تقرير بسيط عن كيا كارينز 2014 الجديدة ( صور )

السلام عليكم ورحمة الله وبركاته

كنت معدى على توكيل كيا بالصدفة لقيت الكارينز الجديدة وصلت , بصراحه تحفه فنيه واعتقد انها هاتعمل شغل حلو فى مصر لما تنزل ان شاء الله بس ربنا يستر من سعرها

العربيه نازله هنا 2000 سى سى وسعرها يعتبر عالى الى حد ما 74 الف ريال

التصميم الجديد طبعا طفرة مقارنة بالشكل القديم تحفه من جوه وبره , واسعه جدا ماشاء الله , وفيها كرسيين زياده فى الشنطه ( 7 راكب )

موتور NU 2000cc. MPi 152 HP 194 NM

اوتوماتيك 6 سرعات

تعليق أمامى Macpherson خلفى Torsion-Beam

ABS و AirBags

جنوط 17 كاوتش 225/45/17

ديسكات أمامى وخلفى

ازاز فيميه وستاير جانبيه

باركنج سنسور وكاميرا

مرايات ضم

تكييف خلفى

مثبت سرعه وبلوتوث و Flex-Steering

أبعاد العربيه طول 4525 عرض 1805 ارتفاع 1610 قاعدة عجلات 2750

ودى الصور واعذرونى ماكنتش عامل حسابى على كاميرا فصورت بالموبايل ومعرفتش أخد راحتى فى التصوير كمان لان كان معايا واحد صاحبى وورايا مشوار



http://nileup.com/up/uploads/nilemotors_13680996281.jpg

http://nileup.com/up/uploads/nilemotors_13680996282.jpg

http://nileup.com/up/uploads/nilemotors_13680996283.jpg

http://nileup.com/up/uploads/nilemotors_13680996284.jpg

http://nileup.com/up/uploads/nilemotors_13680996285.jpg

http://nileup.com/up/uploads/nilemotors_13680996286.jpg

http://nileup.com/up/uploads/nilemotors_13680996287.jpg

http://nileup.com/up/uploads/nilemotors_13680996288.jpg

http://nileup.com/up/uploads/nilemotors_13680996289.jpg

http://nileup.com/up/uploads/nilemot...6809962810.jpg

http://nileup.com/up/uploads/nilemotors_13680999461.jpg

http://nileup.com/up/uploads/nilemotors_13680999462.jpg

http://nileup.com/up/uploads/nilemotors_13680999463.jpg

http://nileup.com/up/uploads/nilemotors_13680999464.jpg

http://nileup.com/up/uploads/nilemotors_13680999475.jpg

http://nileup.com/up/uploads/nilemotors_13680999476.jpg

http://nileup.com/up/uploads/nilemotors_13680999477.jpg

http://nileup.com/up/uploads/nilemotors_13680999478.jpg

http://nileup.com/up/uploads/nilemotors_13680999479.jpg

http://nileup.com/up/uploads/nilemot...6809994710.jpg

تسلم ايدك يا حسام باشا على التقرير و الصور الرائعه .
انا اعتقد انها مش حتنزل مصر بالسبع مقاعد طبعا عشان يوفروا فى السعر و ممكن كمان يشيلوا حاجات تانيه كمان لان سعرها عندك لو بالمصرى و الجمارك ممكن توصل 210 الف و ده حيبقى كتير عليها فى مصر .

هو انت كده ماخدتش وقتك وراحتك في التصوير ؟؟ :):):)
تسلم ايدا ياباشا.

تسلم ياباشا على الصور الجميلة

اقتباس:

---

المشاركة الأصلية كتبت بواسطة dozo

تسلم ايدك يا حسام باشا على التقرير و الصور الرائعه .
انا اعتقد انها مش حتنزل مصر بالسبع مقاعد طبعا عشان يوفروا فى السعر و ممكن كمان يشيلوا حاجات تانيه كمان لان سعرها عندك لو بالمصرى و الجمارك ممكن توصل 210 الف و ده حيبقى كتير عليها فى مصر .

