An Egyptian Canadian in Germany....A real global citizen
:original:
try this one my friend
http://www.yamli.com/editor/
الله يخليك يا محمد باشا .....للحظة افتكرت اني يمكن مقلل من تأثير الموضوع عشان بعيد
عرض للطباعة
An Egyptian Canadian in Germany....A real global citizen
:original:
try this one my friend
http://www.yamli.com/editor/
الله يخليك يا محمد باشا .....للحظة افتكرت اني يمكن مقلل من تأثير الموضوع عشان بعيد
[QUOTE=Chicco;380038]An Egyptian Canadian in Germany....A real global citizen
:original:
try this one my friend
http://www.yamli.com/editor/
Very time consuming my friend. I have tried it. May be I will use it when I have time in my retirement.
السلام عليكم ورحمة الله جميعاً
الاخ passat
الموضوع موصلش لدرجة أفلام رعب وكده هو بسيط وبحاول انوه عنه قبل ما يوصل لدرجة متتلمش
وشكرا على ردك على اي حال يا باشا
الاخت الكريمة علا قلتي
طيب همسة بس في أذن كل المعترضين على المواضيع اللي من النوع ده: ممكن تعترض زي ما انت عايز بس بالرفق؟ بالراحة؟ من غير ما تتنرفز أو تتعصب على صاحب أو صاحبة الموضوع عشان هو / هي بالتأكيد ما يقصدش يأذي مشاعرك.. مش مطلوب مننا غير لفت النظر برفق. صح و لا انا غلطانة؟
هو انا عملت غير كده ؟؟؟
هو انا زعقت او قدمت رأيي بشكل غلط ؟؟
المفروض اني وضحت لحضرتك وجهت نظري كذا مرة
ومع ذلك انا مش عايز غير الفايدة مش اكتر ولا اقل ومنجرحش مشاكل بعض
تحياتي لاهتمامك للمرة المليون
الاخت m 18c m
يا رييييييييييييييييت تقري الموضوع من اوله
انا مقلتش متقوليش بس المهم طريقة العرض ... :)
وف النهاية المفروض نستفيد من غير ما ناذي حد ..
وشكرا لردك اختي الكريمة
ميدو باشا
حضرتك قلت
اسف بقى انا مش معاك خالص انت لية بتتكلم بالشدة دى على المواضيع الى هيه بتتكلم عن الحوادث طيب خلص الكلام فى الموضوع نفسة متفتحش موضوع تانى علشان تهاجمة وبعدين ماالعنوان اضافلة ** ممنوع لضعاف القلب **
هي فين الشدة الي بتتكلم عنها دي؟؟؟؟
بالله عليكم ارجعوا للموضوع من اوله وشوفوا انا كتبت ايه ؟؟
دة يعنى ان الكلام جاب نتيجة انا شايف ان 3/4 من المندى مجانين سواقة وانا اولهم لما اشوف حادثة لازم اهدى واحسبها من الاول الحادثة بتغير حاجات جوايا بس شوية وبنسى انت بتلوم بنت بتتكلم على موضوع زى دة دى شافت المنظر دة وكملت طريقها وحياتها موقفتش وبعدين لية منكتبش مواضيع مختلفى حاجة مملة ان يبقى الكلام كلة عربيات لازم من زسط 100 موضوع تطلع بموضوع تانى وانا معاك ان الكتابة بطريقة الشات بايخة بس انا شغال تاجد و فيس بوك و مش عارف اية بكتب معرب على طول ممكن واحد مبيفصلش انا الوقت الوحيد الى بكتب فية عربى هوه الوقت الى بقعدة هنا على المنتدى انا بعرف افصل و ياريت المنتدى دة مش خناقة دة تبادل اراء والكلام يتوجة لصاحب الموضوع مش فى موضوع تانى .....................*** اتمنى انك تكون فهمت رسالتى واسف لو كنت بايخ ومختلف عن الردود الى جاتلك*** وللحديث بقية//
ممكن اعرف مين الي بيتخانق ؟؟؟
هقولك تانى وتالت ورابع ومليون اقرا الموضوع من اوله هتلاقيني مش بتخانق
انا بتناقش زي ما كتبت قبل كده عشان نستفيد كلنا ومنضايقش حد
ومستني باقي ردك يا باشا
alivara
يا باشا للتوضيح وليس اكثر
انا مقصدتش ان الناس هنا بتتمنظر ولا كل واحد شايف عربيته احسن عربية وبس
مش ده قصدي نهائي
انا الي اقصده اوضح او الفت نظر اخواننا ان مش المفروض نتكلم انجليزي اصلا هنا عشان الكل يفهم واقصد (الكل) ..
