انا معايا بيكانتو 2013 جنط 14 والاربع فرد فيهم بلالين
هل ده طبيعى ولا ايه
عرض للطباعة
انا معايا بيكانتو 2013 جنط 14 والاربع فرد فيهم بلالين
هل ده طبيعى ولا ايه
العربية معاك بقالها اد ايه والكاوتش ماشي بيه كام كيلو والبلالين ظهرت من امتى؟؟؟؟؟؟؟؟
صعبة أوي بلالين مع 14 دي!! غريبة!!
يعني هي معروفة أنها بتظهر أكتر في الـlow profile على الجنوط الكبيرة..
يعني أنا عندي ظهر بالونة واحدة صغيرة على الجنط الـ17 بعد 20 ألف كيلو و كانت بسبب أهمالي أشوف ضغط العجل لفترة طويلة..
ممكن أنت مش بتبقى عامل ضغط العجل مظبوط أو نوع الكاوتش نفسه مش تمام..
25 الف فى 6 شهور ده رقم قياسى دا كويس انهم عملو بلالين بس
كده استهلاك عالى جدا وظروف تشغيل فوق المستوى العادى
عموما البلالين ملهاش حل الا التغير
وبتيجى من الطرق المكسره والناشفه وانك تلبس حجر او سن ناشف وانت على سرعه
اما لو حبيت تقليل فرص طلوعها فغير لكاوتش ليه (جوانب او زيادات او بيسموها شفه - دعامات جانبيه)
ودى هتلاقيها فى الماركات المحترمه بس ده هيقلل فرص حدوثها بشكل كبير مش هيمنعها خالص لو لبست فى حاجه ناشفه جدا ( انا عن نفسى مركب دانلوب المانى بشفه ولابس لسه الاسبوع اللى فات فى عرق خشب على الصحراوى عملى بلونه وقتى بس لو كاوتش من غير شفه كان كسر الجنط وش )
وربنا يحفظنا من كل شر
هى البلالين ده بتاثر فى حاجة؟
طبعا كاوتش عامل بلونه يعنى الواير اللى ماسك الكاوتش من جوه انقطع يعنى الكاوتش محمل على المطاط اللى فيه مش على السلك يعنى فى اى لحظه معرض لمشكله لا قدر الله خلى بالك اوعى السرعات وعينك فى وسط راسك وايديك الاتنين على الطاره على طول ولو تعرف تمسك برجليك كمان انت دلوقتى ماشى ومتوقع وحاطط احتماليه حدوث اى طارئ فى اى لحظه وربنا يكرمك وتغيرهم على خير
علي فكرة موضوع البلالين دة بقي عادي علشان الطرق والفواصل اللي علي الكباري والمحاور..والنقر المفاجاة..وزيادة علي كدة خامة الكاوتش ايا كان ماركتة بقت للأسواء وخصوصا في الايام اللي فاتت لنقص الذمة عند المستوردين..لانهم بيجيبولنا اسواء خاماااات....وانا كنت جايب طقم باريللي اصلي مكملش 10 الاف وتلاتة منهم عملوا بلالين.....وجبت اتنين كونتينانتال واحدة عملت بالونة ومكملتش 3 الاف..وطبعا مفيش ضمان علي الكاوتش
السؤال , هو ايه سبب حدوث البلالين اصلا واحافظ ازاى على الكاوتش لانى عندى جنط ال 17 سيراتو وبعانى طبعا من الموضوع ده
هل ضغط الهوا ولا المطبات ولا ايه ولو ضغط الهوا ماهو الضغط الصحيح للجنط ال 17 سيراتو لانى سمعت 32 وبعدين الكل يقولى لا 30 عشان فى الحر الكاوتش بيزيد بصراحة توهت
السبب الرئيسي للبالونات البلاعات والنقر والحفر في الاسفلت.انما المطبات العادية متعملش بالونات الا لو لبستها على سرعة .
كمان لو مشيت على الكاوتش وضغطه منخفض يعني مثلا اقل من 20