---

ربنا يسهل ويبقى سعرها معقول مع ان شكلها هاتوصل 200 الف مرتاح مع سعر الدولار الحالى واللى لسه بيزيد

اقتباس:

---

المشاركة الأصلية كتبت بواسطة aft

هو انت كده ماخدتش وقتك وراحتك في التصوير ؟؟ :):):)
تسلم ايدا ياباشا.

---

اه دى كام صوره على السريع وفيهم حاجات مش واضحه عشان مظبطش الاضاءه :)

الله يسلمك ياباشا

اقتباس:

---

المشاركة الأصلية كتبت بواسطة ahmed nasser

تسلم ياباشا على الصور الجميلة

---

الله يسلمك ياباشا

تســــــــــلم ايدك ياحســـــام باشا ...

تسلم يا كبير علي الموضوع

اقتباس:

---

المشاركة الأصلية كتبت بواسطة dozo

تسلم ايدك يا حسام باشا على التقرير و الصور الرائعه .
انا اعتقد انها مش حتنزل مصر بالسبع مقاعد طبعا عشان يوفروا فى السعر و ممكن كمان يشيلوا حاجات تانيه كمان لان سعرها عندك لو بالمصرى و الجمارك ممكن توصل 210 الف و ده حيبقى كتير عليها فى مصر .

---

دي 2000 سي سي يا باشا يعني توصل 447 ألف جنيه بالجمارك. ال 7 مقاعد كانت موجوده برضه في الشكل القديم بس ال 2000 سي سي بس ومش بتنزل في ال 1600 عشان مش هتقدر تشيل. اللي هتنزل مصر أكيد ال 1600 بخمس مقاعد زي القديمه.

العربيه بصراحه شيك ودي انطباعاتي عنها من الصور:-

بس حاسس ان دي مش اعلى فئه عشان الكاسيت ده صغير قوي الا اذا كان تتش بقى.
كويس انهم عملو شبكه في ضهر الكراسي الاماميه (حاجه مفتقدها في الشكل القديم بصراحه)
شكل التاره مش عاجبني حاسس ان القديمه أحلى.
الكروم على الشبابيك من بره جميل جدا.
كويس برضه فتحه التكييف الخلفيه.
شكل الجنوط متغيرش.

بس ستاير وفيميه. الاتنين؟

تسلم يا فنان على التقرير السريع
العربية متوقع ليها اقبال كبير فى مصر وهيكون برضه بسبب الشكل والكماليات فى الاساس
طبعا استحالة تنزل مصر 2000 cc لا وكيل ولا خليجى بسبب الضرائب بس اعتقد هينزل منها 7 راكب فئة واحدة على الاقل ودى اللى هتعدى 200 الف ... وبدل نزلت عندك يبقى هى خلاص نزلت مصر خليجى .... اسبوع وهنلقيها ونشوف وقتها سعرها هيبقى كام .

مجهود رائع و تقرير واف
ما اتعجب له ان نظام التعليق الخلفي ليس ملتي لينك.....و قد قرأت في تقرير سابق على هذا الموقع أن اهم ما يميز الكارينز هو نظام التعليق الخلفي !!!!!!!!!!
تحياتي

اقتباس:

---

المشاركة الأصلية كتبت بواسطة samyyousef

مجهود رائع و تقرير واف
ما اتعجب له ان نظام التعليق الخلفي ليس ملتي لينك.....و قد قرأت في تقرير سابق على هذا الموقع أن اهم ما يميز الكارينز هو نظام التعليق الخلفي !!!!!!!!!!
تحياتي

---

الملتي لينك موجود فعلا في الشكل القديم.