واننا منخرجش عن سياق الموضوع الاصلي عشان نستفيد ...
وشكرا يا باشا على ردك واتمنى اشوفك دايما متفاعل معانا في الخير :)
vw driver
الاخ الكريم شكرا على ردك
واشكرك على طريقة كلامك المحترمة وعرضك الفوق ممتاز بمثال مقارب لما نتحدث عنه هنا
تحياتي ليك وارفع لك القبعة .. :)
ميدو باشا
احنا مش بنضايق من بعض الا لما بنصفى بسرررررعة لاننا اخوات هنا
ويا رب تكون رسالتي وصلت
شكرا يا باشا
استاذ سعداوي
ارجو ان حضرتك تكون قريت بردو الموضوع من اوله
كلامك باذن الله خفيف بس لو حضرتك ركزت هتفهم انا قصدي ايه زي ما كله رد وكان فاهم
انا اتكلمت في مجموعة نقاط معينة ومحددة وبتناقش فيها
وعلى فكر هيا باشا انا مجبتش سيرة المانجا :)
ميدو باشا كلاكيت تالت مرة
ده سعداوي مش سبعاوي
استاذ سبعاوي مردش لسه لحد هنا
استاذ chicco
انا مش بهاجم اولا
ولا بهاجم صاحبة الموضوع بشكل اخص
يا جماعة انا بتكلم عمومااااااااااااااااااااا ااااااااااااااااااااااااا اااااااااااااااااا
والله انا بدأت اشك اني انا الي كاتب انجليزي :)
يا بااشا
انا رديت في الردود السابقة واكيد حضرتك هتفهم قصدي
زي ما صاحبة الموضوع مشكورة هتفهم بردو
وشكرا للتنويه على موضوع العربي
كفاية يا باشا تبص لتوقيعك وتفهم قصدي قد ايه العربي بيميزنا وربنا سبحانه عزوجل ميزنا بالقرآن الكريم .. :) توقيع جميل
وتحياتي ليكوا
استاذ وليد
حضرتك بعتلي رسالة خاصة ورديت على حضرتك ولو فيه حاجه تانية حضرتك مش فاهمها تحت امرك اعرضها هنا
محمد باشا
انا عمرى ما هتريق على حضرتك ولا على اي حد ..
تفتكر هبقى بشتكي من الموضوع ده واعمله ؟؟
لا ياباشا
وعموما شكرا على حسن ظنك بيا :)
واحساسك مش مظبوط هنا .. انت اخ ليا وعمرى ما اتريق
ووجهة نظر العربي وضحتها اكثر من مرة مش محتاجه تاني
تحياتي
sab3aawy باشا
اكيد الاخ الفاضل سعداوي ميقصدش هزار .. مجرد اسلوب تعبير ليس اكثر
متعودتش من حضرتك متردش على الموضوع ..
فين رأي حضرتك ؟؟
حضرتك من أهمممممممم الاعضاء .. ومحتاجين رأيك بردو
مستني حضرتك :)
تحياتي للجميع
عفوا يا bee باشا ...أنا مش قصدي حضرتك خالص في موضوع الهجوم على صاحبة الموضوع ....من مشاركات حضرتك السابقة أنا متأكد إن حضرتك إنسان مرهف الحس و بتتمتع بقدر وافر من حسن الخلق و الذوق العالي
انما لو حضرتك رجعت للموضوع ده و الموضوع الأصلي حتلاقي ردود كتير بتهاجم الأخت الفاضلة ....لدرجة دفعتها للاعتذار عن ذنب لم تقترفه و حتلاقي نبرة عتاب و خيبة أمل في ردودها كمان و هو ده اللي خلاني اكتب مشاركتي
و تقبل أنت بقى تحياتي و تقديري و احترامي :biggrin24:
يا باشا
هقول تانى
الاختلاف في الرأي لا يفسد للود قضية :)
تقبل وافر احترامي على ذوقك
وربنا ما يحرمنا تواصلنا في الخير
انا لي رأي ثابت
المنتدى يضم الناس على اختلاف أهوائهم و اختلاف بيئاتهم و اختلاف ثقافاتهم
و هذا ينعكس على طبيعة الحوار و نوع المواضيع و شكل عرضها
الموضوع الذي لايهمني و لا يناسبني (أتحاشاه) ببساطة
و ان خالف القواعد الوسطية للمنتدى أرسل (تقرير مشاركة) ببساطة برضه
ولكن اني اطالب بوقفه أو حذفه أو مقاطعته فهذا هو الغير منطقي
و بالتالي ...لو عضو عمل موضوع لا يستهوي غالبية الأعضاء ....سيندثر تلقائيا
