عرض للطباعة
السلام عليكم ..
أنا كنت عايز اتعرف على الشباب اللي في المنتدي اللي راكب اسبيرانزا و بيحبها و بيثق فيها في الجري و الفرامل و الثبات و هكذا :0002014A:
خايف اطلع انا بس اللي بحب اجري بيها ههههه
و يا سلام لو في شباب عاملين تعديلات في العربية سواء عفشة او فرامل او تحسين لأداء الموتور و نعرف مكانة العربية دي وسط بقيت العربيات
مستني الردود الجامدة :praying:
معاك ياباشا .. إسبرانزا 516 موديل 2012
شيري كيو كيو بره مصر
تحياتي
Sent from my LT18i using Forum Runner
منورين يا شباب و ربنا يباركلكم في عربياتكم , عايز اسمع خبرة كل واحد مع العربية و رأيه فيها ايه و هل تعرض لمواقف تثبت كفائة العربية ولا لأ
أهلا و سهلا يا باشا , رأيك فيها ايه و اخبارها معاك ايه دلوقتي؟اقتباس:
المشاركة الأصلية كتبت بواسطة bassemali
اقتباس:
المشاركة الأصلية كتبت بواسطة dr.hazem
منور يا كبير ... ما شاء عربيتك شكلها حلو , بس الأهم الأداء , ايه اخبار الثبات مع السرعة و الفرامل و هكذا؟ و معدل حاجة ولا stock ؟اقتباس:
المشاركة الأصلية كتبت بواسطة aftr
والله إنطباعي عن ال 516 إنها عربيه بدرجة جيد جدا مرتفع .. مشاكلها بس بعض عيوب التقفيل اللي بتنتهي بعد شوية خناقات مع التوكيل .. غير كده عربيه كا أداء وثبات وأوبشن .. إلخ ... لاغبار عليها والحمد لله مبسوط بيها قوي .
معاك ياريس
516 موديل 2010
معايا من الزيرو
اقصى سرعه 190 على طريق مصر اسماعليه
وعامل تهديلات شكليه بس جوه وبره
والعفشه لانسر كامله
والعربيه اكتر من ممتاااااااااااازه بجد
لو انت بتاع جري
يبقى m11
حتحس انك راكب بي ام دبليو
شوف الفيديو ده
http://www.nilemotors.net/Nile/355077-m11-m12.html
طب الحمد لله , يعني اللي كنت بتشتكي منه في موضوعك القديم ده مبقاش مضايقك؟ :grin21:اقتباس:
المشاركة الأصلية كتبت بواسطة bassemali
اقتباس:
المشاركة الأصلية كتبت بواسطة BESO516
100/100 أنا 516 2007 جبت 180 على طريق السويس اللي عمله الجيش مكنش في مشاكل خالص الحمد لله.. :tumb:
جربت تجري مع عربيات تانية ولا بتجري لوحدك بس؟
بس هل عفشة اللانسر بتقلل الثبات ولا بتزوده ولا مفيش فرق؟ عشان طبعا في فرق وزن بين اللانسر و ال516 فهل بتأثر بالسلب على حاجة؟
اقتباس:
المشاركة الأصلية كتبت بواسطة abdulhafeez
أنا دايما اسمع ان الM11 رياضية اكتر و أدائها أعلى شوية من ال516 بس ال516 عائلية اكتر يعني اوسع و شنطة اكبر و كده...
