Elantra Vs Mazda3

**shalaby2001** · 18-08-2008 04:19 PM

يالا انتو قولو بقى
Whic One Is Better Than The Other And Why

**sa3dawy** · 18-08-2008 04:23 PM

مازدا طبعا طبعا

**محمد عز** · 18-08-2008 04:34 PM

العربيه المازدا كانت فى حالها
دلوقتى الكل عمال يقارن بينها وبين عربيات كتير فى السوق المصرى
وده ان دل فانما بيدل قد ايه العربيه ده محترمه

الحقيقة الالنترا ممكن تمشي لشاب وممكن تمشي لعائله ممكن تمشي لواحد كبير فى السن
انما المازدا فهى فالاساس لشاب او عيلة صغيره

فالاختيار ما بينهم على ما اظن هيكون مبنى على اساس الشكل

مع ان العربيتين المفروض انهم اولاد غبور
لكن مازدا الابن المغضوب عليه

**tutankhamoun** · 18-08-2008 05:45 PM

العربيتين حلوين شكلا و موضوعا
و إن كان موتور الإلنترا أقوى
بس صالون المازدا 3 أحلى و أشيك
بس برضه صالون الإلنترا حلو قوي

الإلنترا كبيرة و تمشي أكتر عربية عائلية مع إن موتورها أقوى
بس شكلها عائلي أكتر

المازدا شكلا ......... شبابية قوي و زي ما وضح الأستاذ كاسبر

بالنسبة لقطع الغيار
أعتقد إن الإلنترا ............. متوفرة أكتر لإهتمام عمو غبور بيها و إهتمامه بتوفير قطع غيار عربيات هيونداي عموما
مع التحفظ على سمعة خدمة ما بعد البيع

إنما مازدا ......... تحس أنها مظلومة
عربية حلوة و محترمة ............ و ملهاش ظهر في السوق المصري

و أنا أرشح الإلنترا للأسباب المذكورة لو تقدر توفق حالك و تعصر على نفسك ليمونة و تستحمل توكيلها غبور

**abo samra** · 01-09-2008 07:12 PM

بلاحظ دائما ان الاستاذ توت بيقارن بين السيارات بقوة الموتور وده غير صحيح تماما
اللانترا بيقولوا 121 حصان والماذدا 105حصان

لو عملنا تسابق للسيارتين هنلاقى الماذدا 3 تسبق اللانترا
فمقارنه سيارتين بالاحصنه غير صحيح
وتقبل تحياتى

**tutankhamoun** · 02-09-2008 01:27 AM

المشاركة الأصلية كتبت بواسطة mandooo

بلاحظ دائما ان الاستاذ توت بيقارن بين السيارات بقوة الموتور وده غير صحيح تماما
اللانترا بيقولوا 121 حصان والماذدا 105حصان

لو عملنا تسابق للسيارتين هنلاقى الماذدا 3 تسبق اللانترا
فمقارنه سيارتين بالاحصنه غير صحيح
وتقبل تحياتى

لما بقارن يا أستاذ ماندوا عربيتين ببعض مش بقارن بعامل واحد فقط
أنا بقارن بعدة عوامل ألا و هي مثلا
توافر قطع الغيار
جودة لتوكيل
قوة المحرك
وسع الصالون
الكماليات
جودة الصناعة
التوازن على الطريق
السعر مقابل الأداء و الكماليات
........................................ الخ

و هل حضرتك جربت تسابق المازدا 3 بإلنترا ؟؟؟؟؟
و ياريت تعرفني أزاي موتور الإلنترا أبو 120 حصان مش هايكسب موتور المازدا أبو 105 حصان ؟؟؟؟

كان فيه أخ هنا معانا في المنتدى و قال أن أخوه معاه جين 2
و قال إن الجين 2 أسرع و المازدا مش بتحلقها
بس الفرق مش كبير على أساس إن الفرق 5 حصان بس لصالح الجين 2
فتخيل بقى الفرق لما يكون 15 حصان بحالهم لصالح الإلنترا !!!
على فكرة الأوزان تقريبا متساوية

