الموضوع: مشكلة ف سامسونج اس تو للمرة التانية

السوفت وير بتاع التليفون كدة ضرب ومحتاج ينزل له سوفتوير جديد،
حضرتك هاتروح أي توكيل لسامسونج و هاينزل لحضرتك السوفت وير الجديد.
تكلفة السوفتوير الجديد 150 جنيه لو الضمان منتهي،
أنا عملت كده من حوالي أسبوعين في يونيون جروب بس إعمل حسابك إن كل حاجه على الجهاز هاتتمسح.
تحياتي

لو ضمانه انتهى متروحش سامسونج حرام تدفع 150 جنيه ادخل على الموقع ده [url=http://www.ce4arab.com/vb7/forumdisplay.php?f=113]

المشاركة الأصلية كتبت بواسطة Abuwaleed

السوفت وير بتاع التليفون كدة ضرب ومحتاج ينزل له سوفتوير جديد،
حضرتك هاتروح أي توكيل لسامسونج و هاينزل لحضرتك السوفت وير الجديد.
تكلفة السوفتوير الجديد 150 جنيه لو الضمان منتهي،
أنا عملت كده من حوالي أسبوعين في يونيون جروب بس إعمل حسابك إن كل حاجه على الجهاز هاتتمسح.
تحياتي

حرام يدفع مليم عشان تنزل السوفتوير من جديد.

الروم (السوفتوير) الأصلية موجودة على النت وفي مواقع ومنتديات كتير بتشرح ازاي تنزلها على الجهاز.

وفرصة برضو تنزل أحدث روم على جهازك.

شوف الفيديو ده

قبل ما تنزل الروم جرب تنزل أي launcher تاني غير بتاع سامسونج.

الـ launcher هو برنامج الواجهة اللي بتشوفه أول ما تفتح الجهاز واللي بتقدر من خلاله تفتح البرامج. واضح ان عندك مشكلة في البرنامج ده. نزل launcher بديل. المشكلة انك مش عارف تفتح أي برنامج أصلا ومش عارف توصل لبرنامج الـ Google Play على الجهاز.

جرب تفتح الوصلة دي من الكمبيتر وتخش بحساب الـ Gmail بتاعك وتدوس Install. البرنامج هينزل على الموبايل أوتومايكي لو مفتوح.

مشكوريين ياجماعة انا حاولت اشغله باليو اس بي ومفيش فايدة وديته لمحل ونزلي سوفت جديد ب 100 ج وكان عايز 150 ج

المشاركة الأصلية كتبت بواسطة moody_687

مشكوريين ياجماعة انا حاولت اشغله باليو اس بي ومفيش فايدة وديته لمحل ونزلي سوفت جديد ب 100 ج وكان عايز 150 ج

ما كنت تعملها بنفسك وتوفر الـ 100 جنيه.

الموضوع ماخدش معاه عشر دقايق.

عموماً حمد الله على سلامة الموبايل :)

مكنش قارئ للكابل فاصل قاطع مية ونور وكمان كنت مقلق انزل السوفت لوحدي عشان لو مش نزل كامل هيبوظ الجهاز فقلت اوديه لمتخصص وخلاص