ربنا يباركلك فيها و يا ريت تقولنا انجازاتك بيها ايه :verygood:
اهلا بيك
مالك قديم لل516
وحاليا تيجو
اهلا بالرجالة الجداد ... منورين الموضوع :)))
طب ما الناس بتقول كلام إيجابي اهوه ... أمال الشكاوي الخطيرة و الناس اللي على طول تقول دي عربية فاشلة بتبقى على اساس ايه؟؟ والله يا جماعة انا لسه كنت سايق امبارح Octavia A4 1999 حالتها A1 و الفرق الوحيد التقفيل و جودة الخامات الA4 تكسب بفرق كبير إنما احساس السواقة و تماسكها في الأرض و الفرامل و نشفان العفشة مفيش فرق (من غير مبالغة) ... أنا بس نفسي الناس تبطل تشتم في العربية لإني بحبها جدا و بركب عربيات ياباني و كوري كتير مش بحس فيه بنفس درجة الراحة و الأمان اللي في ال516
مستني ردودكم سواء كانت تأكيد على كلامي او نقض ;)
اقتباس:
المشاركة الأصلية كتبت بواسطة hugan
نورتني
واضح ان تجربتك إيجابية مع اسبيرانزا :tumb:
ممكن تدينا نبذة عن تجربتك مع كل واحدة و تقولنا موديلها ايه و رأيك فيها ايه؟
الموضوع كبيراقتباس:
المشاركة الأصلية كتبت بواسطة ahmed_tarek
وطويل لكن بالمختصر المفيد
اشتريت ال 516 في 2008
وبعتها من حوالي شهرين ونصف
كانت عامله 115000
عربيه جيده
يعبها عفشتها لكن انا مغيرتش حاجه في العفشه غير المساعدين
العربيه كانت شغاله بكفائه من وقت الشراء للبيع
كان عندي معاها مشكله في الكنترول وكانت مشكله مزمنه لكن تاقلمت معاها
تقريبا انا الوحيد في مصر اللي كان عنده المشكله دي
بعتها واشتريت التيجو لاني كنت محتاج عربيه عاليه وليها شبكه
في مجال شغلي التيجو اكث عمليه ومتانه وكفائه من ال 516
التيجو بتاعتي 2013 اخر حاجه في الشكل القديم
من وجهه نظري افضل من ال 516
فيها 2اير باج
خامات الصالون والتابلوه وان كانت افقر في الجمال عن 516
لكنها متماسكه اكتر وجيده اكثر
الاتساع طبعا ال 516+ بحر مفيش كلام التيجو ضيقه
ال516 ثباتها وتسارعها يفوق التيجو بمراحل
يعني نبذه مختصره
معاك في موضوع عفشه الاوكتافيااقتباس:
المشاركة الأصلية كتبت بواسطة ahmed_tarek
لاني ركبت عربيه اوكتافيا 2013
تقريبا نفس الهبد والتنطيط ونشوفيه عفشه الاسبرانزا
لكن الجوده بالنسبه للاوكنافيا مفيش كلام
اقتباس:
المشاركة الأصلية كتبت بواسطة hugan
نبذة مختصرة لكن ثمينة والله ... اكيد طبعا بتتكلم عن التيجو ال1600 صح؟
و انا متفق معاك ان التيجو هتتفوق على ال516 في الطرق المكسرة و الوعرة
لكن هل فيها نفس مشاكل العفشة بتاعت ال516؟
اقتباس:
المشاركة الأصلية كتبت بواسطة hugan
كلام سليم مفيش مقارنة من ناحية الجودة و العزل
طب ليه في ناس بتفضل الفيرنا و اللانوس و الbyd عنها مثلا؟
1600 طبعااقتباس:
المشاركة الأصلية كتبت بواسطة ahmed_tarek
عفشه العربيه بالنسبه لطبيعتها وحجمها
تعتبر جيده جدا
لكنها فيها ميزه تانيه
انها متماسكه عن ال 516
ال516 علي الطرق المكسره والمدقات كنت بحس اكتر ان العربيه مفككه من بعضها
لكن الكلام ده مش موجود في التيجو
وطبعا صوت النقر الشهير بتاع عمود الدركسيون مش موجود