العربيه شكالها جميل جدا
و طبيعى سعرها يعدى ل 200 الف
مش السيراتو بقت ب 190 ! عاوزين الكارينز الى هى اكبر منها تبقى بكام

اقتباس:

---

المشاركة الأصلية كتبت بواسطة BuNsH_FoX

تســــــــــلم ايدك ياحســـــام باشا ...

---

الله يسلمك يابرنس نورت الموضوع

بس مقولتليش رأيك فى العربيه , دانتوا والكيا اخوات حتى

ولا عشان معندكوش زيها فى هيونداى :)

اقتباس:

---

المشاركة الأصلية كتبت بواسطة kariemelsayed

تسلم يا كبير علي الموضوع

---

الله يسلمك ياباشا

اقتباس:

---

المشاركة الأصلية كتبت بواسطة Ahmed_Adham

دي 2000 سي سي يا باشا يعني توصل 447 ألف جنيه بالجمارك. ال 7 مقاعد كانت موجوده برضه في الشكل القديم بس ال 2000 سي سي بس ومش بتنزل في ال 1600 عشان مش هتقدر تشيل. اللي هتنزل مصر أكيد ال 1600 بخمس مقاعد زي القديمه.

العربيه بصراحه شيك ودي انطباعاتي عنها من الصور:-

بس حاسس ان دي مش اعلى فئه عشان الكاسيت ده صغير قوي الا اذا كان تتش بقى.
كويس انهم عملو شبكه في ضهر الكراسي الاماميه (حاجه مفتقدها في الشكل القديم بصراحه)
شكل التاره مش عاجبني حاسس ان القديمه أحلى.
الكروم على الشبابيك من بره جميل جدا.
كويس برضه فتحه التكييف الخلفيه.
شكل الجنوط متغيرش.

بس ستاير وفيميه. الاتنين؟

---

بيتهيألى الموتور مش هايفرق 5 من 7 ركاب لان كدا كدا العربيه عائليه مش بتاعت جرى , طبعا فردين زياده يفرقوا فى الوزن , 7 اشخاص غير 5 بس ال 7 هاتبقى قريبه من 5 اشخاص + شنط

فى النهايه زى ماقولت ماحدش يدور على اداء وسحب فى عربيه زى الكارينز ويقارنها بالسيراتو مثلا

الكاسيت تتش بكاميرا

الطاره بقت حديثه الشكل القديم كلاسيك اوى

شكل الجنط ال 17 جديد هو بس شبه ال 16 القديم لكن مختلف

فيميه وستاير عشان تبقى مقطوعه مياه ونور :) الفيميه بيبقى مبين شويه

اقتباس:

---

المشاركة الأصلية كتبت بواسطة ابو ليلى

تسلم يا فنان على التقرير السريع
العربية متوقع ليها اقبال كبير فى مصر وهيكون برضه بسبب الشكل والكماليات فى الاساس
طبعا استحالة تنزل مصر 2000 cc لا وكيل ولا خليجى بسبب الضرائب بس اعتقد هينزل منها 7 راكب فئة واحدة على الاقل ودى اللى هتعدى 200 الف ... وبدل نزلت عندك يبقى هى خلاص نزلت مصر خليجى .... اسبوع وهنلقيها ونشوف وقتها سعرها هيبقى كام .

---

الله يسلمك ياكبيرنا

طبعا مستحيل تنزل مصر 2000 , ولو نزلت فى كل الخليج 2000 فقط يبقى كدا باى باى كارينز خليجى فى مصر

اقتباس:

---

المشاركة الأصلية كتبت بواسطة samyyousef

مجهود رائع و تقرير واف
ما اتعجب له ان نظام التعليق الخلفي ليس ملتي لينك.....و قد قرأت في تقرير سابق على هذا الموقع أن اهم ما يميز الكارينز هو نظام التعليق الخلفي !!!!!!!!!!
تحياتي

---

للاسف النظام دا مكلف والاتجاه دلوقتى هو التوفير والاعتماد على ال Torsion-Beam فى التعليق الخلفى وال Multi-Link يكون فى فئة الاوبتيما والسبورتاج وانت طالع

بس مش بالضروره يكون التعليق سئ لانه بيتعمد على تصميمه والمساعدين والسوست ... الخ

ربنا يسهل ونشوف لما العربيه تتجرب

العربية نزلت 1600 سي سي في الامارات يا حسام باشا وانا لسه شايفها في وكيل كيا في الامارات عربية روعة ونازلة فئتين وعندي شوية صور كدة بس اشوف ينزلو ازاى

جهد مشكور يا أ. حسام والصور حلوة وواضحة ... بارك الله فيك
العربية من الداخل أحلى بكتييييييييييير من الخارج
هم شالوا الكونسول الأمامى منها وللا إيه ؟
وفرامل اليد نقلوها جنب كرسى السائق ؟

اقتباس:

---

المشاركة الأصلية كتبت بواسطة ashrofa72

العربية نزلت 1600 سي سي في الامارات يا حسام باشا وانا لسه شايفها في وكيل كيا في الامارات عربية روعة ونازلة فئتين وعندي شوية صور كدة بس اشوف ينزلو ازاى

---

طيب ياريت لو تنزلنا الصور هنا او فى موضوع جديد مع المواصفات والسعر

ممكن ترفع الصور على موقع المنتدى www.nileup.com وتاخد copy من اللينك اللى جنب ( رابط للمنتديات ) وتحطه paste فى الموضوع

ومشكور مقدما على تعبك ياباشا

اقتباس:

---

المشاركة الأصلية كتبت بواسطة Khaled_Nowaihy

جهد مشكور يا أ. حسام والصور حلوة وواضحة ... بارك الله فيك
العربية من الداخل أحلى بكتييييييييييير من الخارج
هم شالوا الكونسول الأمامى منها وللا إيه ؟
وفرامل اليد نقلوها جنب كرسى السائق ؟

---

العفو يا استاذ خالد منور الموضوع

الكونسول موجود , وفرامل اليد جنب الكرسى زى معظم العربيات

اقتباس:

---

المشاركة الأصلية كتبت بواسطة ahmed_adham

دي 2000 سي سي يا باشا يعني توصل 447 ألف جنيه بالجمارك. ال 7 مقاعد كانت موجوده برضه في الشكل القديم بس ال 2000 سي سي بس ومش بتنزل في ال 1600 عشان مش هتقدر تشيل. اللي هتنزل مصر أكيد ال 1600 بخمس مقاعد زي القديمه.

العربيه بصراحه شيك ودي انطباعاتي عنها من الصور:-

بس حاسس ان دي مش اعلى فئه عشان الكاسيت ده صغير قوي الا اذا كان تتش بقى.
كويس انهم عملو شبكه في ضهر الكراسي الاماميه (حاجه مفتقدها في الشكل القديم بصراحه)
شكل التاره مش عاجبني حاسس ان القديمه أحلى.
الكروم على الشبابيك من بره جميل جدا.
كويس برضه فتحه التكييف الخلفيه.
شكل الجنوط متغيرش.

بس ستاير وفيميه. الاتنين؟

---

تمام ياباشا .. انا اللى ماخدتش بالى انها 2000 سى سى .
الغريب ان على موقع كيا فيها فرامل يد كهرباء و توقعت نزولها لكن شكلها مش حتنزل فى مصر .

اقتباس:

---

المشاركة الأصلية كتبت بواسطة Hosam_Optrawy

الله يسلمك يابرنس نورت الموضوع

بس مقولتليش رأيك فى العربيه , دانتوا والكيا اخوات حتى

ولا عشان معندكوش زيها فى هيونداى :)

---

دة نــــــــــــورك ياكبير ,,
وهوة قيــــــــا وهونضــــــــاى اى *غير ماندولين وشويـــــة حاجات كدة فوق بعض* :P :P
معندنــــاش *تصدق كدة ازحــــــل منك* أأأأأة معندناش:star1: بس عندنا موديلات مكسحهـــــا الدنيــــا :grin21: .. هقول اى ما الاخوة الافاضــــل قالوا كل اللى فى نفســـــــى ,, بس هيـــا من وراء تحس أنها شبهــــا IX 20 ولا دى تهيؤات العشــــاء !!

