طلباتكم لمراجعة التابلت المصرى اينار Innar Tablet Review

**Mahmoud Nagieb** · 10-05-2013 02:32 PM

السلام عليكم يا شباب,
جمعة مباركة علينا وعليكم ان شاء الله

طبعا موضوع التابلت المصرى Innar عامل ضجة من فترة ولحد دلوقتى الناس مش عارفة راسها من رجليها ومش عارفين هل بجد التابلت كويس ولا مجرد فقاعة اعلامية لاغراض سياسة معينة

المهم , كونى محب للتكنولوجيا ومتابع ليها عن قرب , كان عندى امل انى اقدر اعمل ريفيو كويس للتابلت ميقلش عن اى ريفيو عالمى فى حاجة

حاولت ادعبس واوصل للمسؤلين فى شركة بنها علشان يقدروا يسمحولى بده , لحد لما ربنا وفقنى ووصلت لشخص جوا المصنع هيدينى تصريح ادخل المصنع وهعمل ريفيو للتابلت جوه وكل اللى انا عاوزه ان شاء الله

وان شاء الله الريفيو هينزل حصرى على نايل موتورز وجروب تانى على الفيس

دلوقتى ياريت كل الناس تقولى نفسها تعرف ايه عن التابلت علشان اخد بالى منه واجيب سيرته فى المراجعة

ولو فيه اى نصايح او تعليقات ياريت تقولوها ,

ان شاء الله غالبا هروح الاربعاء او الثلاثاء اللى جاى (ادعولى لانى مزنوق فى امتحانات اكلية اوى)

وياريت رجاء لو حد عنده ترايبود لتثبيت كاميرا D3100 يقوللى علشان محتاجين واحد نثبت الكاميرا عليه واحنا بنعمل المراجعة , وللاسف انا معنديش واحد

تحياتى ليكم

**marsguy** · 10-05-2013 02:41 PM

السلام عليكم ورحمة الله وبركاته،،،

عاوز أعرف هل هو شكله متين؟ يعني البيلد بتاعه تحسه ماسك نفسه كده ولا تحسه مطبل وفيه فراغات والبلاستيك بتاعه ضعيف؟

وطبعاً في تضارب جامد في موضوع الأسعار, هل هايكون بـ 1500 ولا بكام؟ وهل فيه موديلات ولا موديل واحد بس.

شكراً

**Dr_Mido** · 10-05-2013 02:49 PM

اعرفاي البطاريه سعتها ايها وبتتغير ولا لا و شغله بضغط وشوفه بيسخن ولا لا واعرفلنا الروم بتاعه مين هيطوره مستقبلا

Sent from my Xperia Arc S using Forum Runner

**speed_magnum** · 10-05-2013 02:50 PM

عارف مشكلة المصريين هتفضل في سوء الادارة
يعني انت تتعب وتدور علي واسطه علشان تعمل ريفيو للتاب اللي المفروض تكون الريفيوهات بتاعته دلوقتي مغرقه الدنيا ومن جانب الشركه المصنعه ليه ومبينه كل مميزاته
..
عموما
انا عاوز اعرف الشاشه دقتها كام .. والبطاريه بتقعد اد ايه
وانت شغال عليه حاول تفتح برامج كتير وحاجات كتيرة عليه وشوف
استجابته هتبقي كويسه ولا لا وفي تهنيجه ولا لا
وشكرا مقدما

**SAMEH_FOUAD** · 10-05-2013 03:19 PM

شوف ياباشا , طبيعى انت هتعمل علية تقرير شامل , يعنى لازم تنزل علية برامج عشان تتأكد من كفاءئتة

عموما ياريت تقوم بالاتى :

1- نزل برنامج an tu tu bench mark عشان تعرف الجهاز قارى كام واختبار كفاءة للهارد وير بتاعة الجهاز

2- شوف الرامات قارية كام ( الصافى بتاعها )

3- نزل العاب تقيلة , زى مثلا fifa 2013 ,ashphalt 7 , وشوف التليفون هيهنج معاهم ولا لأ , وهل هيسخن ولا لأ , والعب مثلا بتاع 5 دقائق وشوف البطارية كانت كام واصبحت كام

4- حاول يكون معاك تليفون شاشتة قوية s3 مثلا , وتقارن مابين الشاشتين فى الاضاءة المختلفة سواء فى الضوء او فى النهار

5- الكاميرا تشوف جودتها فى الاماكن ذات الاضاءة الضعيفة بالذات

6- حاول تشغل اكتر من تطبيق مع بعض شوف الجهاز هيهنج ولا لأ

7- ال materia بتاعة الجهاز هل بلاستيك ردىء ولا قوى

8 - حجم الجهاز تقيل ولا خفيف

9- التاتش بتاعة سلس ولا تقيل ومدى سرعة استجابتة

10- النت بتاعة سريع ولا لأ , وياريت تشوف موضوع الداونلود , تحاول تنزل اى حاجة من الماركت وتشوف سرعة الداونلود بتاعتة

وشكرا ليك ياباشا

**amohsen** · 10-05-2013 04:16 PM

أنا عايز أوضح نقطة مهمة، الجهاز لما تيجي تعملوا مقارنة تعملوا مقارنة تكون مع تابلت قريب في السعر، مينفعش نعملوا مقارنة مع iPad بـ 4000 جنية طبعا هتبقى مقارنة غير منطقية كأني بقارن فيرنا مع سيفيك!
تاني حاجة موضوع السخونية، أي تابلت أو سمارت فون في الدنيا بيسخن لما تعمل داتا كتير، بس برضة تقارنه مع حاجة قريبة منه

**beshomilan** · 10-05-2013 04:19 PM

للتوضيح فقط:

التابلت اللى نازل لطلبة المدارس ليس به بلوتوث لانه مخصص للدراسه فقط
اما اللى هيكون فى الاسواق متوافر به بلوتوث

كمان هو مبيشلش شريحة دايركت ولكت يتركب فيه usb مودم لتشغيل 3g

السعر 1555 بضمان عام
وهيتباع فى منافذ بيع الانتج الحربى

ودى مواصفات التابلت اينار

وده كمان الريفيو بتاعه :)
http://www.youtube.com/watch?v=nQx-ZrBWuGE

**p r i n c e** · 10-05-2013 04:43 PM

هوا نزل السوق فعلا ولا لسة؟

-

-

الموضوع: طلباتكم لمراجعة التابلت المصرى اينار Innar Tablet Review

LinkBack

أدوات الموضوع

عرض

طلباتكم لمراجعة التابلت المصرى اينار Innar Tablet Review - انشر الموضوع فى :

-

-

-

-

-

المواضيع المتشابهه

شبيك لبيك تطـلب ايه من نيـسان .. طلباتكم حنوصلها للمسئولين , تفاعلوا لمصلحتكم

مراحل تصنيع التابلت المصرى حاجة تشرف بجد

الي وحوش التابلت: سؤال فني في التابلت مهم جدا

نازل بكره معرض الاهرام طلباتكم ايه

الكلمات الدلالية لهذا الموضوع

المفضلات

المفضلات

ضوابط المشاركة