انى بشرب كمية قهوة كبيرة يوميا وتتعدى ال 6 اكواب يوميا
كنت اتكلمت مع طبيب فى امريكا بخصوص هزة العادة السيئة تجاة تناول القهوة بشكل مفرط ولم استطيع يوما الاقلاع عنها

نصحنى انى احافظ على تناول البوتاسيوم بصورة يومية وبانتظام والحفاظ على شرب الماء بعد تناول القهوة مباشرة


انا الان ماشى على نظام الطبيب وفعلا بتناول البوتاسيوم بصورة منتظمة على شكل اقراص 600 ملجرام يوميا

وفى ملحوظة: احيانا بتجيلى زى اللم فى منطقة الصدر (شمال) دون حدوث نهجان او دوخة عملت رسم قلب وكانت النتيجة نان مفيش اى مشاكل بالقلب تماما (الحمدلله)

رجعت للطبيب المعالج وكان الرد انها تشنجات عضلية ممكن حدوثها نتيجة لزيادة الصوديوم بالدم الناتجة عن تناول القهوة..... بس فى نقطة لية اللم دة بيحصل فى منطقة معينة وثابتة يعنى مش بيحصل فى اى منطقة اخرى!!!!!!!!!!



- فما تعليقك(بصورة كاملة)

شاكر ليك جدا

6 قهوة يا مفتري !!

القهوة ممكن تعمل نوع من الانقباض في العضلات زي الرعشة كده في ايديك او في الوجه او العينين .

بالنسبة لليوتاسيوم لاوم تعمل تحليل لقياس نسبته في الدم كل فترة لأني بصراحة لا انصح اي شخص بتناوله كأقراص هو موجود بكثرة في الفواكه خاصة الموز و البرتقال و البلح و المكسرات و الفواكه المجففة (قراصيا و تين و ياميش رمضان) و في البطاطس و الطماطم

مشكلة اليوتاسيوم ان نقصه او زيادته بيقصر علي القلب و انتظام دقاته --يبقي اعمل تحليل و شوف اذل كان فيه نقص جامد و محتاج اقراص و لا يتعوض بالاكل و لا مش محتاج اصلا.

الم الصدر واضح انه الم في العضلات بسبب القهوة او الاجهاد _طالما ما فيش ضيق في التنفس و مافيش ضغط و لا سكر و لا تدخين (و لا فيه ؟؟) و عملت رسم قلب و اشعة تليفزيونية علي القلب يبقي اطمئن

و اي استفسار انا تحت امرك

تسلم ايدك يا دكتور
(انا مدخن بس مفيش ضغط ولا سكر)

انا منزعج فقط بالنغزة بتاعة صدرى فقط مع العلم ان لما باخد البوتاسيوم مبتحصلش نهائى
طبعا بخصوص الاكل الواحد مش بيعرف نهائى انة تكون وجباتة اليومية متكاملة وكاملة العناصر الغزائية

تسلم ايدك مرة تانية ومشكور يا فندم

- اعمل بس تحليل بوتاسيوم في الدم علشان نشوف معدله كام.
- لو عايز تطمن علي القلب 100 % اعمل ايكو (اشعة تليفزيونية) او رسم قلب بالمجهود حسب ما يشوف اخصائي القلب.
- حلل دهون ثلاثية و كولسترول و نقرس ( دي العوامل اللي ممكن تأثر علي القلب بالاضافة الي التدخين)

جزاك الله كل الخير

اي استفسار انا تحت امركم

عايزيين من حضرتك ارشادات للمحافظه على الكلى بصحه جيده قدر المستطاع
وزى ما بيقولوا الوقايه خير من العلاج

-أمراض ضغط الدم والسكر والحصوات
تشكل حوالي 60 % - 70 % من أسباب الفشل الكلوي ،
لذا يتوجب الاهتمام بتشخيصها وعلاجها

-أهمية الوقاية من التهابات البول وخاصة عند السيدات بالإكثار من

شرب الماء وفي حالة حدوث التهاب علاجه فورا تحت إشراف الطبيب

-همية علاج التهابات الحلق أو اللوزتين المتكررة عند الأطفال
و عند حدوث تورم بالوجه أو القدمين استشاره الطبيب فوراhttp://www.nilemotors.net/Nile/imgca...Nilemotors.jpg

- مرض القصور الكلوي مرض صامت لا يظهر
إلا : بتحليل وظائف الكلي + البول + أشعة تليفزيونية علي الكلي
٣ إجراءات بسيطة غير مكلفة قد تمنع أعداد كبيرة من الناس من الوصول إلي الفشل الكلوي

-المسكنات:

-مضادات الالتهاب (nsaids) : يجب استخدامها لفترات قصيره ( 3- 7 ايام) و عند الضرورة فقط.