و على نفس القياس ستكون المواضيع الحية المستمرة لا تمثل اذى للأغلبية مما يعطيها حقها في الاستمرار
اعتقد القصة ابسط مما تبدو
برغم انة كنت بحاول اقلل تماما من المشاركات التى لا تتعلق بفنيات السيارات لاسباب كتير ليس مجالها هنا، لكن انا مدفوع انى اشارك هنا باعتبار انه تمت الاشارة الى شخصى فى هذا الموضوع
وبصراحةانا يمكن مشاركتى متكونش موجهة للب الموضوع الخاص بالحالة الدموية التى وصلت لها العديد من موضوعات المنتدى لان رأييى فيها واضح فى توقيعى الحالى وفى مشاركتى فى عدة موضوعات لكن انا حابب اعلق على ظاهرة تانية ، مش عارف لها اسم لكن هحاول اشرحها فيما يلى:
1- بعد تكرر نشر القصص موضوع الخلاف دافع اصاحبها بشدة عن حريتهم فى نشر قصصهم لكنهم انكروا علينا حريتنا فى ان يكون لنا رأى مخالف
2- برغم ان معظم من اعترض على نشر هذة القصص قال رأيه بدون نرفزة او عصبية او توجيه اهانات لأى من ناشرى القصص ، لكننا وجدنا المناصرين لنشر هذة القصص يتهموننا بالعصبية والنرفزة واننا فتحنا المدافع على من نشروا القصص ووجهوا اعتذارات جمة بالنيابة عنا لمن نشروا القصص لأننا اجرمنا فى حقهم بالاعتراض على قصصهم ، فيما يذكرنى بالمثل الشعبى "الحقوهم بالصوت"
3- تفضل احد الاعضاء مشكورا ووصفنا بما معناه اننا "شباب مرفه" تنقصنا الرجولة الكافية لأننا-ياعينى-لا نتحمل تلك الاوصاف الدموية
4- تفضلت ناشرة احدى القصص بقول رأيها فى شخصى المتواضع بأنها كانت تتوسم فى خيرأ واننى شخصية متفهمة ومتفتحة ولكن ظهر اننى.................(النقط من عندها وليست من عندى، كان نفسى اعرف ما خلف هذة النقط، لكن عموما فكلنا نعرف متى تستعمل النقاط للتعبير عن وصف لشخص او شئ) وذلك لاننى اخطأت بالاعتراض على قصتها ، يبدو اننى اخطأت الحساب حين تصورت ان حرية الرأى التى تعطى الحق لصاحبها لنشر قصص لا يحب الكثيرين قراءتها تعطى نفس الحق للأخرين للاعتاض عليها، اظن اننى يجب ان اعيد حساباتى،
"فقط ارجو من الأخت الفاضلة انها تتكرم باعفائى من سماع رأيها الكريم فى شخصى المتواضع فى المرات التالية، خاصة وان كل كلامى كان عن القصص المنشورة ولم اقل اى أراء فى حق اصحابها"
يا ترى عرفتم انا عايز اقول ايه من كل النقط السابقة وللا لأ، انا عارف انكم اذكياء وهسيب الاستنتاج لذكائكم
طيب ماهي سهلة اللي عاوز ينشر مواضيع عن الحوادث .... ينشر و ينبه و اللي مش عاوز يشوف ميخشش علي الموضوع ...
اللي معترض علي مواضيع الحوادث من حقه انه يعمل مواضيع تعبر عن رايه ......
و كمان المؤيد لعرض مواضيع الحوادث من حقه يكتب رايه ......
و اللي في رده بيكتب تلميحات مش ظريفة برضه من حقه ... و من حق السلطة .....قصدي الادارة تستخباله في الدره و تعكشه ...
انا مش شايف مشكلة ... هي دي الديموقراطية و لو هتكلم عن اهم مزايا المنتدي ده هتكون حرية الراي ..... من حقك تختلف معايا ... من حقك ... تهاجم ارائي ...بل و تتهمها بالسخف ... لكن ليس لك الحق ابدا ان تؤذيني او تهاجم شخصي او تتهمني شخصيا بالسخف ..
ان ما نناقشه ليس ابدا زيد او عبيد بل راي زيد او عبيد .... ان تختلف معهم او تتفق هذا هو لب الموضوع
مع خالص اعتذاري للاخ زيد و الاخ عبيد ..... محدش بيشوفكوم ليه .. ابقوا تعالوا
.
