فين الشباب اللي راكب إسبيرانزا؟

**M I D O** · 10-05-2013 05:32 PM

المشاركة الأصلية كتبت بواسطة aftr

اسبرانزا m11

بسم الله ما شاء الله جميلة ربنا يباركلك فيها بس ممكن يا باشا لو شوية صور لعربية حضرتك عشان لو الشغل الي فيها عجب حد يعملة

**M I D O** · 10-05-2013 05:35 PM

المشاركة الأصلية كتبت بواسطة aftr

اسبرانزا m11

بسم الله ما شاء الله جميلة ربنا يحفظهالك بس ممكن يا باشا لو سمحت شوية صور لعربية حضرتك عشان لو حد عجبة الشغل الي فيها يعملة

**Ahmed_Tarek** · 15-05-2013 11:08 PM

اسف يا جماعة على التأخير كان عندي شوية مذاكرة كده

المشاركة الأصلية كتبت بواسطة reda elgohary

ربنا يبارك للجميع فى سيارته وربنا يوفقكم، ويبعدها عن الميكانيكى والحوادث .

يا رب .. امين

المشاركة الأصلية كتبت بواسطة bassemali

ياباشا أنا قولتلك أن مشاكل التقفيل بتخلص بعد خناقات مع التوكيل .. أنا موضوعي القديم عن ال 516 كنت لسه جايب العربيه جديده ماكملتش 5000 كيلو وبسبب عيوب التقفيل وعدم وجود رقابه على الجوده كانت هتموتني على طريق مصر إسكندريه الصحراوي لولا ستر ربنا لأني كنت مسافر في يوم كله أمطار والدنيا ليل وفجأه لقيت النص الوراني كله كهربته مش شغاله .. يعني مافيش أنوار خلفيه ولا سماعات الكاسيت الخلفيه شغاله ولاتنك البنزين بيفتح ولا الشنطه .. وطبعا عدم وجود أنوار خلفيه وأنت على طريق سفر زي كده في الأوضاع دي ... كاااااااارثه لولا إني بدي إشاره يمين عشان داخل محطة بنزين ولاقيت الصوت بتاع الإشارات متغير شكيت أن في لمبه محروقه نزلت أبص لقيت النور الخلفي كله مش شغال !!!!! .. وسبحان من خلاني قدرت أكمل الطريق وأنا وأهلي حاطين أيدينا على قلبنا وعمالين ندعي لأني ماكانتش أقدر أقف ف نص الطريق من 7 مساء لغاية الصبح لما يطلع النهار عشان أكمل الطريق والتوكيل لما كلمتهم قعدوا يحوروا ويقولولي أصل النهارده الخميس ومافيش خدمة المساعده على الطريق أنت لو جوا إسكندريه نجيلك ... الحمد لله كان بيني وبين إسكندريه حوالي 50 كيلو ولما وصلت كلمتهم وبعتولي عربية الخدمه السريعه وقالولي العربيه عامله قفله ولازم تيجيبها بكره التوكيل وكانوا عايزين 60 جنيه رسوم ولما قفلت معاهم قالولي خلاص ماتدفعش .. حط بقى نفسك مكاني .. عربيه عملت فيك الموقف ده وهيا لسه جديده (5000 كيلو ) تجنن ولا لأ ؟
بعد كده الحمد لله كله إتظبط وبقت تمام والحمد لله ... وبصراحه العشره بتخلي المحبه تزيد :b4_007: :b4_007: :b4_007:

تجنن فعلا بس الحمد لله انها اتظبطت

المشاركة الأصلية كتبت بواسطة AMGAD1521977

تحياتى لجميع اعضاء المنتدى المحترمين بأختصار انا من ملاك ال516 موديل 2008 من الزيرو العداد 123,000 الف كيلو من وجهة نظرى المشكلة فى العربية دى حاجتين العفشة و سير الكاتينة و دى على الفكرة مش حتبقى مشكلة بالنسبة للعفشة هى ملائمة لطبيعة الطرق عندنا و مشكلة سير الكاتينة هى قلة الضمير و بيع قطع الغيار الغير اصلية بالاضافة الى مشكلة الميكانيكية اللى بيقولو انهم بيعرفو يشتغلو فى العربية و هما ما بيعرفوش انا شخصيآ الحمد لله ماليش تجربة فيها ضرر و ما بروحش للتوكيل و لكن بأعمل الآتى :
بتعامل مع ميكانيكى و كهربائى واحد فقط و بتعامل مع عفشجى واحد و عامل جدول صيانة لنفسى ماشى عليه بالورقة و القلم و الحمد لله كله تمام على فكرة انا شغلى فى سيناء و طرق سيناء محتاجة عربية لو مش ممتازة بمعنى الكلمة يبقى ما تنفعش و ده ابسط رد على مدى متانة العربية دى و لو فيه اى استفسار انا تحت الامر و تحياتى مرة ثانية