تحياتى لجميع اعضاء المنتدى المحترمين بأختصار انا من ملاك ال516 موديل 2008 من الزيرو العداد 123,000 الف كيلو من وجهة نظرى المشكلة فى العربية دى حاجتين العفشة و سير الكاتينة و دى على الفكرة مش حتبقى مشكلة بالنسبة للعفشة هى ملائمة لطبيعة الطرق عندنا و مشكلة سير الكاتينة هى قلة الضمير و بيع قطع الغيار الغير اصلية بالاضافة الى مشكلة الميكانيكية اللى بيقولو انهم بيعرفو يشتغلو فى العربية و هما ما بيعرفوش انا شخصيآ الحمد لله ماليش تجربة فيها ضرر و ما بروحش للتوكيل و لكن بأعمل الآتى :
بتعامل مع ميكانيكى و كهربائى واحد فقط و بتعامل مع عفشجى واحد و عامل جدول صيانة لنفسى ماشى عليه بالورقة و القلم و الحمد لله كله تمام على فكرة انا شغلى فى سيناء و طرق سيناء محتاجة عربية لو مش ممتازة بمعنى الكلمة يبقى ما تنفعش و ده ابسط رد على مدى متانة العربية دى و لو فيه اى استفسار انا تحت الامر و تحياتى مرة ثانية
ياباشا أنا قولتلك أن مشاكل التقفيل بتخلص بعد خناقات مع التوكيل .. أنا موضوعي القديم عن ال 516 كنت لسه جايب العربيه جديده ماكملتش 5000 كيلو وبسبب عيوب التقفيل وعدم وجود رقابه على الجوده كانت هتموتني على طريق مصر إسكندريه الصحراوي لولا ستر ربنا لأني كنت مسافر في يوم كله أمطار والدنيا ليل وفجأه لقيت النص الوراني كله كهربته مش شغاله .. يعني مافيش أنوار خلفيه ولا سماعات الكاسيت الخلفيه شغاله ولاتنك البنزين بيفتح ولا الشنطه .. وطبعا عدم وجود أنوار خلفيه وأنت على طريق سفر زي كده في الأوضاع دي ... كاااااااارثه لولا إني بدي إشاره يمين عشان داخل محطة بنزين ولاقيت الصوت بتاع الإشارات متغير شكيت أن في لمبه محروقه نزلت أبص لقيت النور الخلفي كله مش شغال !!!!! .. وسبحان من خلاني قدرت أكمل الطريق وأنا وأهلي حاطين أيدينا على قلبنا وعمالين ندعي لأني ماكانتش أقدر أقف ف نص الطريق من 7 مساء لغاية الصبح لما يطلع النهار عشان أكمل الطريق والتوكيل لما كلمتهم قعدوا يحوروا ويقولولي أصل النهارده الخميس ومافيش خدمة المساعده على الطريق أنت لو جوا إسكندريه نجيلك ... الحمد لله كان بيني وبين إسكندريه حوالي 50 كيلو ولما وصلت كلمتهم وبعتولي عربية الخدمه السريعه وقالولي العربيه عامله قفله ولازم تيجيبها بكره التوكيل وكانوا عايزين 60 جنيه رسوم ولما قفلت معاهم قالولي خلاص ماتدفعش .. حط بقى نفسك مكاني .. عربيه عملت فيك الموقف ده وهيا لسه جديده (5000 كيلو ) تجنن ولا لأ ؟
بعد كده الحمد لله كله إتظبط وبقت تمام والحمد لله ... وبصراحه العشره بتخلي المحبه تزيد :b4_007: :b4_007: :b4_007:
بسم الله ما شاء الله جميلة ربنا يباركلك فيها بس ممكن يا باشا لو شوية صور لعربية حضرتك عشان لو الشغل الي فيها عجب حد يعملةاقتباس:
المشاركة الأصلية كتبت بواسطة aftr
بسم الله ما شاء الله جميلة ربنا يحفظهالك بس ممكن يا باشا لو سمحت شوية صور لعربية حضرتك عشان لو حد عجبة الشغل الي فيها يعملةاقتباس:
المشاركة الأصلية كتبت بواسطة aftr
بس دى حضرتك مش مشكلة لانها ممكن تحصل و حصلت مع مرسيدس مش مع اسبيرانزا و هى ما وقفتش عربيتك و ده مش دليل على متانة او عدم متانة العربية و ده مش دفاع العربية و انما لو فيه مشكلة حقيقية بعد 5000 زى مثلآ قطع كاتينة او مشكلة فى الموتور دى اللى تبقى كارثة ما تسكتش عليها و تحياتى لكاقتباس:
المشاركة الأصلية كتبت بواسطة bassemali
ربنا يبارك للجميع فى سيارته وربنا يوفقكم، ويبعدها عن الميكانيكى والحوادث .
