صوت تصفير سير عند بداية الدوارة او لف الدركسيون للاخر و حلها
بقالى اسبوع كل مدور العربية اسمع صوت صفارة سير لمدة ثوانى و يختفى و يرجع يظهر تانى لما بلف الدركسيون لقرب الاخر او للاخر , المهم كنت مشغول فطنشت و قلت فى بالى بسيطة سير الباور مرخى شوية و عاوز يتشد , رجعت القاهرة اجازة لمدة يومين قلت اروح للمهندس هانى بس بصراحة كنت مرهق جدا و مش عاوز اتحرك بالعربية, دورت على النت و لقيت فى hyundai forums واحد بيشتكى من نفس شكوتى و كان من ضمن الردود ان السبب مش ﻻزم يكون من سير الباور ده ممكن يكون من سير مجموعة الدينامو و طلمبة المياه ( هيونداى فيرنا 1600) , نزلت تانى يوم و شديت سير الباور سنة و جربت لقيت الصوت هوه هوه , بس اثناء التجربة و للصدف كنت فاتح باب العربية لقيت نور الصالون بيرعش كل لما اكسر الدركسيون متزامن مع صوت الصفارة , شديت سير الدينامو واحدة واحدة لحد ما الصوت اختفى و طلع العيب فعلا ان سير الدينامو كان مرخى :alien29:
