-
عربيات مدعى عليها
انا استلمت صنى شكل قديم 2013 من شهر 12 . عرببية ممتاذة جدا بس أنا مش ححكى لا فى عيوب ولا مميزات . أنا حتكلم عن احوال عربياتنا فى مصر .
1- يعنى وانت سايق مطلوب منك تاخد بالك من الطريق ولا المطبات ولا الحفر ولا غرف المجارى اللى واطية عن الارض او اللى عالية عن الارض .حسبى الله ونعم الوكيل
2- ولا يطلعلك شبح من الارض قدامك بنى ادم عايز يعدى طيب تخبطة ولا تفرمل واللى وراك يلبس فيك ولا تحدف يمين ولا شمال وضيع جناب العربية .حسبى الله ونعم الوكيل
3- ولا ميكروباص يديك نور وكلاكسات وعايز يعديك (حصلت معايا) تقوم تديلة طريق يروح المحشش اللى راكبة يعدى والصبى فاتح الباب .(خد معاة المرايا الشمال) . طيرلى كفر المرايا .حسبى الله ونعم الوكيل
4- ولا هاجس انك كل ما تركن يجى فى دماغك ان زمان الحرامى بيخلص مع العربية وهترجع مش هتلاقيها وتبقى فرحان جدا انها لسة موجودة .حسبى الله ونعم الوكيل
4- ولا حرقة الدم الجبارة انك تنزل من بيتك ولا من شغلك تلاقى عيل رسملك كتاب حياتة على العربية (حصلت مع نسيبى) عربية لانسر زيرو يدوب عدى عليها شهرين كان جايبها خربشة شنطة وكبوت وباب خلفى وامامى .حسبى الله ونعم الوكيل
5- ولا تتخبط وانت راكن ولا الناس تعتبر عربيتك ملكية عامة مفيش مشكلة واحد سايق جمبك ولا وراك يديك تماسى على الماشى على الاكصدامات ولا الجناب ولا الرفارف . ولو أتكلمت يقولك هو فين المشكلة ولو اتمديت تلاقى السلاح طلع .حسبى الله ونعم الوكيل
الخلاصة وأسف على الاطالة العربيىة اللى تدخل مصر مدعى عليها . انا مش عارف أتكيف ولا اعيش مع دة لانى من النوع اللى هو استعمالة للحاجة حتى بعد سنين تبقى زى ماتكون خارجها من مكانها .
-
الف مبروك و أهلا بحضرتك معانا. طبعا كلام حضرتك سليم ١٠٠٪ و مع الاسف ملوش حل. خربشه العربيات و نقر الزجاج و بهدله العفشه عامله زي التطعيم لازم الكل ياخده لدرجه ان الناس لو لقت عربيه بحاله نادره يعني سليمه تماما بيفتكروها راشه خوارج :patch2:
-
-
فعلا الواحد كل ما يسوق العربية شويه بيبقى محتاج ساعة على الاقل يبقى فاصل فيها علشان يهدى نفسه
و كمان الوسواس اللى بيبقى عند الواحد هو انا قفلت الازاز؟ طيب قفلت العربية كويس؟ و هلوما جرا
-
قلبت عليه المواجع والله انا عايش بره وراكن عربيتي ومركبتهاش 10 مرات على بعض لما بنزل الاجازه مش عارف امشي في الشوارع والعربيه جايبها في شهر 9 اللي فات قبل ما اسافر باسبوع ونزلت في نص من 3 شهور اجازه لاقيت الخرابيش عامله فيها لوحه سرياليه وهي واقفه مكانها اللي اقدر اقوله ان بلدنا مش عايزه عربيات زيرو لان الاشكال بتاعت الميكروباصات لما بتشوفك راكب زيروا بيستهيفوك
-
لا أقول غير حسبى الله ونعم الوكيل
-
علي فكرة انا ساكن في شبرا و المشكلة عندي مش اني اشتري العربية المشكلة لو اشتريت العربية هركنها فين :Copy of rfds: :Copy of rfds:
لو ركنتها في شارع ممكن تتسرق او تتجرح ....الخ
لو ركنتها في جراج العيال اصحاب الجراج هيعدوا يخبطوها و يجرحوها في العواميد الجراج (بيركنوا يجي 30 او 40 عربية في جراج عمارة يشيل 6 لي 10 عربيات :dontudear: :dontudear: ) فا بيلعب puzzle بالعربية علشان يخرجها :majd(4): :majd(4):
-
انا شبراوي زي حالاتك بس شغلي في شرم وحاولت كتير اجيب وسايط واعرض فلوس بزيادة عشان اعرف اركن في جراج جنب بيتي وقت الاجازات وفي كل مرة اروحلهم يقولولي احنا عندنا اكتر من عشر عربيات زيادة في الجراج لدرجة اني وصلت لاعلى المستويات من رجالة المنطقة زي البقال والحلاق وصاحب الصيدلية عشان تتوسطلي عندهم من غير فايدة .... وكأني بقدم للعربية على وظيفة في رياسة الجمهورية وكل مرة بتسقط في امتحان الهيئة
-
-
والله ياباشا انت قلت وقلبت المواجع بس عيبك انك جمعتها كلها مرة واحدة زى الانتيبيوتك 1000 كدة ...عارف انا لما يعنى لمااااااا يهفنى الشوق واقول اركبها واروح الشغل بيها اغطيها تحت الشغل لدرجة ان الناس بتتريق عليا بس قشطة مابيهمنيش المهم عربيتى تفضل تمام اطول وقت ممكن وبالرغم ان العربية اشتريتها فى شهر 1 وعامل بيها 1500 كيلو وبركنها فى الجراج وبغطيها جوة الجراج وبرة الجراج وفوطة خاصة بيها وحركات كتير من الشغل دة الا ان الحمد لله اوى على كدة خبطة فى السوكة فوق الرفرف فانوس شمال خلفى مكسور تجريح بالاكصدام الخلفى .....وفعلا بفكر فى 128 وحالف بكتاب الله انى لو جبتها لهخبط اى حد يقرب منى هخبطة قاصد
Content Relevant URLs by
vBSEO 3.6.0 PL2