عرض للطباعة
يا باشا تسلم ايدك و مشكور جداً على تعبك :)...
الأسعار معقولة جداً على التوكيل ، ده فى حاجات أرخص من الهوندا سيتى اللى معايا و من بره التوكيل (خصوصاً فى الفلاتر)...
اعتقد ان العربيه دى ممكن تفرقع ووقتها حتلاقى السعر ممكن يوصل 200 الف
لو دي اسعار قطع الغيار فعلاً يبقي المفروض تحقق ارباح رهيبة .. بس في الاول وفي الاخر ثقافة الشعب المصري والسوق هيا اللي هتحكم وهتفضل الكوري
مشكلة العربيات الأوروبيه عموما أن دايما تلاقي فيها مصيبه مستخبيه ... كنترول يونيت .. طرمبة باور .. راس موتور .. حاجه كده دايما متداريه .. غير أن دايما معروف أن الأوروبي ليه صنايعيه مخصوص بيشتغلوا فيه مش أي حد .. ونظرا لندرة إنتشار العربيات دي بيبقى وجود صنايعي كويس ليها صعب .. ولو لقيته بتلاقيه غالي قوووووووي في أجرته ..وده اللي المستهلك أكتشفه طبعا بالخبره والتجربه يعني الواحد قبل مايشتري سيتروين مثلا بيدور على حد ولو يوقف حد معاه ستروين حتى ف الشارع ويسأله عنها .. وهكذا تنتقل الخبرات من واحد للتاني ويتكون عند الناس الفكره العامه عن العربيات .. وكون أن الشركه غيرت وعدلت في سياساتها من حيث التسويق وتوفير مراكز الخدمه وقطع الغيار زي ماعملت رينو فده شيء كويس بس هيحتاج شوية وقت عشان المستهلك يغير رأيه .. أنا دلوقت لو معايا تمن السيتروين دي هشتريها على طول ومش هفضل عليها مثلا الهيونداي أكسنت rb واللي هيا في نفس الفئه السعريه بتاعتها .. دي وجهة نظري والله أعلم .
ده احتمال كبير طبعاً يا باشا ، دايماً المستهلك المصرى أهم حاجة عنده ان الصنايعى المصرى العظيم ميزعلش :) ، عموماً أنا استنتاجى ان كلها كام سنة بإذن الله و معايير السوق كلها هتتقلب لصالح الصينى و جزء من السوق هيبقى للأوروبى الرخيص (لوجان ، ستيب واى ، الخ) أو للبروتون لو حد غير عز العرب خدها و اهتم بالعربية و ده طبعاً هيكون بسبب الارتفاع الملحوظ فى سعر الكورى سواء بسبب جشع التوكيل من ناحية أو التقدم التكنولوجى فى السيارات الكورية من ناحية تانية و ما سوف يتبعه من عدم قدرة الصنايعى المصرى فى التعامل مع العربية بدون أضرار...
التوكيل ده اصلا تعبان اللى خلاها يوقع عربية زى البروتون هايعمل ايه فى دى فعلا لو العربية ده زبطت و بشكل قطع الغيار ده هاتبقى لقطة بصراحة
بس دى اسعار الصيانات هههههههههه
بص بقى على سعر الفاونيس والاكصدامات وطرمبه البنزين او الباور او او
هتلافى اسعار خرافيه
او يمكن متلاقيش فى الوكيل اصلا ودة هيبقى تحت بند هنبعت نجيب قطعه الغيار لحضرتك وموت ياجمار
ممكن برده
بس حضرتك نسيت تحط فى اعتبارك نقطة مهمة جدا ... ان المكونات كلها اوربية ,, والاوربى دايما معروف باعتمادية قطع الغيار وعمرها الطويل
تفتكر بعد اد ايه ممكن تحتاج تغير طلامبة بنزين ولا طرمبة باور
ياباشا الاوربى يفرق تماما عن الكورى والصينى والهندى اللى بيقولوه عليه يابانى
