صفحة حوادث نايل موتورز - شعارنا الدم للركب

**OlaOsman** · 19-08-2008 01:58 PM

شفتوا ازاي الموضوع اتقلب للكلام عن الجثث من تاني

طيب يا جماعة الموضوع كده أخد حيز أكبر من حجمه بكتييييييييييير و عايزين نلمه.. ايه رأيكوا؟

**bee** · 19-08-2008 02:09 PM

مش قلتوا كل واحد حر في الي يتكلم عنه ؟؟
كفاية هنا بقه كلام عن المواضيع دي ..
خلوها في الاجتماعي .. عشان ده مجتمعنا الي المفروض متهربوش منه :)
بس أنا جبان وبحب أهرب .. وقلبي قلب خسايه :)
خلاص يا جماعة وبعد اذنكوا
الي يكتب موضوع مماثل من مجتمعنا الوحش .. ينوه في العنوان .. عشان انا قلبي ضعيف فمش هدخل .. عارف هتقل عليكوا .. بس كلنا اخوات هنا

امال فين الادارة اللي المفروض من امبارح تيجي وتقول

تم إغلاق الموضوع بناءاً على طلب صاحبه :)

كل سنة وانتوا طيبين ...

**OlaOsman** · 19-08-2008 02:14 PM

يا جماعة مش كل موضوع فيه اختلاف في الآراء لازم تيجي الإدارة و تقفله.. كده الاقفال اللي في البلد هاتخلص

ليه ما يكونش القرار جاي مننا احنا؟ حفاظا على الأخوة و المودة اللي بينا و حفاظا على مشاعر بعضنا نقرر اننا ما نتكلمش في الموضوع ده تاني، و لو اني كنت أود اننا نصل لقرار مشترك ننظم بيه موضوع المشاركات او المواضيع اللي فيها قصص حوادث.. انما عشان دي مش قادرين نعملها فعلى الأقل نبطل كلام اكتر من كده في الموضوع ده من نفسنا مش من الإدارة.

**bee** · 19-08-2008 02:37 PM

والله يا علا يا ريت تشوفي الموضوع من أوله لآخره
وانا اتعمدت م البداية ارد على الشخص بشخصه رغم ارهاقي بذلك ولكن لكي تتضح الصورة
ومع ذلك ..
الي دخل رد وخلاص .. وانا متاكد انه مقراش حاجه
والي دخل صفق .. بدون ان يعلم عما نتحدث
والي دخل قال كل واحد حر ..
والي قال يا خسارة خير جنود الارض .. على اساس ايه مش عارف !!

عموما مش هنطول تاني لان الموضوع اتقفل بالنسبالي ع الاقل
وانا وصلت لنتيجة .. حتى لو مش مرضية
ويكفيني اني عبرت عن وجهة نظري .. حتى لو مش متفقة مع حد .. فهي وجهة نظر
وهقول لأول مرة :)
الاختلاف في الرأي لا يفسد للود قضية :) أول مرة واخده بالك ؟؟

تحياتي للروح الطيبة الي ملأتي بيها الموضوع
وكل عام وانتم بخير

**AHMEDCAR** · 19-08-2008 02:43 PM

المشاركة الأصلية كتبت بواسطة bee

والله يا علا يا ريت تشوفي الموضوع من أوله لآخره
وانا اتعمدت م البداية ارد على الشخص بشخصه رغم ارهاقي بذلك ولكن لكي تتضح الصورة
ومع ذلك ..
الي دخل رد وخلاص .. وانا متاكد انه مقراش حاجه
والي دخل صفق .. بدون ان يعلم عما نتحدث
والي دخل قال كل واحد حر ..
والي قال يا خسارة خير جنود الارض .. على اساس ايه مش عارف !!

عموما مش هنطول تاني لان الموضوع اتقفل بالنسبالي ع الاقل
وانا وصلت لنتيجة .. حتى لو مش مرضية
ويكفيني اني عبرت عن وجهة نظري .. حتى لو مش متفقة مع حد .. فهي وجهة نظر
وهقول لأول مرة :)
الاختلاف في الرأي لا يفسد للود قضية :) أول مرة واخده بالك ؟؟

تحياتي للروح الطيبة الي ملأتي بيها الموضوع
وكل عام وانتم بخير

تحيه كبيره ليك ياباشا والله انا فخور بيك جدا

**MMamdouh** · 19-08-2008 02:46 PM

المشاركة الأصلية كتبت بواسطة PRO-DRIVE

انا شفت جثه قبل كدا علي الطبيعه بس كان ميت عادي مش حادثه :)

المنظر بشع اكيد و طبيعي اانك تتهز و دا اللي حصل

مش بقول اني شجاع يعني اكيد حتتهز الخوف طبيعه بشريه

بس مش للدرجه ان لو حد حكالي يحصلي كدا يعني

صدقنى بتفرق... انا جالى من فترة ايميل لحادث حصل لواحد كان بيتكلم فى الموبايل و سرح و دخل تحت تريللا.... اخر كام صورة كان فيهم فعلا واح نصين... نصين بجد... فا انا بتخيل المنظر كل ما اقراء الموضوع دة و اقرف من الحياه كل ما افتكر الصورة و افتكر حادثتى

الموضوع مش قصة شجاهة و كدة... ما فرق الصاعقة بيعملوا فيهم بلاوى تقرف اللى مبيتقرفش و بيعدوا منها عادى... بس دى ناس بتدرب للحرب و ساعة الجد هما اول ناس حيبقوا فى المواقف محتاجة كدة... مش مطلوب من باقى الناس ان يبقى عندها نفس القدرة دى و هى قاعدة على مكتبها فى الشغل و بتقول يا فتاح يا عليم تلاقى قطع غيار بنى ادمين فى كل حتة و تتعامل عادى... و العادى بتاعك غير بتاعى غير بتاع حد تانى

انا كنت فى مرة فاتح الصندرة و لقيت فيها فران... و مكنش معايا اى حاجة اضربهم بيها و لا فى فرصة حتى حد يساعدنى... بقيت امسك الفران بايدى و اخنقها لحد ما تموت... فيه ناس حتقرف من كدة و فيه ناس عادى... مش كل الناس زى بعض بس مش معنى كدة منراعيش ظروف بعض

كفاية بقى تشريح و جثث... خللينا فى العربيات يا جدعان

MMamdouh

**فادى** · 19-08-2008 03:29 PM

مع ان الموضوع لا يعنينى من قريب أو بعيد,
رغم اننى من محبى مشاهدة الحوادث(السيارات فقط و ليس البشر)
لكن الموضوع أخد أكبر من حجمه,
أعتقد ان توقيع الاستاذ سبعاوى كان دعابة للتعبير عن اعتراضه على مثل هذه المواضيع بشكل لطيف و ساخر, و لم يقاطع المنتدى لأنه قام بالتعليق على عدة مواضيع خارج نيسان و فيات و الورشة,
طب ليه نكبر الموضوع و نخش فى مهاترات لا طائل من ورائها,
كبروا دماغكوا, أنا عارف انو معظم الناس بتحب تشوف الحوادث و ده واضح جدا فى الشارع, لو حصلت أى حادثة نص الشارع بيقف يتفرج و يصور كمان و انا بصراحة عندى هذه العادة السيئة,
و فيه ناس مش بتحب كده,
الأستاذ سبعاوى حب يعبر عن عدم رغبته فى قراءة مثل هذه المواضيع بشكل ساخر, فيا ريت منقلبش الهزار جد و بعدين نتخانق عليه!!
حصل خير, كبروا دماغكوا!