سبعاوي باشا ....حضرتك من أكتر الناس اللي الكل بيستنوا مشاركتهم و اضافتهم القيمة ....مش بس في العربيات لا كمان في المنتدى الأجتماعي (بجد وحشتنا مواضيعك ) .....و أنا شخصيا من المعجبين بكتاباتك من أيام كونتاكت و إلي الآن .......
أنا متأكد إن شخصية حضرتك شخصية مستنيرة و تسمح باختلاف الاراء.... اعتراض حضرتك على المواضيع بتاعة الحوادث لأنها تؤذي المشاعر قد يتبعها بالتالي الأعتراض على المواضيع الخاصة بالحالة الأقتصادية لأنها تؤذي مشاعر ناس تانية و بعدين الاعتراض على المواضيع الناقدة للسيارات لأنها تؤذي مشاعر ناس تالتة و هلم جرا
أعتقد إن في اطار موضوع من جانب المشرفين و الأدارة للحدود و الاسس اللي مفروض تتوفر فى أي موضوع ... و لعلى أن لا أكون مخطئا إن حضرتك كان ليك دور فيه... و أعتقد أن الأخت الفاضلة ما تعدتهوش رغم بشاعة الموقف لكنه أولا و أخيرا موقف حقيقي مش من وحي الخيال
كمية الهجوم الموجه لها بعد كده غير مبرر خاصة انها مش أول واحدة تشارك بتقرير عن حادثة .....و عتابها لحضرتك أجزم إنه من باب العشم و التقدير ليس إلا
أخيرا أرجو من حضرتك مراجعة موقفك بالاكتفاء بساحات محددة في المنتدى لأن بصراحة ما ينفعش نستغني عنك :)
4- تفضلت ناشرة احدى القصص بقول رأيها فى شخصى المتواضع بأنها كانت تتوسم فى خيرأ واننى شخصية متفهمة ومتفتحة ولكن ظهر اننى.................(النقط من عندها وليست من عندى، كان نفسى اعرف ما خلف هذة النقط، لكن عموما فكلنا نعرف متى تستعمل النقاط للتعبير عن وصف لشخص او شئ) وذلك لاننى اخطأت بالاعتراض على قصتها ، يبدو اننى اخطأت الحساب حين تصورت ان حرية الرأى التى تعطى الحق لصاحبها لنشر قصص لا يحب الكثيرين قراءتها تعطى نفس الحق للأخرين للاعتاض عليها، اظن اننى يجب ان اعيد حساباتى،
"فقط ارجو من الأخت الفاضلة انها تتكرم باعفائى من سماع رأيها الكريم فى شخصى المتواضع فى المرات التالية، خاصة وان كل كلامى كان عن القصص المنشورة ولم اقل اى أراء فى حق اصحابها"
أ . سبعاوي
حين قلت انني توقعت ان تكون اكثر تفهما حيث وجدت حضرتك غير متفهم لظروف الموقف او ملا بسته بل بنيت رأيك علي مجرد كونه حادث و نحن هنا لا نريد ان نسمع الحوادث كأنني انا التي قمت بذلك الحادث وهربت مثلا . نعم ليتك كنت أكثر تفهما لاخواتك الصغار
اما عن رايي الشخصي فأنا لا أعرف حضرتك مسبقا حتي استطيع أن اكون صورة صحيحة ، ولكني أري أن الكل هنا يقدرك كمثل أعلي فأدركت انك شخص له كاريزما خاصة .
واطمأن فلن اقول رأيي المتواضع في شخصكم ( دون النظر لاسلوب السخرية المتواري خلف ردك ) لاني لا اصدر احكاما متسرعة علي الاشخاص
وشكرا لسعة الصدر
الاخ الكريم سبعاوي
كعادتك اكتملت الصورة بكلماتك ..
ليس هناك تعقيب ..
سوى جزاك الله خيراً على ردك وسعة صدرك التي ملأت الحوار ..
اما بالنسبة للزملاء ممن قاموا برد بردود أصفها -"بالحرية الشخصية"- .. وطبعا هيتقال على كلامي فيه سخرية .. انها لا ترتقي لحوارنا الذي بدأناه وسعينا من أجله هنا في هذا الموضوع
وليلاحظ الجميع أنني أقول -نحن- وليس أنا لأنني منذ البداية أتحدث عن كياااااااان وعن أشخاااااااص
ومن الواضح أنه لم يلحظ ذلك من الاخوة الافاضل -إلا من رحم ربي- على كل حال أشكر لكم حسن ردود من تناقش معنا بلباقة ليست ببعيدة عن اعضاء المنتدى .
