معايا لانوس 2012 وقريت مواضيع كتير عن فيشة الاوكتان ومش قادر اوصل لمعلومة اكيدة فيها
استفساري العربية بظبطة المصنع الي هي نازلة بيها متوافقة مع اي نوع من البنزين عشان مش عاوز اغير فيها
عرض للطباعة
معايا لانوس 2012 وقريت مواضيع كتير عن فيشة الاوكتان ومش قادر اوصل لمعلومة اكيدة فيها
استفساري العربية بظبطة المصنع الي هي نازلة بيها متوافقة مع اي نوع من البنزين عشان مش عاوز اغير فيها
هيا بتبقى نازله من المصنع مظوبطه على بنزين 87 و ده طبعا مش موجود في مصر لو حضرتك في القاهره و عايز تعملها انا مستعد اساعد حضرتك انا عن نفسي ظابطها على 90
و التعديل في الفيشه بخلي الاداء مختلف جدا فعلا و بيحسنه جدا انصحك انك تجرب تعدلها و لو معجبكش الموضوع ممكن ترجعها زي ما كانت جايه من المصنع في 5 دقايق
الفيشة موجودة تحت الكرسي اليمين شيل الفيشة وكدة تكون ظبطها علي 92
المشكلة اني عامل دواسة جلد وأكيد مفيش فتحة تحت الكرسي
اللانوس بتنتج بفيشه اوكتان مظبوطه علي 87 اللي هوه يقابله في مصر بنزين 90 ...يعني لون بتحط 90 يبقي تسيب الفيشه زي ما هيه ماتلعبش فيها .
ظبطه ال 92 و هيه انك تشيل الفيشه خالص و تحط بنزين 92 .
ظبطه ال 95 و هيه انك بتعدل السلك اللي في طرف الفيشه بتنقله اللي طرف الفيشه الاخر . و تحط بنزين 92 و دي انا مستقر عليها حاليا و ممتازه في السحب و استهلاك البنزين معقول مقارنه بالاداء خصوصا ان الاداء ممتاز مع تشغيل التكيف ..بتلاقي العربيه سحبها حلو اثناء تشغيل التكيف مش مخنوقه .
و اخيرا ظبطه ال 80 و دي موجوده بالتفصيل في موضوع فيشه الاوكتان في اهم موضوعات القسم .
السيارات اللي تكنولوجيتها حديثه بيبقي فيها knock sensor و ده يعني مانع تسقيف و وظيفته انه بيتعرف علي نوع الاوكتان اللي بيتحط في العربيه اوتوماتيك . اللانوس فيها فيشه الاوكتان بدلا من ال knock sensor و بتظبطها يدويا و انا جربت كل الظبطات ما عدا ال 80 و ارتحت مع ظبطه ال 95 و بحط بنزين 92 .
انا جربت ظبطه ال 92 و ال 95.. و الفرق في الاستهلاك غير ملحوظ .. عدل الفيشه ل 95 و حط 92 .. و عيش و استمتع :-)