- مشتقات الباراسيتامول اكثر امنا علي الكليتين - الجرعة من 500 مجم و حتي 3 جم يوميا.

- الاسبرين يجب عدم استخدامه لمرضي الكبد و قرحة المعدة .

- المسكنات تشكل 2-5 % من اسباب الفشل الكلوي

دي امثلة من النصائح الموجودة علي الصفحة

هي مش دعاية للصفجة بس فيه حاجات كتير و مكتوبة بطريقة افضل هناك

وقانا الله و اياكم شر الامراض

جزاك الله خيراً كثيراً
الصفحة على الفيس قيمة جداً
بارك الله فيك

وسؤال من فضلك:ــــــــــ
هل المضادات الحيوية مضرة بالكلى ؟؟؟
أنا أصاب بالبرد الإنفلونزا كثيراً
وتكون الإصابة شديدة غالباً يصحبها كل الأعراض من إلتهاب اللوزتين والحلق والصديد حتى إلتهاب الأذن والدوار
والعلاج في الغالب بيكون أساسه مضاد حيوي بجرعة لا تقل عن 1 جرام يومياً
وفي الغالب تستمر الجرعة لمدة أسبوع على أقل تقدير

هل هذه الكمية من المضادات الحيوية تؤثر على الكلى ؟؟


-

شفاك الله و عافاك

فيه انواع معينة من المضادات الحيوية ضارة جدا بالكلي زي (جنتاميسين) و (اميكاسين) و (فانكومنيسين)

دول بلاشهم خالص و غالبا ما فيش حد بيكتبهم دلوقتي غير عدد قليل جدا من الاطباء و في حالات معينة

طبعا حاول ما تاخدش مضاد حيوي غير عند الضرورة القصوي و لفترة من 5- 7 ايام بس و كمان بلاش مسكنات كتير و اكثرهم امانا مشتقات الباراسيتامول زي بانادول او ابيمول.

جزاك الله خيرا

انا عندي فوبيا من الفشل الكلوي لقدر الله ..
فازاي الواحد يحافظ علي الكليه بتاعته

جزاكم الله خيرا يا دكتور اشرف ... موضوع مهم جدا

اقتباس:

---

المشاركة الأصلية كتبت بواسطة د.اشرف هنداوى

- اعمل بس تحليل بوتاسيوم في الدم علشان نشوف معدله كام.
- لو عايز تطمن علي القلب 100 % اعمل ايكو (اشعة تليفزيونية) او رسم قلب بالمجهود حسب ما يشوف اخصائي القلب.
- حلل دهون ثلاثية و كولسترول و نقرس ( دي العوامل اللي ممكن تأثر علي القلب بالاضافة الي التدخين)

---

معلش يا دكتور اية علاقة النقرس بالقلب اصلى انا شاب عندى 26 سنة واعانى دائما من ارتفاع النقرس علطول حللتة 4 مرات اقل مرة كان نسبتة 9.4 وصباع رجلى الكبير شمال علطول وجعنى وبيطقق زى الكوبلن الفارط ههههههههههههه وبخاف اتعالج من النقرس زى الفوار والليبرونول وذلك بسبب ضررهم الكبير على الكلى وانا بقالى اهو بتاع 6 سنوات فى المشكلة دة ومشعارف اعمل اية وكمان حضرتك بتقولى قلب فارجوك اعرف العلاقة . ملحوظة اخيرة كمان رغم انى ارفض العلاج كما ذكرت وكمان انا اكييل اووى يعنى بمووت فى الحوم والبوقليات والطرشى والحجات الحلوة دة بس ساعات لما اتعب اوى انتظم على العلاج بتاع اسبوع كدة فوارات 2 مرة و3 كبسولات 300 مج ليبرونول استريح وارجع تانى زى الاول علشان بخاف على الكليتين فما هو الحل يا دكتور فارجو سرعة الرد وعلاقتة بالقلب و الضرر على الكلييتين وشكرا لحضرتك

اين الرد يا دكتوووووووووووووووووووووو وووور