كما نشكر ايضاً من نعتنا بأي من الصفات التي لا تتناسب مع الحرية ذات الاتجاه الواحد .. او ال وان واي بما اننا في منتدى سيارات ..
اخواني الافاضل .. اصحاب القلوب المستنيرة قبل العقول المنيرة ..
قد وصلكم ما بخاطرنا ... -نا-
ولكم - الحرية ذات الاتجاهين- في تقبلها او عدم تقبلها ..
ولكننا مهما حدث أحدثنا فرقاً عندما قلنا لا للتفاصيل التي تتلاعب بالمشاعر بدون فائدة ومبالغ فيها
ونعم للحوار الهادف والحكمة التي لا تمس مشاعر الآخرين - ممن يحسون- وليس ممن هم شباب تافه كما نعتنا .. مع احترامي وتقديري لكل اخواني هنا فهذا افتراء والكل يعلم ذلك ..
اخواني ..
يكيفيني أولاً ان وجهة النظر قد وصلت لمن وجهت إليه ..
ولم ولن تصل لمن هم لا يريدون ان يروا سوى ما تراه أعينهم فقط من نافذه حرية الرأي - ذات الوان واي- ولهم مني كل احترام ..
مع الاحتفاظ برأيهم كما يريدون بعيداً عن ساحات أحاسيسنا التي لا تروق لهم ..
كنت أظن اننا سنصل لنتيجة مرضية ونقاش ينعكس على علاقة وطيدة واحترام متبادل بيننا سواء صغار أو كبار ..
ولكني أخطأت حين عبرت عن مشاعر عابره كما كانت ان تجب
لا أن تؤول وتصبح وجهة نظر مسلم بها على طراز .. دي حرية والي مش عاجبه ميدخلش
عموما انا مش عاجبني .. - وحاضر - مش هدخل ..
وهفضل مدخلش كل قسم لا يليق بالشخصيات المحترمة التي أكن لها كل احترام وكلنا نعلمها تماما
إلى أن اندثر تلقائياً كما ذكر أخي الحبيب أحمد ليس عني ولكنني استعرت تعبيره الذي استهواني بحق .. طالما أنني لست أهلا للديموقراطية التي أوج بها هذا الموضوع خصوصا والمنتديات ذات حرف التاء المربوطة خاصة (فليعذرني صاحب التعبير لسرقة تعبيره) ..
واوضح أخيراً انني لم اتعمد ولم اقم باهانة أياً كان ولم يكن كلامي موجهاً لأي من الاشخاص بعينه ولا لموضوع خاصة وكان كل الكلام على سبيل العموم وليس الحصر ..
ولكم مني جزيل الشكر ووافر الاحترام ..
واسف على الاطالة وعلى اني عطلتكم عن اي موضوع مأساوي ..
او لفت انتباهكوا لحاجه تافهه من وجهة نظر البعض وكبرت الموضوع الي هو صغير بالاصل
تحياتي وأرجو من الادارة أن تغلق الموضوع لانه لا يحتوي على شئ هادف بس انا الي كنت فاهم غلط .. وجبت لنفسي وللناس المحترمة الكلام الي ملوش لزمة ..
" هبدأ تعلم الديموقراطية أهو" :)
ياااااااااااه فينك من زمان يا استاذنا ؟ انا معاك فى كل حاجة قولتها و فعلا انت كلماتك من ذهب و انا عن نفسي عمرى ماعترضت على كلامك غير فى حاجة كده ماعرفش حضرتك فاكرها و لا لأ ... لما حضرتك كنت بتقول لازم العربية تتخبط فى اول اسبوع و لازم كل واحد يهيأ نفسه لكده و انا اعترضت ان حضرتك عملتها قاعدة ثابتة بس الغريب ان اللى حضرتك قولته بيحصل فعلا
ارجوك غير توقيعك و ارجع للمشاركة فى كافة مواضيع المنتدى و اظن حضرتك مش محتاج اننا نقوللك مكانتك فى المنتدى
فى المنتدى ده اعضاء ليهم ردود كده تحل مشاكل و تريح ناس تانية و بصراحة اهم الاعضاء اللى برتاح لهم اوى حضرتك و الاخت دموع الثلج
ياريت حضرتك تفكر فى الرجوع لينا مرة تانية و انا بتقدملك بالاسف نيابة عن اى واحد فكر فيك غلط او انتقدك من غير وجه حق
و تقبل احترامى
اسمحولي
حريتك تتوقف عند حدود حريتي
المواضيع ذات الطبيعه الدمويه تعطي العظه للبعض
إيه المشكلة إن الموضوع يكون مصحوب بعنوان واضح و كفي الله المؤمنين شر القتال
لو اي موضوع شديد الدموية مريع فظيع و عنوانه واضح و كانت الردود تتسم بالقبول لمحتوي الموضوع و فجأه قام بعض الأعضاء بمهاجمة الموضوع تفتكروا ده معناه إيه
حاسيب برضه الاستنتاج لعقول المنتدي لقارئة
يرجي من أي أخ كريم يقرأ الموضوع منذ بدايته وليس الصفحات الأخيرةةةةةةةةةةةةةةةةةةة ةةةةةة
كما يرجى من الادارة غلق الموضوع
لان القربة مخرومةةةةةةةةةةةةةةةة وكل واحد وضح وجهة نظره ..
الاخ سبعاوى انى اكن لكن كل الاحترام ولكنى عفوا اختلف معك
[1- حضرتك لك حرية النقد سواء مؤيد ام مخالف .
2-عفوا ولكن ارى ان حضرتك الذى قام بالهجوم وبعصبيه , انظر فى توقيع حضرتك ممتنع عن تصفح المنتدى ...." مع ان الحل ببساطه ان حضرتك لا تقرأ اى موضوع متعلق بحوادث ... وعدم الربط الامتناع عن المنتدى ككل وبين مواضيع تؤثر في حضرتك
يا استاذى الفاضل .. الحوادث جزء من حياتنا ... حقيقه لا يمكننا الهروب منها .. مثل ما انت قلت كفايه اللى بيحصل فى فلسطين وبغدادولكن هذه الحقيقه , هل المطلوب عدم اذاعه ما يحدث هناك
تم النشر فى المنتدى الاجتماعى وليس ترفيهى .. وهذا هو مجتمعنا سواء رضينا ام لا
انا مش عارف الناس اللى ايدت كلام سبعاوى ايدته اى اساس ؟
اولا سبعاوى قال الاتى
مش عارف هو قرء كل الردود ولا لاء بس هوريه رد عنيف من العضو passatاقتباس:
- برغم ان معظم من اعترض على نشر هذة القصص قال رأيه بدون نرفزة او عصبية او توجيه اهانات لأى من ناشرى القصص ، لكننا وجدنا المناصرين لنشر هذة القصص يتهموننا بالعصبية والنرفزة واننا فتحنا المدافع على من نشروا القصص ووجهوا اعتذارات جمة بالنيابة عنا لمن نشروا القصص لأننا اجرمنا فى حقهم بالاعتراض على قصصهم ، فيما يذكرنى بالمثل الشعبى "الحقوهم بالصوت"
بخصوص حرية الراى فين القيود ديه يا سبعاوىاقتباس:
تحية لمستر bee على موضوعك المتميز ويارب الرسالة توصل لكل الأخوة والأخوات عاشقى الدماء وأفلام الرعب واكثر ما يستفزنى فالموضوع أن يعلل احد من كتبوه كتبرير للوصف بأنه المشهد مازال فى ذاكرته حتى الان ومش قادر ينساه طب لما هو كده هل تجبرنا احنا كمان نعيش المشهد معاك او معاكى وكمان تفضل تفتكرو كل متقرا ردود موضوعك وتتفاعل فالمشهد اكتر وتبدأ بقا الردود المستفزة اكتر واللى بتسأل عالتفاصيل الفنية الدقيقة طب هى الجثة كانت بالطول ولا بالعرض طب على بعد كام ملى بالزبط من العمود اللى جنبها ,,,,,,,أرحمونا!!!!!!!!!!!:censored::spam:
اذا كنت مش عايز تسمع او تشوف مثل هذه المواضيع ماتدخلهاش يا سيدى
وشوفو رد العضو medo_ahmed2 على كلام سعداوى اللى كان فاكرو سبعاوى لتشابة الاسماء رد * بسرعة *****
وتقريبا ما قراش حتى قال ايه
http://www.nilemotors.net/Nile/showp...5&postcount=33
مش عارف بنمشى ورا اى حد وخلاص ليــه حتى من غير ما نقرا وكل ما يقول كلمة نقوله يا عظيم يالى مافيش زيك اتنين
يا استاذ سبعاوي
حضرتك حتي من فتره كنت حاطط صوره جمجمه في الصوره الشخصيه و محدش علق
عادي يعني
انا حاسس ان الناس عاوزه تعمل نايل موتورز ماتركس مع ان نايل موتورز مرتبط
بالشارع بحلوه و مره
ياخساره علي خير اجناد الارض قلبهم تعبهم من وصف منظر جثه :(
على فكرة المشكلة دي أتكررت مليون مرة :) و سببها الوحيد للي هيفكر هيعرف إن هو فارق في التفكير بين اللي أتربى على "الترهيب" و بين اللي اتربى على "الترغيب" :)
مع كامل الإحترام للجميع طبعا ولا أقصد إساءة لشخص ما بل لكل شخص الحرية في كتابة ما يريد... وأنا عن نفسي مدخلتش الموضوع إياه غير يوم ما أتكتب وبمجرد ما لاقيت بدايته فيها كلام عن جثة بجد أتكلت على الله.