جميلة فعلا
ما شاء الله ..

تسلم على التفرير يا حسام باشا....:)

اول فئه هتبدا بسعر 190 الف جنيه و دى اقل فئه و الكلام دا من معرض فى المعادى موزع توكيل معتمد
تسلم على التقرير

اقتباس:

---

المشاركة الأصلية كتبت بواسطة BuNsH_FoX

دة نــــــــــــورك ياكبير ,,
وهوة قيــــــــا وهونضــــــــاى اى *غير ماندولين وشويـــــة حاجات كدة فوق بعض* :P :P
معندنــــاش *تصدق كدة ازحــــــل منك* أأأأأة معندناش:star1: بس عندنا موديلات مكسحهـــــا الدنيــــا :grin21: .. هقول اى ما الاخوة الافاضــــل قالوا كل اللى فى نفســـــــى ,, بس هيـــا من وراء تحس أنها شبهــــا IX 20 ولا دى تهيؤات العشــــاء !!

---

انت اتعشيت ايه امبارح :grin21:

http://nileup.com/up/uploads/nilemotors_13681898331.jpg

http://nileup.com/up/uploads/nilemotors_13681898332.jpg

اقتباس:

---

المشاركة الأصلية كتبت بواسطة Eng.GEMI

تسلم على التفرير يا حسام باشا....:)

---

الله يسلمك ياباشا

اقتباس:

---

المشاركة الأصلية كتبت بواسطة moha4tec

اول فئه هتبدا بسعر 190 الف جنيه و دى اقل فئه و الكلام دا من معرض فى المعادى موزع توكيل معتمد
تسلم على التقرير

---

الله يسلمك يامحمد منور

اول فئة ب 190 !!! امال الكامله بكام

الله يطمنك

مجهود مشكورين عليه

هلا شباب
السلام عليكم
أولا : شكراً على التقرير السريع الرائع ده

ثانياً: انا هنا كمان شوفتها في سلطنة عمان امس، وهي بقالها تقريباً اسبوع هنا
بس اللي انا شوفتها كانت 1600 cc، وبرضوا سبعة مقاعد بس الجنوط حديد والسقف مش بانورامي
وسعرها هنا 7400 ريال عماني، يعني لما تنزل مصر بعد الجمارك هاتبقى 200 ألف تقريباً،
بس بصراحة هي تحفة وجامدة جداً من بره وجوه
وال2000 cc تزيد بس 250 ريال عماني "تخيلوا" انا اتصدمت بصراحة من سعرها
بس أكيد سعرها في مصر معتقدش انه هايبقى كده خالص، لأن الفرق بينها هي والسبورتاج هايبقى 30 - 40 ألف بس
وأكيد ده مش هايبقى في صالح الكارينز خالص

اقتباس:

---

المشاركة الأصلية كتبت بواسطة kandil1971

هلا شباب
السلام عليكم
أولا : شكراً على التقرير السريع الرائع ده

ثانياً: انا هنا كمان شوفتها في سلطنة عمان امس، وهي بقالها تقريباً اسبوع هنا
بس اللي انا شوفتها كانت 1600 cc، وبرضوا سبعة مقاعد بس الجنوط حديد والسقف مش بانورامي
وسعرها هنا 7400 ريال عماني، يعني لما تنزل مصر بعد الجمارك هاتبقى 200 ألف تقريباً،
بس بصراحة هي تحفة وجامدة جداً من بره وجوه
وال2000 cc تزيد بس 250 ريال عماني "تخيلوا" انا اتصدمت بصراحة من سعرها
بس أكيد سعرها في مصر معتقدش انه هايبقى كده خالص، لأن الفرق بينها هي والسبورتاج هايبقى 30 - 40 ألف بس
وأكيد ده مش هايبقى في صالح الكارينز خالص