و الإلنترا أحسن و أنا وضحت ليه في مشاركتي السابقة

و شكرا و رمضان كريم

**fahd_628** · 02-09-2008 02:34 AM

بلاحظ دائما ان الاستاذ توت بيقارن بين السيارات بقوة الموتور وده غير صحيح تماما
اللانترا بيقولوا 121 حصان والماذدا 105حصان

لو عملنا تسابق للسيارتين هنلاقى الماذدا 3 تسبق اللانترا
فمقارنه سيارتين بالاحصنه غير صحيح
وتقبل تحياتى

لأ يا باشا اسمحلى اختلف معاك فى النقطة دية

انا والله الى حقولة دة من واقع تجربة

مرة كنت ماشى فى حالى جدا و لقيت واحد بمازدا جاى ورايا بسرعة جدا و بعدين قعد يدينى فى نور و العربية كانت اوتوماتيك ( عرفت لأن فيها فتحة سقف و مفيش فتحة سقف غير اوتوماتيك ) و قمت مخلية معدى و لقيتة قام جاى جمبى و عامل كيك داون ( صوت الموتور بتاعة على اوى ) أل يعنى عاوز يعقدنى :) بس على مين والله قمت عامل كيك داون انا كمان ( مكناش لا انا ولا هوة مشغلين التكييف ) و والله عديتة بسهولة جدا و بعدين سبتة يعدى علشان انا مليش فى الشد و الكلام دة :)

انا مش بقول انة احسن موتور 1600 بس بصراحة سحب الألنترا احسن من المازدا

و انا كمان على فكرة ركبت المازدا برضة مع واحد صاحبى و كانت اوتوماتيك بس مش ححكم على سحبها لأننا كنا 5 - 6 فى العربية و مشغلين التكييف

بس الحق يتقال المازدا كعربية ممكن تكون افضل من الألنترا بس برضة فية عيب خطير فى المازدا يخلى اى حد فى مصر يفكر قبل ما يشتريها و هوة ان التوكيل فى الضياع و سعر تيل الفرامل فى حدود 600 جنية فا حرام والله

**Ahmed Anwer** · 02-09-2008 02:36 AM

المشاركة الأصلية كتبت بواسطة mandooo

بلاحظ دائما ان الاستاذ توت بيقارن بين السيارات بقوة الموتور وده غير صحيح تماما
اللانترا بيقولوا 121 حصان والماذدا 105حصان

لو عملنا تسابق للسيارتين هنلاقى الماذدا 3 تسبق اللانترا
فمقارنه سيارتين بالاحصنه غير صحيح
وتقبل تحياتى

لا بص

الإلنترا سحبها غير طبيعي

مانيوال و اوتو ،،

**bimmeraddict** · 02-09-2008 02:43 AM

المشاركة الأصلية كتبت بواسطة Ahmed Anwer

لا بص

الإلنترا سحبها غير طبيعي

مانيوال و اوتو ،،

مش بس كدة الالانترا فراملها ورا وقدام فعلا أكثر من روعة
بس ممكن يا جماعة لو حد يعرف أسعار تقريبية لقطع غيار المازدا يقول؟؟؟؟؟؟؟؟؟

**abo samra** · 03-09-2008 08:49 AM

استاذ فهد بالنسبه لموضوع اللى حضرتك كنت بتسابقه ممكن يكون مكنش عامل على m مووود بس عن تجربه الماذدا 3 تسبق اللانترا ودى تجربه قدام عينى طبعا التويوتا اللى معايا تقطعهم هما الاتنين

الموضوع: Elantra Vs Mazda3

LinkBack

أدوات الموضوع

عرض

-

-

-

-

المواضيع المتشابهه

هيونداى Elantra :: واحد وعشرون عاماً من التميز ( تاريخ Hyundai Elantra )

هيونداى Elantra :: واحد وعشرون عاماً من التميز ( تاريخ Hyundai Elantra )

mazda3 2008

Mazda3

خبر سار (mazda3)

الكلمات الدلالية لهذا الموضوع

المفضلات

المفضلات

ضوابط المشاركة