جيت افك الجنط اللى ورا وفكيت الاربع مسامير وفكيت الطبه الللى نص الجانط لاقيتو بردو مش عاوز يطلع متبرشم على الطمبوره
ايه الحل كده يا رجاله ولكم جزيل الشكر والتقدير
عرض للطباعة
جيت افك الجنط اللى ورا وفكيت الاربع مسامير وفكيت الطبه الللى نص الجانط لاقيتو بردو مش عاوز يطلع متبرشم على الطمبوره
ايه الحل كده يا رجاله ولكم جزيل الشكر والتقدير
اديله خبطتين كدا برجلك في حرفه هيفك علي طول
الف شكر
انا عملت زى م قولتلى بس زى متقول اكنو ملحوم فى الطمبوره
يعني هو لسه مفكش باردوا !!!
غريبة اوي موضوع يكون ملحوم دا هو ممكن يكون فيه صدأ ولا حاجة .. خالي بتاع كاوتش يفكوا ويعامل هو بس متقولوش حاجة خالص سيبه هو يتعامل
الحكايه بس ان الصره بتعمل صدا والجنط بيمسك فيها ف هيحتاج كام خبطه كده او ممكن تدخل ايدك من وراه من عند السره وبمفك عاده وتحاول تطلعه واما تخرج سواء عندك او عند بتاع الكاوتش ابقي صنفر الصره كويس عشان هيا السبب في اللي عنده ده
الف شكر يا رجاله
بس انا عاوز اوضحلكم انها نوبيرا 2006 كامله اوتو وبجنوط
بس انا لما فكيت الطبه البلاستيك اللى فى نص الجنط لاقيت صاجه مدوره وهى دى اكيد اللى ماسكه الجنط فى الطمبوره
وانا معرفتش افورها من مكانها
ف دى كده عاوزه عده معينه ولا ايه حوارها
والكلام ده فى الجنطين اللى ورا بس
حضرتك ممكن بشاكوش تقيل شوية وتخبط عليه من ناحية جوه لبره وتلف الفردة وخبطة كمان لعند ما يخرج
المهم مش هي دي المشكلة ..... المشكلة الكبيرة لو عملتها معاك الفردة وانت ماشي هتقعد جمبها مش قادر تعمل اي حاجة
بعد ما تفكها ان شاء الله هتاخدها لعند اي حد بتاع مخرطة وتقوله كل من الصرة بتاعتها 2ملم بس وهتبقى معاك عشرة على عشرة بعد كدا
انا كان عندي الحوار دا ف الاستبن وكنت بكره نفسي لما اركبه ولازم اروح لواحد معين هو اللي كان عارف يفكه ازاي لعند ما عملت حوار المخرطة وكله بقى تمام ان شاء الله
اها نسبت اقولك ان الصاجة دي بتاعت الطبموره وملهاش اي علاقة بالجنط خالص دي بتحمل الصاموله من التراب مش اكتر من كدا
ممكن نكون المسامير الى بتربط الجنط " المسامير الى راكبه فى السره " اتعوجت وقافشه على الجنط عشان كدا بيقفش
وحلها انك تغير السره
الصره اللى فى النص مالهاش علاقه بفك الجنط وبلاش تفكها
كل اللى مطلوب منك انك تفك الاربع صواميل وتخطبك برجلك على كرف الكاوتش هايفك
ولو ماعرفتش روح لاى بتاع كاوتش وهو هايفكه
الف الف شكر ليكم يا رجاله لحسن تعاونكم
هو ده منتدى نايل موتورز حبيب قلبى
ده انا من غيركم كنت حخرب الدنيا
انا عندي اقتراح بيع العربيه وهات واحده استيراد
والله المنتدي ده عسل .....
مافيناش من المراقب والنبي لحسن بيتلككلي
..
متشكر ليكم يا رجاله
لا انت كان اصدك العربية مش الطنبوره :_Alshmokh15[1]::_Alshmokh15[1]:
نفسك تسلك مره واحده بس مافيش جمله غير بأفشه :khd:
الحمد لله انت مشكلتك اتحلت انا ليه واحد صاحبى معاه اسبرانزا ام 11 كسر الجنط عشان يخلعه انت مشكلتك بسيطه الحمد لله
دكتور/solom
بيني وبينك اه ه ه ه ه بس لما لقيته زغرلي وقالي انت تقصد ايه ياباشا
ركبي سابت وقلت الله حي المراقب جاي ولميت نفسي بسرعه
مش باقولك الواحد عايش في رعب في منتدي مركز التدريب ده..
بس سيبك انت انا لاحظت انه انا وانت ولانوس2004 كمياتنا واحده (كمياتنا من الكمياء)
ماتيجو نعمل صهباجيا جروب (تيم فرفشه يعني) من الباطن وهو تلاته علي مراقب برضه
عزوه .. ها ها ها
ملحوظه: كامل احترامي للصديق samihanwar
باعتذر انه بكلم Dr.solom في بيتك ... موضوعك يعني
بس انت ماقلتش لينا عملت ايه في مشكله عربيتك علشان الواحد
يبقي جاهز لو حصل لينا اللي حصلك
مره تانيه كل تقدير واعزاز ليك
تحياتي ليك
..