احييك على تنظيمك لصيانة السيارة الدورية و اهتمامك بيها

المشاركة الأصلية كتبت بواسطة hugan

1600 طبعا
عفشه العربيه بالنسبه لطبيعتها وحجمها
تعتبر جيده جدا
لكنها فيها ميزه تانيه
انها متماسكه عن ال 516
ال516 علي الطرق المكسره والمدقات كنت بحس اكتر ان العربيه مفككه من بعضها
لكن الكلام ده مش موجود في التيجو
وطبعا صوت النقر الشهير بتاع عمود الدركسيون مش موجود

طب مفيش حلول لموضوع ان العربية تبقى مفككة في المناطق المكسرة؟
مفيش حد حريــــــف يظبط الصالون؟ عشان عندي الكنبة و البوردة بتاعت السماعات بيعملوا صوت تزييق

**hugan** · 16-05-2013 10:16 PM

طب مفيش حلول لموضوع ان العربية تبقى مفككة في المناطق المكسرة؟
مفيش حد حريــــــف يظبط الصالون؟ عشان عندي الكنبة و البوردة بتاعت السماعات بيعملوا صوت تزييق[/quote]

الحل عفشه متسوبيشي استيراد بتتجاب كامله من الحرفيين حوالي 2000الي 2500
وتريح دماغك نهائي من موضوع العفشه
الكنبه عايزه تتركب صح لانها ممكن تكون مش نازله في المشقبيه بتاعتها
لكنها مابنزيقش

**may_moon911** · 05-06-2013 11:59 AM

دايس معاك يا شقيق :d
m11 2012
عامله ٧٥٠٠ كيلو تقريبا كلهم سفر من العاشر من رمضان لللقاهرة و من العاشر لاسماعيليه "رايح و جاي ف نفس اليوم"
اكتر حاجتين بيخلوني واثق و مش خايف من الجري :
١- الفرامل .. ف طريق السويس عند احمد حلمي كان في بركه مياه و دوست فرامل عالاخر و دخلت ف المياه .. ولا الهوا يدوب خبطت المياه و خلاص
٢- الثبات احسن حاجه فيها .. منحنيات طريق اسماعيليه علي ١٤٠ و ١٦٠ و راكب ٢ معايا و كاني ماشي علي ٤٠ ;)
مش عاجبني :
١- استهلاك البنزين علي ١ و ٢ و ٣ عالي جدا حتي لما قولتلهم ف التوكيل ... فوق ال ١٠ و ١٥ ونا بدايق من الاستهلاك دا انما علي ٤ و ٥ لو جايب ١٦٠ او ١٧٠ الاستهلاك مع الهواء ١٠,٥ او ١١ بالكتير
٢- الضيق .. ضيقه من ورا لو بتفنيخ زيي ونتا سايق
٣- اوقات بدوس شويتين عالبنزين بتبقي ثابته عالسرعه و الاستهلاك زاد بس يمكن مطلع ولا حاجه ... ادوس زياده و اللزق الدواسه ف الارض ولا الهوا الاستهلاك زي ماهو مكتوب و السرعه زي ما هيا

تقييم عام ... عربيه شد و جري بثبات اكتر من رائع و تكييف ممتاز تقييم ٩ من ١٠

**tito865** · 12-06-2013 12:09 PM

العربية دة زى الفل وتجرى بيها وانت مطمن
وهى معايا زيرو 2008
وجرايا اخر حاجة بس فى ملاحظة انا غيرت جنوط ال516 وجبت اسبور اندونيسى بس جامدين بصراحة فرقت معايا كتيييييييييييييير فى السحب وطلعة العربية من الثبات بقت اكثر سرعة
على فكرة اكتر من واحد فى اللى شغلين فى التوكيل قالو عيب العربية دة فى الجنوط انها مكبوسة وتقيلة والحروف بتاعتها (الجنط) طرية بتتنى
وفعلا غيرت لاقيت اختلاف جامد

**abdulhafeez** · 13-06-2013 03:34 AM

فعلا الجنوط بتتني بسهولة .......
بس مش بسهولة قوي يعني

انا عندي جنطين جه فيهم رفة بعد استخدام حوالي 70 الف كيلو وتم استعدالهم

الموضوع: فين الشباب اللي راكب إسبيرانزا؟

LinkBack

أدوات الموضوع

عرض

-

-

-

-

المواضيع المتشابهه

ما هو تقييمك للسيارة التريوس (الـ 5 راكب والـ 7 راكب)

ايه اللي ممكن يحصل موتور 1600 راكب علي شكمان 1000 ايه اللي ممكن يحصل

الي راكب رينو لوجان 7 راكب يسجل ويكتب انطباعه

سمعت ان اللوجان ال 7 راكب فرنساوى فهل ده صحيح وهل الكارينز 7 راكب افضل

كل واحد يحكي عن الحادثة بتاعتوا اللي عملها أو كان راكب ورا اللي سايق أو هو اللي شافها

الكلمات الدلالية لهذا الموضوع

المفضلات

المفضلات

ضوابط المشاركة