TEST DRIVE:TOYOTA YARIS
2007 1300سي سي مانوال هالف اوبشنز
نظرة اولى:
من الخارج محيرة للغاية...ساعات تشوفها مقدمة هجومية و شكل شبابي جدا..ومستقبلي و فضائي...وساعات توحي بالغباء...واظن ان اللون عامل مهم في تحديد الموضوع ده...(الاسود والفضي والابيض حلوين قوي)..
من الداخل واسعة بطريقة مش مفهومة...وحركة عدم وجود مقب بين الكراسي في الكنبة ورا شيء مدهش جدا..ولكن..العدة بتاعت تغيير الاستبن محطوطة تحت كرسي السائق بطريقة صعبة(معرفناش نطلعها..الجهل خيبة :mrgreen: )
ووجود العدادات فى النص مش مشتت للنظر بالنسبة لي..الخامات جيدة و ميبنش فيها الوساخة ولا التراب..التابلوه بسيط للغاية وقابة بمنتهي السهولة لتعديل نظام الصوت و تغيير الكاسيت في منتهى السهولة..والسماعات صوتها ظريف و مجهزة لأيصال ام بي ثري او اي بود بكل سلاسة...حوامل اكواب في اماكن سهلة الوصول..تابلوه ديجتال...القعدة مريحة..شنطة واسعة
الأداء:
هايل يا تيوتا فعلا..التسارع جميل موت(نظرا لموتور كرولا 1300 حسبما يقال) وقدرة جيدة علي اعطاء اداء شبه رياضي بسعة موتور قليلة نسبيا..صوت الموتور معدوم تقريبا..يصعب التعرف عليها اذا كانت دايرة ولا لأ,,اللا لو بصيت في التابلوه او لزقت ودانك فيه..و مبيعلاش اللا لمما الRBM يكسر ال4...توفير هايل للبنزين...الثبات كان رائع لغاية لمما دخلنا اختبار السرعة...(الاختبار في الظروف اياها كل مرة..والثابت شخصين قدام بس)
نعومة ادوات القيادة لا يوصف..باور كهربا..الين فتيس استخدمته في حياتي..حتى الهاند بريك..(كنت خايف اكسر العربية)
اختبار السرعة:
ملحوظة: ارجو من الأعضاء عدم محاولة القيادة بهذه السرعة لأن ده بالعربي شغل جنان و بنعمله مرة واحدة في التست وبعد كده بنفسسي دماغنا على الاخر علشان نرجع سلام
ماتكسفكش ابدا العربية دي والله...بس لغاية 160كم..بعديها تحس انها هتبتدي تقل معاك..ولذلك انهينا الاختبار عند 185كم وصراحة خفت مقدرتش اكمل بعد كده....(العمر مش بعزقة :mrgreen: ) نرجع قلة الثبات الى العلو الملحوظ عن الأرض..والذي نجح في تجاوز اختبار المطبات بكفاءة جامدة..
عيب رهيب:عدم وجود لمبة مؤشر حرارة في التابلوه تجعلك عاجز عن مراقبة الحرارة بشكل دائم...تنور احمر بعد خراب مالطة بس......او انا راجل دقة قديمة والا ايه؟؟
الحماية:ممتازة العربية مصممة فعلا علشان تتدشدش 100 حتة وانت تفضل سليم ..2 اير باجز
الرؤية:لازم تخللي بالك ...لأنها صعبة شويتين و محتاجة تعود...واللي يعوض ده سهولة التحكم فيها
السعر:اظن بالسعر ده كان المفروض تكون F/O على الأقل...ويمكن ده سبب قلة الانتشار
حركة جميلة:يهمل اغلب المصنعين وضع لمبة تعلمك بعد اول تكة في الكونتاكت بالتمهل 4ثواني قبل بداية تشغيل الموتور حفاظا على الجهاز اللي بيوصل البنزين للرشاشات...وده موجود فيها(لمبة بيان حمرا بتفصل بعد اول تكة ب3 ثواني)
حركة كمان:(علشان الحركة بركة :mrgreen: ) لمبة الحرارة نتور اخضر لمما تكون العربية ابرد من الازم..(عند التسخين في الصباح الباكر) و بتفصل لمما توصل للحرارة الطبيعبة :o :o
مميزات اخرى..توكيل محترم....قطع غيار ارخص من الباقي كرولا او لانسر....
الخلاصة:سيارة جيدة جدا من ناحية الاداء والتوفير..ولكنها في فئة سعرية مش مفهومة....[/size]