اسف يا جماعة على التأخير كان عندي شوية مذاكرة كده :coolio:
يا رب .. اميناقتباس:
المشاركة الأصلية كتبت بواسطة reda elgohary
تجنن فعلا بس الحمد لله انها اتظبطت :S_thum1[1]:اقتباس:
المشاركة الأصلية كتبت بواسطة bassemali
احييك على تنظيمك لصيانة السيارة الدورية و اهتمامك بيها :verygood:اقتباس:
المشاركة الأصلية كتبت بواسطة AMGAD1521977
طب مفيش حلول لموضوع ان العربية تبقى مفككة في المناطق المكسرة؟اقتباس:
المشاركة الأصلية كتبت بواسطة hugan
مفيش حد حريــــــف يظبط الصالون؟ عشان عندي الكنبة و البوردة بتاعت السماعات بيعملوا صوت تزييق
طب مفيش حلول لموضوع ان العربية تبقى مفككة في المناطق المكسرة؟
مفيش حد حريــــــف يظبط الصالون؟ عشان عندي الكنبة و البوردة بتاعت السماعات بيعملوا صوت تزييق[/quote]
الحل عفشه متسوبيشي استيراد بتتجاب كامله من الحرفيين حوالي 2000الي 2500
وتريح دماغك نهائي من موضوع العفشه
الكنبه عايزه تتركب صح لانها ممكن تكون مش نازله في المشقبيه بتاعتها
لكنها مابنزيقش
معاك ياغالي ام 11 2013 لسة 6000 ك وشوية ماشاء اللة عليها ربنا يحميها
دايس معاك يا شقيق :d
m11 2012
عامله ٧٥٠٠ كيلو تقريبا كلهم سفر من العاشر من رمضان لللقاهرة و من العاشر لاسماعيليه "رايح و جاي ف نفس اليوم"
اكتر حاجتين بيخلوني واثق و مش خايف من الجري :
١- الفرامل .. ف طريق السويس عند احمد حلمي كان في بركه مياه و دوست فرامل عالاخر و دخلت ف المياه .. ولا الهوا يدوب خبطت المياه و خلاص
٢- الثبات احسن حاجه فيها .. منحنيات طريق اسماعيليه علي ١٤٠ و ١٦٠ و راكب ٢ معايا و كاني ماشي علي ٤٠ ;)
مش عاجبني :
١- استهلاك البنزين علي ١ و ٢ و ٣ عالي جدا حتي لما قولتلهم ف التوكيل ... فوق ال ١٠ و ١٥ ونا بدايق من الاستهلاك دا انما علي ٤ و ٥ لو جايب ١٦٠ او ١٧٠ الاستهلاك مع الهواء ١٠,٥ او ١١ بالكتير
٢- الضيق .. ضيقه من ورا لو بتفنيخ زيي ونتا سايق
٣- اوقات بدوس شويتين عالبنزين بتبقي ثابته عالسرعه و الاستهلاك زاد بس يمكن مطلع ولا حاجه ... ادوس زياده و اللزق الدواسه ف الارض ولا الهوا الاستهلاك زي ماهو مكتوب و السرعه زي ما هيا
تقييم عام ... عربيه شد و جري بثبات اكتر من رائع و تكييف ممتاز تقييم ٩ من ١٠
العربية دة زى الفل وتجرى بيها وانت مطمن
وهى معايا زيرو 2008
وجرايا اخر حاجة بس فى ملاحظة انا غيرت جنوط ال516 وجبت اسبور اندونيسى بس جامدين بصراحة فرقت معايا كتيييييييييييييير فى السحب وطلعة العربية من الثبات بقت اكثر سرعة
على فكرة اكتر من واحد فى اللى شغلين فى التوكيل قالو عيب العربية دة فى الجنوط انها مكبوسة وتقيلة والحروف بتاعتها (الجنط) طرية بتتنى
وفعلا غيرت لاقيت اختلاف جامد
فعلا الجنوط بتتني بسهولة .......
بس مش بسهولة قوي يعني
انا عندي جنطين جه فيهم رفة بعد استخدام حوالي 70 الف كيلو وتم استعدالهم
متااااااااااااااابع