و لللي بيتريق على اللي بيخافو من الحاجات دي! أحب أعرفه إن اللي بيخاف من الحاجات دي هو من عانى من ويلات الحروب فعلا :) و من سمع إستغاثات نساء لا حول لهم ولا قوة و من سمع بكاء أطفال لا حول لهم ولا قوة برضو، يعني شافو اللي حضرته مشافهوش وكان هو ساعتها قاعد بيسمع نشرة الأخبار عن الناس دي!! :)
نو كومنت أكتر من كدا عشان مفتحش في حد.
كالعاده
موضوع طويل عريض و مشاهدات و ردود
مع اني شايف الموضوع ما يستاهلش كل دا.
اللي عاوز يدخل يتفرج علي موضوع يدخل
و اللي مش عاجبه ما يدخلش هو حر
بس برضه
لازم تبقي مواضيع هادفه وفيها عظه مافيهاش هيافه و فلسفه فاضيه.
يعني واحد شاف حادشه و بيحكيها لعل الناس تتعظ
ايه المشكله في كده؟؟
انما تلاقي اللي داخل او اللي داخله يعملوا مواضيع يتفلسفوا فيها
و ينقلوا مواضيع من منتديات تانيه لغرض بس الشهره
و علشان يظهر او تظهر في صوره كويسه دا اللي مش مقبول.
................
معانا هنا احد الاعضاء المحترمين جدا كان حاطط توقيع كل ما اشوفه اضايق
و بعت اليه علي الخاص و فهمته الوضع
بصراحه الراجل شاكرا غير توقيعه و انا احترمته جدا لانه احترم رغبه الاخرين
و اللي خلاني ابعت اقوله علي التوقيع اني لما بدخل و بلاقيه بحس انه مقزز
انما لو الصوره دي في موضوع مثلا اقدر اني ادخله او لاء عمري ما كنت حطلب
منه انه يغيرها.
خلاصه الكلام
اللي عاجبه يقرأ موضوع عن الحواذث يقرأ
و اللي مش عاجبه ما يقرأش
لكن اني اطالب بحذف الموضوع فطبعا لاء
انت شوفت جثة قبل كدة؟... مش فى التلفزيون او فى صورة او حتى على الرصيف اللى جنك... لا شوفتها قدامك بالضبط؟؟
انا شوفتها كويس اوى لانها كانت على كبوت عربيتى ووقفت جنها ربع ساعة لحد ما جت الشرطة و الاسعاف... صدقنى المنظر مش لطيف خالص و مهما كان قلبك جامد لازم المنظر يهزك... دى طبيعة بشرية
MMamdouh
شفتوا ازاي الموضوع اتقلب للكلام عن الجثث من تاني :freakedout:
طيب يا جماعة الموضوع كده أخد حيز أكبر من حجمه بكتييييييييييير و عايزين نلمه.. ايه رأيكوا؟ :original:
مش قلتوا كل واحد حر في الي يتكلم عنه ؟؟
كفاية هنا بقه كلام عن المواضيع دي ..
خلوها في الاجتماعي .. عشان ده مجتمعنا الي المفروض متهربوش منه :)
بس أنا جبان وبحب أهرب .. وقلبي قلب خسايه :)
خلاص يا جماعة وبعد اذنكوا
الي يكتب موضوع مماثل من مجتمعنا الوحش .. ينوه في العنوان .. عشان انا قلبي ضعيف فمش هدخل .. عارف هتقل عليكوا .. بس كلنا اخوات هنا
امال فين الادارة اللي المفروض من امبارح تيجي وتقول
تم إغلاق الموضوع بناءاً على طلب صاحبه :)
كل سنة وانتوا طيبين ...
