ربنا يخليكم يا جماعه والله علي الردود والمساعده
ان شاء الله هقولكم اخر التطورات ادعولي بس ربنا يعديها علي خير
ولو حد يعرف يشرحلي سريعا كده موضوع ورق الموتور من اول ماخده من الراجل والمرور وكل ده معلش يا جماعه لازم
انا عندي كده كده فحص شهر 12 الجي
ربنا يخليكم يا جماعه والله علي الردود والمساعده
ان شاء الله هقولكم اخر التطورات ادعولي بس ربنا يعديها علي خير
ولو حد يعرف يشرحلي سريعا كده موضوع ورق الموتور من اول ماخده من الراجل والمرور وكل ده معلش يا جماعه لازم
انا عندي كده كده فحص شهر 12 الجي
خلى بالك الموتور الخلع لية ورق على فكرة و بيتباع عادى بس ورقة شكله مختلف عن ورق الموتور الاستيراد
بمعنى
لو انا عندى موتور و هبيعة بروح اجيب من المرور شهادة بيانات برقم الموتور فقط
و استحالة تلاقى موتور 1600 كامة واحد استيراد لان علشان تجيبة هيبقى يا من مصر او البرازيل ومفيش حد بيتورد من البرازيل نهائى
تسمحلى اشور عليك براى
حضرتك انزل الوكالة فى اكتر من واحد عندهم المواتير السودة دى بس طبعا خلع
اشترى منهم عامود الكرنك بلسبايك بتعتة فقط
سعرهم هايكون قليل جدااااااااااااااا
لانى مستشف من حضرتك انك مش عاوز تصرف كتير وكمان مش عاوز تدخل فى حوارات الموتور الاستيراد
وعلى فكرة لو عملت كدة انت هتاخد عربيتك فى نفس اليوم ومش محتاج تلين او اى حاجة
طبعا تقولي رأيك يا باشا شكرا علي زوقك والله
هي فكرتك كويسه جدا بس لو عارفين منين الترزيع عندي يعني الموتور بيرزع فوق وتحت وبيجيب زيت كده من ناحية الكارتيره تنشيع كده بسيط لكن مفيش عادم ابيض ولا حاجه
محدش رد عليا فموضوع ورق الموتور الاستيراد ايه الخطوات بالظبط من اول ماروح لبتاع الاستيراد عشان مش عاوز اروح وانا مش عارف ويضحك عليا
الورق بيبقى عباره عن الافراج الجمركي بتاع الماتور واللي انته جايب من عنده الماتور هو اللي بيبعت الورق ده للمرور اللي انته هترخص فيه
بس لو هتجيب ماتور اسأل وارد ايه
بلاش شغل اليونان عشان وحش جدا واحلى شغل بتاع اليابان
اليابان والسويد واستراليا احسن حاجه في الاستيراد
بس مشكله وارد اليابان ان الضفيره بتبقي يمين
وبتحتاج تعديل ..
اخى الكريم هناك فرق واضح جدااااااا بين صوت السبايك وبين صوت البنوز او جلب البيلات
اى ميكانيكى يقدر يفرق ببنهم ......حضرتك ممكن تفرق بنهم
لو ترزيع سبايك بيبان اوى فى اخر الغيار اكن الموتور راكب فية تيربو وخلى بالك فى اخر الغيار لما تشبعة اوى وكمان ممكن يكون مصاحب برعشة فى لمبة الزيت
اما صوت بنوز البيلات دة صوت لة رنة مستمرة حادة فى الصوت عن السبايك اكن معلقة بتخبط فى كباية فارغة
الصوتين موجودين والحمد لله :(
ممممممممم
ﻻ يبقى مش هاتنفع فكرة كرنك بالسبايك فعﻻ ﻻزم موتور غيرة
ازيكم يا شباب يارب تكونوا بخير جميعا
الحمد لله سقطت موتور ايكوتك 1600سي سي خلع من نص كان لسه جاي للراجل
انا عملتها فالزقازيق ناس منتهي الامانه والشغل عالي وشغالين فاوبل بس فالحمد لله كان اختيار كويس
الموتور طبعا فرق السما والارض من الموتور الأسود
انا محبتش اركب ال2000 خفت من الجري الزياده لان بجري بالعربيه ورجلي تقيله علي البنزين :)) مع ان بتاع الاستيراد قالي خد ال2000
التكلفه كانت حوالي 4500 بالمصنعيات بس عملنا الأتي
خد الموتور بتاعي بالفتيس بالضفيره وخدت منه الموتور وفتيسه وضفيرته وكبالن بتاعته وحتي التكييف كامل شلت الحوض من النص نقلته عندي
وكان عندي الشكمان كله زباله ومحطوط ليها شكمان بيجو من النص الورا كده غيرته خليته كله اصلي
الحمد لله العربيه بقت حاجه تانيه لو اعرف كنت وفرت بهدله ومصاريف عند الصناعييه من الأول ومكنتش حاولت اصلح الموتور القديم
المهم دلوقتي انا حاطط زيت موبيل كده اغسل بيه من 3 ايام كده مشيت عليه حوالي200 كم وعاوز اخد رأيكم احسن زيت احطه ايه بالظبط
وكمان عاوز اعرف طقم السرفيس للموتور يتعمل دلوقتي ولا ايه
زي سير الكاتينه والحاجات دي انا شايف الموتور ناعم جدا وادائه كويس اوي
مستني نصايحكم ويارب محدش يتحط فالظروف دي ابدآ