شكرا استاذ zarif

**shur3000** · 10-05-2013 12:24 AM

غيرت نور وحدة التكيف. وطبعا ماكنتش هعرف اعمل حاجة من غير شرح ا zarif ربنا يكرمة
بس انا خايب حبتين ححرت اول واير اللى ورا دواسة البنزين والويرين التانين قعدت فيهم ساعة ومكنتش هغيرهم لانهم ناشفين جدااااااااااااااااااااااا ا.
المهم ربنا الهمنى ورشيت رشتين من من منظف الكرابراتير على مان الكليبس وفعلا بقوا اخر حلاوة فكيت وركبت وجربت التكيف والحمد لله النور مية مية
بس لية حاسس ان التكيف بقى اقوى شوية.

عامة انا لسة داخل على معركة تنظيف سربنتينى التكيف وربنا يسهلها ادعولى

* هلى رش منظف الكرابراتير فى المكان دة لية ضررولا عادى؟؟؟؟؟

**مصطفى-حسن** · 10-05-2013 02:08 AM

يا راجل يا طيب انت داخل تعمل موضوع مخصوص عشان تشكرنى فية !!!!!
واللة العظيم انت احرجتنى جدا
انا مش عارف اصلا ارد عليك اقولك اية بس غير ان انت راجل محترم جدا

وعلى العموم هو فية موضوع مثبت ليا فية شرح كامل لتفكيك المنطقة دى بالفيديو
http://www.nilemotors.net/Nile/343300-a.html

موضوع احساسك ان التكييف بقى اقوى يمكن يرجع لان الواير بتاع غرفة توزيع الهوا اللى جنب دواسة البنزين كان فية مشكلة ولما فكيتة وركبتة تانى اتحلت المشكلة او الواير اللى بيخلط سخن وبارد كان مفتوح وبيدخل سخن مع التكييف ومع الفك والتركيب اتحلت بردو (الواير دة اللى هو فى النص مش فى اليمين خالص)

بالنسبة لسؤالك عن منظف الكربراتير هو يفضل المنطقة دى تكون ناشفة مش زلقة عشان الكلبس يقفش فى المكان بتاعة كويس وميفلتش مع الحركة

بالنسبة لموضوع تنظيف التلاجة خلى بالك هو اصعب بكتير من فك لوحة التكييف
بس فية نصيحة صغيرة
لو قررت تفك العلبة اللى تحت التلاجة فقبل اى حاجة فية تقريبا 5 مسامير 7 وكمان راس المسمار يركب علية مفك صليبة الخمس مسامير مزنوقين بيت صدر العربية وبين علبة التلاجة ومش هتعرف تشوفهم

عشان تشتغل فى المنطقة دى لازم تطلع الكرسى اللى جنب السواق برة العربية وتنام على ضهرك تحت العلبة وتشتغل عميانى بالتحسيس

لو فكيت الخمس مسامير دول ............ الباقى كلة مقدور علية
لو معرفتش تفكهم متكملش عشان متبوظش حاجة

العدة اللى هتحتاجها بيبة 7 ومفك صليبة اجمالى طولة 8 سم تقريبا ومفك صليبة طويل

وربنا يوفقك

**shur3000** · 10-05-2013 06:08 PM

كدة انا اتوغوشت وشكلى هفلسع الموضوع

**MinaLove_1** · 11-05-2013 11:59 AM

سيبك انته .... مصطفي ( ZARIF ) دا باشاااا من يومه بجد
وهو اللي عامل احلي مواضيع في الكام شهر اللي فات صور وفيديو تعليمي محترم
ربنا يباركله عشان هو فعلا بيساعد الكل , بس من غير " الـــيــطـه " زي ناس .... هههههه

**ahmedzizo131** · 11-05-2013 12:07 PM

بسم الله الرحمن الرحيم
بصراحة الاستاذ / مصطفى افدنى اوى اوى فى موضوع الغاز
الف الف شكر لية
بس كنا منتظرين صورة اضاءة لوحة التكييف بعد التغير

**مصطفى-حسن** · 11-05-2013 12:57 PM

المشاركة الأصلية كتبت بواسطة minalove_1

سيبك انته .... مصطفي ( zarif ) دا باشاااا من يومه بجد
وهو اللي عامل احلي مواضيع في الكام شهر اللي فات صور وفيديو تعليمي محترم
ربنا يباركله عشان هو فعلا بيساعد الكل , بس من غير " الـــيــطـه " زي ناس .... هههههه

المشاركة الأصلية كتبت بواسطة ahmedzizo131

بسم الله الرحمن الرحيم
بصراحة الاستاذ / مصطفى افدنى اوى اوى فى موضوع الغاز
الف الف شكر لية
بس كنا منتظرين صورة اضاءة لوحة التكييف بعد التغير

يا رجالة انتو كدا بتحرجونى واللة
انا لو بدى لحد معلومة بعملها لوجة اللى تعالى
عشان زى ما انا بقف جنب اى واحد فى مساعدة او معلومة... لما بتزنق ربنا بيبعتلى اللى يقف جنبى
وهيا الدنيا كدة
اللى تزرعة النهاردة بتحصدة بكرة