يا جماعة مش كل موضوع فيه اختلاف في الآراء لازم تيجي الإدارة و تقفله.. كده الاقفال اللي في البلد هاتخلص :nuke:
ليه ما يكونش القرار جاي مننا احنا؟ حفاظا على الأخوة و المودة اللي بينا و حفاظا على مشاعر بعضنا نقرر اننا ما نتكلمش في الموضوع ده تاني، و لو اني كنت أود اننا نصل لقرار مشترك ننظم بيه موضوع المشاركات او المواضيع اللي فيها قصص حوادث.. انما عشان دي مش قادرين نعملها فعلى الأقل نبطل كلام اكتر من كده في الموضوع ده من نفسنا مش من الإدارة.
والله يا علا يا ريت تشوفي الموضوع من أوله لآخره
وانا اتعمدت م البداية ارد على الشخص بشخصه رغم ارهاقي بذلك ولكن لكي تتضح الصورة
ومع ذلك ..
الي دخل رد وخلاص .. وانا متاكد انه مقراش حاجه
والي دخل صفق .. بدون ان يعلم عما نتحدث
والي دخل قال كل واحد حر ..
والي قال يا خسارة خير جنود الارض .. على اساس ايه مش عارف !!
عموما مش هنطول تاني لان الموضوع اتقفل بالنسبالي ع الاقل
وانا وصلت لنتيجة .. حتى لو مش مرضية
ويكفيني اني عبرت عن وجهة نظري .. حتى لو مش متفقة مع حد .. فهي وجهة نظر
وهقول لأول مرة :)
الاختلاف في الرأي لا يفسد للود قضية :) أول مرة واخده بالك ؟؟
تحياتي للروح الطيبة الي ملأتي بيها الموضوع
وكل عام وانتم بخير
صدقنى بتفرق... انا جالى من فترة ايميل لحادث حصل لواحد كان بيتكلم فى الموبايل و سرح و دخل تحت تريللا.... اخر كام صورة كان فيهم فعلا واح نصين... نصين بجد... فا انا بتخيل المنظر كل ما اقراء الموضوع دة و اقرف من الحياه كل ما افتكر الصورة و افتكر حادثتى
الموضوع مش قصة شجاهة و كدة... ما فرق الصاعقة بيعملوا فيهم بلاوى تقرف اللى مبيتقرفش و بيعدوا منها عادى... بس دى ناس بتدرب للحرب و ساعة الجد هما اول ناس حيبقوا فى المواقف محتاجة كدة... مش مطلوب من باقى الناس ان يبقى عندها نفس القدرة دى و هى قاعدة على مكتبها فى الشغل و بتقول يا فتاح يا عليم تلاقى قطع غيار بنى ادمين فى كل حتة و تتعامل عادى... و العادى بتاعك غير بتاعى غير بتاع حد تانى
انا كنت فى مرة فاتح الصندرة و لقيت فيها فران... و مكنش معايا اى حاجة اضربهم بيها و لا فى فرصة حتى حد يساعدنى... بقيت امسك الفران بايدى و اخنقها لحد ما تموت... فيه ناس حتقرف من كدة و فيه ناس عادى... مش كل الناس زى بعض بس مش معنى كدة منراعيش ظروف بعض
كفاية بقى تشريح و جثث... خللينا فى العربيات يا جدعان
MMamdouh
مع ان الموضوع لا يعنينى من قريب أو بعيد,
رغم اننى من محبى مشاهدة الحوادث:reddevil:(السيارات فقط و ليس البشر)
لكن الموضوع أخد أكبر من حجمه,
أعتقد ان توقيع الاستاذ سبعاوى كان دعابة للتعبير عن اعتراضه على مثل هذه المواضيع بشكل لطيف و ساخر, و لم يقاطع المنتدى لأنه قام بالتعليق على عدة مواضيع خارج نيسان و فيات و الورشة,
طب ليه نكبر الموضوع و نخش فى مهاترات لا طائل من ورائها,
كبروا دماغكوا, أنا عارف انو معظم الناس بتحب تشوف الحوادث و ده واضح جدا فى الشارع, لو حصلت أى حادثة نص الشارع بيقف يتفرج و يصور كمان و انا بصراحة عندى هذه العادة السيئة,
و فيه ناس مش بتحب كده,
الأستاذ سبعاوى حب يعبر عن عدم رغبته فى قراءة مثل هذه المواضيع بشكل ساخر, فيا ريت منقلبش الهزار جد و بعدين نتخانق عليه!!
حصل خير, كبروا دماغكوا!