واتخبطت العربية بس مين فينا الغلطان ؟

**Karim_Monir** · 09-05-2013 11:44 AM

السلام عليكم ورحمه الله
نازل الصبح رايح عالشغل زي كل يوم وخارجد من شارعي شارع فرعي على شارع جسر السويس الرئيسي
وعشان عارف سواقين الميكورباصات في الحتة دي بشعين بكون محرص قوي وباصص شمالي شوية
وباخد الملف وخارج ودششششش
واحد راكن عربية سريون فضي عالناصية اكتر من تلتها جوة الملف
وطبعا حكت الجنب كلها عندي
هو اكصدامه بلاستيك ومحصلهاش حاجة
وانا الجنب عندي خد البوية بتاعته كلها وكمان طبقلي طبلة الباب اللي ورا :-(
هو مكانش موجود وانا معرفتش اعمل ايه ومش عارف مين فينا الغلطان وخدت بعضي ومشيت
متضايق طبعا عشان العربية عندي كانت فابريكة كلها ومش عارف لسه الحتة دي تحتها تسليح الباب ولا لاء ومش عارف هاتترش ولا ايه
بس في اريكم مين فينا الغلطان ؟

**A_H_M_A_D** · 09-05-2013 12:03 PM

اولا معلش يا باشا , بسيطه و ان شاء الله تتحل بسهوله و العربيه ترجع احسن من الاول

من ناحية مين اللي غلطان , فزيها زي معظم الخبطات اللي بتحصل بيبقى الخطأ مشترك و نسبي بينك و بينه

هو طبعا عليه النسبه الأكبر لأنه راكن غلط و في مكان ما ينفعش ابدا يبقى فيه ركنه , بس برضه انت اكيد سهيت شويه و كنت مركز اكتر مع شمالك ومدي الأمان للجنب التاني , لكن طبعا مع المرور بتاعنا ماينفعش تدي الأمان ابدا لأي جنب أو لأي دخله على شارع , والقاعده الذهبيه هي توقع خطأ الغير عشان ربنا يسترها معانا

حصل خير يا كريم باشا

**megosoft** · 09-05-2013 12:06 PM

حمد لله على سلامتك - وقدر الله ما شاء فعل
طبعا أنت اللي غلطان - لأنك أنت ماشي وهو واقف.
حتى لو كان مضيق الشارع - أفرض أنه سادد الشارع خالص ! معنى كده نخبط له عربيته ونجيبها نصين عشان قافل الشارع !!!!!!!!!
لأ طبعا - بالنسبة ليا انا : دايما اقول لنفسي : يأما اعرف أمشي من غير ما اخبط حد ( مهما كان الحد ده ماشي او واقف ازاي ) لو انا مش عارف يبقى أحسن ليا أسوق في الصحرا لوحدي.

وربنا يعوض عليك وعلى صاحب العربيه التانيه.

**مزمار وحيد** · 09-05-2013 12:07 PM

كل اجيال الأجداد والاباء من ثورة 1952 حتي ثورة 25 يناير

**megosoft** · 09-05-2013 12:29 PM

المشاركة الأصلية كتبت بواسطة مزمار وحيد

كل اجيال الأجداد والاباء من ثورة 1952 حتي ثورة 25 يناير

مالهم ؟؟؟؟؟

**nona_yaris** · 09-05-2013 12:38 PM

الحمد لله على سلامتك يا استاذ كريم
قدر الله وماشاء فعل
هو اكيد غلط منه انه يقف في مكان غلط
لكن ده اصبح امر واقع لأن مفيش اماكن للوقوف وكلنا بنضطر نقف في اماكن غلط
انت اللي كنت ماشي وهو واقف يبقي مع احترامي انت اللي غلطان طبعا في الخبطة
هو ممكن يكون غلطان انه وقف في المكان الغلط
لكن في الحادثة انت ماشي واكيد شايفه وهو واقف يبقي انت اللي عليك الغلط والا يبقي نمشي نخبط اي حد راكن غلط في الشارع
احمد الله واسترجع وربنا يعوضك خير انشاء الله

**alaa74** · 09-05-2013 01:04 PM

قدر الله وما شاء فعل
والحمد لله على سلامتك يا كيمو
وفداك الف عربيه والحمد لله انها جاءت على قد كده .
طبعا الراجل اللى راكن غلط غلطان أكيد
بس إنت غلطان أكتر منه لأنك اللى ماشى
مش واقف زيه وكان المفروض انك تخلى بالك
لكن الحمد لله على كل حال وكويس
محصلش لعربيته أى حاجه لأنك أكيد كنت هتبقى متضايق
لو عربيته فيها حاجه وانت مشيت وسبته وضميرك كان هيئنبك .
وللأسف هو ده حال شوارعنا دلوقتى تسيب وإهمال
ربنا يسترها عليك وعلينا جميعا والحمد لله على سلامتك مره تانيه .

**dr.hazem** · 09-05-2013 01:16 PM

لا حول ولا قوة الا بالله...
الحمد لله على السلامة والحمد لله انها جت على قد كده....
تقريبا نفس الموقف حصل معايا هنا بس بشكل تاني...
البلد هنا مطالع ومنازل جامده..
نازل منزل جامد ويطلع على الشارع الرئيسي وطبعا عيني عاللي جاي من الرئيسي... الحمد لله طريقي سالك وبلف وامشي لقيت في وشي بياع لب بعربيه واقف في المكان العجيب ده وانا مش مدي خوانه اصلا لان الساعه كانت 1 بالليل وطبعا فرملت جامد وبست عربية اللب...
حمدت ربنا انها جت على قد كده ومجتش في الراجل نفسه....
ومتسألش مين الغلطان لان للأسف المشكلة حصلت وخلاص على كده...
الحمد لله على كل حال...
تحياتي

Sent from my LT18i using Forum Runner

**مزمار وحيد** · 09-05-2013 01:54 PM

كل اجيال الأجداد والاباء من ثورة 1952 حتي ثورة 25 يناير

المشاركة الأصلية كتبت بواسطة megosoft

مالهم ؟؟؟؟؟

واتخبطت العربية بس مين فينا الغلطان ؟ = تخلف حضاري + فوضي + همجيه فكريه

مالهم ؟؟؟؟؟ = عدم الوعي والبحث عن مصلحه مصر والمجتمع الذي سيعيش به الابناء والاحفاد + السلبيه في مقاومة الطغاه والظالمين + قبول إنتشار الفساد وعدم المقاومه = قانون الغابه + حياة غير كريمه للجميع

وإذا أردنا كتابه المعادله بالتفصيل سنحتاج لسنوات بدايه من الاجيال الأقدم التي تتحمل عظيم المسئوليه

ورغم كل هذا فهذه سنه الله في الخلق

هل يريد العباد تعمير الارض كما أراد الله منهم أم يريدون الافساد في الارض بقصد أو جهل أو سلبيه فالكل سواء

الموضوع: واتخبطت العربية بس مين فينا الغلطان ؟

LinkBack

أدوات الموضوع

عرض

واتخبطت العربية بس مين فينا الغلطان ؟ - انشر الموضوع فى :

-

-

-

-

المواضيع المتشابهه

تعمل أية لو واحد مجنون خبط عربيتك وهو الغلطان ؟

لما كلة بيشتكى وزهقان مين بقى الغلطان

كل واحد فينا يحكى عن موقف فى حياته اتخبطت فيه العربية و كيف تم تصليحها

و بعدين مع المشاة , يزنق نفسه في وسط الشارع و يطلعك انت الغلطان

الكلمات الدلالية لهذا الموضوع

المفضلات

المفضلات

ضوابط المشاركة