---

بالعكس لو السعر بين الكارينز والسبورتاج متقارب يبقى الكارينز هتبيع اكتر لأنها نازله بشكل جديد وأوبشن أكتر من السبورتاج الا لما السبورتاج تتعدل وينزل فيها أوبشن أكتر بس وقتعا هتعدي ال 300 ألف ومحدش هيشتريها وهيشترو الكارينز برضه. :verygood:

الله ينور يا حسام باشا فنان طول عمرك تسلم ايدك وحشني يا جاري العزيز

تسلم ياباشا على الصور

دي لو نزلت كده هتبقي بتمن تويوتا فورتشنر ان شاء اساسا الوكيل ف مصر بيستعبط يعني لو اتباع منها عربيتين اتنين هيزود تمنها وهيقولك عشان عليها اقبال حاجة تقرف

تقرير فوق الرائع تسلم ايدك على الحصريات

اقتباس:

---

المشاركة الأصلية كتبت بواسطة mhmdalsaadany

الله ينور يا حسام باشا فنان طول عمرك تسلم ايدك وحشني يا جاري العزيز

---

حبيبى ياسعدنى اخبارك ايه ياباشا , ليك وحشه يامعلم اشوفك على خير ان شاء الله ماتبقاش تختفى كدا :)

اقتباس:

---

المشاركة الأصلية كتبت بواسطة amribrahim

تسلم ياباشا على الصور

---

اقتباس:

---

المشاركة الأصلية كتبت بواسطة hossam_elwani

تقرير فوق الرائع تسلم ايدك على الحصريات

---

اقتباس:

---

المشاركة الأصلية كتبت بواسطة adelghanem

مجهود مشكورين عليه

---

العفو يارجاله

اقتباس:

---

المشاركة الأصلية كتبت بواسطة ahmedalaahosny

دي لو نزلت كده هتبقي بتمن تويوتا فورتشنر ان شاء اساسا الوكيل ف مصر بيستعبط يعني لو اتباع منها عربيتين اتنين هيزود تمنها وهيقولك عشان عليها اقبال حاجة تقرف

---

الفورتشنر تمنها فوق ال 300 الف على ما أذكر وكمان ملهاش علاقه بالكارينز تماما , دى تويوتا نص نقل متقفله :)

اقتباس:

---

المشاركة الأصلية كتبت بواسطة BuNsH_FoX

بس هيـــا من وراء تحس أنها شبهــــا IX 20 ولا دى تهيؤات العشــــاء !!

---

لا دى مش تهيؤات العشاء .. دا قصر ديل :shine[1]:

مواصفات الكارينز الجديده وصلت الطارق فى مول العرب والعربية هتكون موجوده فى العرض خلال 10 ايام والمواصفات كالاتى::
طبعا نازله موتور وفتيس الاسبورتاج (135 حصان - فتيس 6 سرعات) والزيادات عن القديمة التكييف الخلفى من اول فئه و 3 كنبه

اول فئه مانيوال 180000
ونازله طاسات وفرامل abs وواحد ايرباج

اول فئه اتوماتيك 190000 وبتزيد الفتيس والفوج لايت

تانى فئه اوتو 205000 وفيها
2 ايرباج - جنوط اسبور 16 - سينسور خلفى - فاميه - مثبت سرعة

الهاى لاين 220000 بتزيد
تاتش سكرين وكاميرا - بلوتوث - تكييف تاتش - ليدات فى الفوانيس - بانوراما

واى استفسار انا فى الخدمه

اقتباس:

---

المشاركة الأصلية كتبت بواسطة memo823000

مواصفات الكارينز الجديده وصلت الطارق فى مول العرب والعربية هتكون موجوده فى العرض خلال 10 ايام والمواصفات كالاتى::
طبعا نازله موتور وفتيس الاسبورتاج (135 حصان - فتيس 6 سرعات) والزيادات عن القديمة التكييف الخلفى من اول فئه و 3 كنبه

اول فئه مانيوال 180000
ونازله طاسات وفرامل abs وواحد ايرباج

اول فئه اتوماتيك 190000 وبتزيد الفتيس والفوج لايت

تانى فئه اوتو 205000 وفيها
2 ايرباج - جنوط اسبور 16 - سينسور خلفى - فاميه - مثبت سرعة

الهاى لاين 220000 بتزيد
تاتش سكرين وكاميرا - بلوتوث - تكييف تاتش - ليدات فى الفوانيس - بانوراما

واى استفسار انا فى الخدمه

---

شكرا على الخبر

السعر عالى اوى

دى السيراتو طلعت غلبانه :)

اقتباس:

---

المشاركة الأصلية كتبت بواسطة memo823000

مواصفات الكارينز الجديده وصلت الطارق فى مول العرب والعربية هتكون موجوده فى العرض خلال 10 ايام والمواصفات كالاتى::
طبعا نازله موتور وفتيس الاسبورتاج (135 حصان - فتيس 6 سرعات) والزيادات عن القديمة التكييف الخلفى من اول فئه و 3 كنبه

اول فئه مانيوال 180000
ونازله طاسات وفرامل abs وواحد ايرباج

اول فئه اتوماتيك 190000 وبتزيد الفتيس والفوج لايت

تانى فئه اوتو 205000 وفيها
2 ايرباج - جنوط اسبور 16 - سينسور خلفى - فاميه - مثبت سرعة

الهاى لاين 220000 بتزيد
تاتش سكرين وكاميرا - بلوتوث - تكييف تاتش - ليدات فى الفوانيس - بانوراما

واى استفسار انا فى الخدمه

---

حلالالالالالاوه يعنى الهى لاين كانت بــ 130000 بقت بــ 220000

ليييييييييه ايه يعنى الزياده الخرافيه الى تخلى الفرق 90000 جنيه حته واحده تمن عربيه تانيه !!!!!!!!


بس هو الجنط الــ 17 مش حينزل فى الهاى لاين

اقتباس:

---

المشاركة الأصلية كتبت بواسطة hossam_elwani

حلالالالالالاوه يعنى الهى لاين كانت بــ 130000 بقت بــ 220000

ليييييييييه ايه يعنى الزياده الخرافيه الى تخلى الفرق 90000 جنيه حته واحده تمن عربيه تانيه !!!!!!!!


بس هو الجنط الــ 17 مش حينزل فى الهاى لاين

---

هو السعر طبعا عالى
بس بالنسبة لموضوع الزيادات فا مفيش مقارنة اصلا لان الجديدة ملهاش اى علاقة بالقديمة غير الاسم بس

انا بعشق شكل السيراتو وبالذات الهاى ﻻين واللون الفضى ام 196
عامتا العربيات فى مصر متستهلش حقها يعنى حد يصدق ان البيكانتو اللعبه ب 99 الف وكمان مش هاى ﻻين اللى بفتحت سقف وايرباج و ايه بى اس

لنا الله يامصريين

العربية دى ..ناس كتير مستنياها..بس هايتصدموا لما يعرفوا السعر :(

غالية عبط .... مفيش احتمال ترخص

Sent from my GT-N7100 using Forum Runner

سعر مبالغ فيه جدا

انا شايف ان الأسعار دي منطقيه بس علي الرغم من كده اني اتصدمت برضو.
وعايز بس أرد علي الناس اللي بتقول ان العربيه دي مش هاتبيع كتير :
"أبسولوتلي.شوفو السبورتاج بيتباع منها كام وتمنها كام والحجز اللي عليها بالشهور أد ايه, وانتو هاتعرفو ان العربيه هاتبيع جامد للأسف.