إيه المطلوب ف صيانة ال 20 ألف للفيرنا

**p r i n c e** · 12-05-2013 02:46 PM

المشاركة الأصلية كتبت بواسطة Ashraf_Ibrahim

بص يا عزيزي
صيانة ال 20000 كم بتكون كالتالي:-
*تربيط عفشة
*رجلاش فرامل
*تنضيف بوابة
*تغيير فلتر هوا
*تغيير فلتر بنزين
*تغيير زيت موتور وفلتر زيت -لو معاد تغيير الزيت جه-

أما عن تغيير السيور فواضح جدا انك مش بتستهلك العربية عشان ما شاء الله عدا عليها 3 سنين وانت مستهلكتش غير 20000 كم
السيور بتتغير كل 60000 كم او 3 سنين أيهما أقرب وفي حالتك هتغير السيور عشان العربية عدا عليها 3 سنين
وبما انك عديت 3 سنين برده فيفضل انك تغير زيت فرامل وزيت باور

اما عن عمل الصيانة في التوكيل فممكن طبعا تعملها في التوكيل مفيش اي مشكلة خالص
لكن بما ان العربية كدة كدة خرجت برا الضمان يبقا ملهاش لزمة تعملها في التوكيل
ممكن تعملها عند اي ميكانيكي او تروح لمركز سبيد كار سيرفيس عند المهندس هاني وهو هيقوم بالواجب كله

*نصيحة من ناحية السيور
انت مش بتستعمل العربية كتير فبلاش تجيب الاصلي هيكون كتير وحرام هات الدايكو عادي جدا ولكن تعمل حسابك تغيره على 50000 كم او 3 سنين بالكتير :]

وربنا يحفظهالك ويكفيك شرها :]

شكرا جدا يا أستاذ اشرف