بسم الله ما شاء الله , اللي ناوي بجد ع العربيه دي زي حالاتي لازم ينجز لأن على اخر السنه العربيه دي هتزيد جامد , لك ان تتخيل عربيه فرنساوي بالكامل مفيهاش مسمار متركب بره مصانع ستروين اللي في فيجو باسبانيا , وسائل امان من ABS, 2 air bag, متور من شركه اسمها ستروين بيجو مع احترامي للجميع , سعر ارخص من الأر بي و تزيد حاجه بسيطه عن الصني المتقفله في مصر , كل ده يخلي العربيه صفقه رابحه لأي حد
و من كلام مالكي الستروين عن تعاملهم مع عز العرب الدنيا هناك مختلفه تماما عن البروتون فالموضوع مش مقياس , و الكلام عن الصنايعي اللي يفهم فيها و كده سوري يعني مع احترامي حضرتك لو جايب عربيه جديده زيرو هيونداي ولا رينو ولا نيسان و لا كيا هتوديها لأي ميكانيكي ولا كهربائي يشتغلك فيها ؟؟ اقلها لو مش هتوديها للتوكيل هتوديها لمركز معتمد و دول موجودين و متوفرين
العبد لله راكب كوري - هوينداي - و اول حاجه فكرت فيها لما قررت اني اغير كانت الهيونداي الأر بي و بعدها الصني , بس بجد لما قارنت بينهم و بين الستروين أليزيه بجد مش بتحتاج وقت طويل عشان تقتنع انها الأفضل و الأكسب ليك على الشروت و اللونج تيرم كمان
تحياتي للجميع , و في انتظار تسليم السياره عشان نشكل نادي مالكي الأليزيه في مصر
توافر قطع الغيار فى توكيل ستروين معرفِش بس فى البيجو اغلب قطع الغيار متوفرة حتى فى الموديلات الجديدة فى نفس السنة. بس طبعا الاسعار اعلى بكتير من برة التوكيل.
علما ان قطع غيار العفشة و كل التحت الكابوت واحدة فى الستروين و البيجو.
و طبعا غالبا ان اول جيل من العربية دى يطلع فيه عيوب و ده فى كل العربيات مش الفرنساوى بس.
بس انا شايف ان الفرنساوى اليوميين دول بيلعب لعبة جامدة جدا, بينزل عربيات متوسطة التجهيزات زى اللوجان و سانديرو و الاليزى و 301 باسعار منافسة جدا.
شكلهم عايزيين يحلوا محل الكورى اللبس بدلة مش مقاسه .
يا جماعه خلينا واقعيين شويه ... كورى ايه ويابانى ايه اللى مش يابانى ... انا معايا كورولا تقفيل تيوان و كنت معايا ايبيكا شيفورليه تقفيل كورى ... والله والله ان الكورولا لو خبطها بأيديك الاقصدام الامامى يوقع لوحده و رحت اكشف عليها لاقيت الصنيعى بيقولى دى كلها تجارى مش اصلى ... الموضوع مش محتاج تفكير اساسا لن فعلا مافيش اى مقارنه ... انا توكلت على الله وحجزت الهاى لاين الاسود ... والاستلام خلال اسبوعين او شهر مش فارقه بس اهم حاجه انا مقتنع جدا جدا الحمد لله بأختيارى و عارف ان ربنا هايوفقنى فيه ...
عايز الفت انتبهك لحجتين
الاولى متشتريش عربية تكون اول موديل او تكون لاول سنة يتتقفل برة مصنعها او بلدها.
التانية انا شايف انك فى جدة و الاعرفه ان هناك مش بيعرفوا يتعملوا فى العربيات دى خالص و بيعكوا جامد يعنى ممكن من لا مشكلة يعملولاك مشكلة عشان كدة حتلاقى البيجو و الستروين و السكودا عندك سوقهم نايم خالص
لو انت هنا او بتفكر تنزل العربية هنا ده كلام تانى.
من افضل العربيات في السوق المصري كقيمة مقابل السعر وبصراحة متوقع لها انها تحقق مبيعات ممتازة وبجد لو معايا سعرها كنت حجزتها فورا.
اسعار معقولة بصراحة
بس في خبر قلقني جداً وهو منشور في أهرام أول امبارح الجمعة بتاريخ 09/05/2013 وهو زيادة تخفيضات جمارك السيارات الأوروبية أكثر من 10% لتصل إلى 13% بداية من 2014 ومن المقرر أن تصل في 2019 إلى صفر جمارك.
أعتقد إن ده ممكن يخلي سعر العربية في النازل كل سنة لحد متوصل نص سعرها وهي زيرو في 2019 فإيه رأيكم؟
وده مصدر الخبر
محلية - اخبار - Ahram Cars
يا باشا ما القانون ده بيتطبق بقاله كام سنة ؟ هل سعر اى عربية نزل ؟ بالعكس الاسعار تقريبا بقت مضروبة فى 1 و نص او 2 من سنة 2010 مثلا .. اركب و استمتع و لو مغليتش فهى مش هترخص و متستناش الوضع يتحسن بتاع سوق العربيات الا لما وضع البلد الاقتصادى كله يتحسن و وقتها ان شاء الله ربنا يكرمنا و يكرمك و نفكر فى فئة تانية خالص
الف شكر حسام باشا على الموضوع و نورت قسم ستروين
و اسعار ممتازة فعلا و فعلا اسعار قطع غيار الاوروبى بقت تقريبا زى الكورى و ارخص كمان و كلامى كله على التوكيلات يعنى لو قارنت مثلا اسعار الانترا بـ c4 هتلاقى الـ c4 قطع غيارها ارخص
و ان شاء الله العربية ديه تبقى فتحة خير على اسم ستروين فى مصر و الناس فى مصر تعرف يعنى ايه ستروين
بصلها بشكل تاني , انت النهارده ربنا هيكرمك و تقدر تجيب الألزيه و بعد x سنين ان شاء الله تقدر تجيب بي ام او اودي , لو سعر الألزيه نزل فبردو اللي ناوي تجبها هتنزل و العكس صحيح , يعني هتلاقي في الأخر الحسبه الي حد ما زي ماهي مش هتفرق معاك كثير , توكل على الله و شوف الأفضل ليك دلوقتي ايه بكره دايما حسباته بيتغير فيها حجات محدش يعرفها النهارده
نجاح العربية 50 % علي العربية نفسها و 50% علي التوكيل والعربية لا غبار عليها من حيث الاعتمادية والآمان الخ الخ يبقي فاضل التوكيل ياتري هيقدر يوفر كام في الميه من ال 50% اللي عليه ؟؟
ممنوع وضع دعايا أو إعلانات تجارية أو إعلانات شخصية أو إعلانات متعددة لسلع متماثلة أو مختلفة أو وضع عروض مباشرة أو غير مباشرة دون الاتفاق مع إدارة المنتدى بشكل مباشر
تم حصولك على إنذار ووقف شهر
م ع 4
للأسف عز العرب مضيع بروتون وستروين ، انا نفسى فى بيرسونا وهموت عليها بس اللى قافلنى منها التوكيل
عن تجربة تغيير فى التوكيل:
البوجيهات: (غيرتها فى صيانة 10 الالاف !!!
سعر الطقم (اربعة) 130 جنيه
مصنعية وضرايب: 90 جنيه
الاجمالي: 220 جنيه
تيل الفرامل (غيرته فى التوكيل في صيانة مفاجأة 16 الف كيلو!!!
سعر التيل: 450 جنيه
ضرايب: 50 جنيه
مصنعية: 150
الاجمالي 650 جنيه
انا معايا 301
واحنا بنعمل شكوى فى التوكيل عشان مانتحملش الكلام ده
http://www.nilemotors.net/Nile/414762-301.html
بس ده ما يمنعش ان العربية ممتازة وصفقة رابحة
الأسعار دي مش مظبوطه
انا كنت بالأمس في المصرية الأوروبيه لصيانة السيارات وهو مركز خدمه معتمد من عز العرب لسيارات ستروين ومقره بجوار الموقف الجديد في الإسكندريه
وإليكم اسعار صيانة الـ 20000 كيلو كالأتي:-
1- تغيير زيت موتور 10000 كم السعر 340 جنيه
2- مياه مساحات السعر 25 جنيه
3- فلتر زيت السعر 66 جنيه
4- فلتر تكييف السعر 136 جنيه
5- فلتر هواء السعر 68 جنيه
6- تيل فرامل أمامي السعر 700 جنيه !!!؟
7- مصنعيات 187 جنيه
كل ده بخلاف ضريبة المبيعات 10%
طبعا" الأسعار دي غير الأسعار إللي كانت معلنه في الدعاية بتاعة العربيه , والحجه دايما" سعر الدولار