تعديل: برجاء عدم ترك الاقتباس بدون تعليق, واذا كنت لا تملك تعليق فلا داعى للاقتباس.
Abdallah
عرض للطباعة
تعديل: برجاء عدم ترك الاقتباس بدون تعليق, واذا كنت لا تملك تعليق فلا داعى للاقتباس.
Abdallah
هوا حضرتك تقصد ايه بالظبط بالاداء الضعيف يعني مثلا لو انتا راكب يارس 1300 اوتوماتيك هتسحب معاك اضعف من البيكانتو مثلا ولا اضعف من الشاريد ولا اضعف من عربيات كتير قديمه لا طبعااقتباس:
لا أنصح على الإطلاق ب 1300cc أتوماتيك ... حتى لوكانت أمريكاني أو ألماني ... العربية فى الجو الحر بتاع بلدنا مع تشغيل التكييف هيبقى أداءها ضعيف جداً جداً ... لدرجة تنرفز ...
يا جماعه احنا مش في حلبه سباق يعني الواحد ممكن يستحمل عربيه سحبها ضعيف شويه لو اتقارنت ب العربيات ال1600 في مقابل ان هيا ياباني واوتوماتيك يعني راحه متناهيه في السواقه ولا الواحد يتعب نفسوا في الزحمه والنقل الكتير علشان لما يحب يشد يلاقي العربيه بتجري معاه
وبعدين يا جماعه ان راكب 1300 اوتوماتيك واعترف ان سحبها اضعف من ال1600 بس مش ممله يعني بردو لما بحب اشد واجري حتى مغ التكييف الغربيه ماشاء الله بتبقى معايا زي الفل
انا افضل الالنترا الجديدة، وفكر في اللانسر 1600
اقتباس:
المشاركة الأصلية كتبت بواسطة Hossam Mounir
السلام عليكم
الكلام دا مش مظبط نهائى على الياريس التكيف غى عز الحر عمرى ما بزود عن 3 و برجع إنزل بعد كده على 2 لإنى بيكون سقع قوى
الياريس التكييف بتعها مع الأتوماتيك قوى جدا و مبيأثرش مع السحب .
رأى الشخصى ياريـــس و دا عن تجربة للإتنين .
اقتباس:
هوا حضرتك تقصد ايه بالظبط بالاداء الضعيف يعني مثلا لو انتا راكب يارس 1300 اوتوماتيك هتسحب معاك اضعف من البيكانتو مثلا ولا اضعف من الشاريد ولا اضعف من عربيات كتير قديمه لا طبعا
يا أستاذ memoo_1st
أنا مهندس ميكانيكا ... وعارف كويس انا بتكلم عن أيه انا أعرف جيداً الفرق ... بين ال 1300 وال 1100 ... قصدي ببساطة أن أنصح السائل أن لو امكانياته يجيب عربية 1300cc مش عيب ولا حرام ... بس بلاش يجيبها أتوماتيك يجيبها مانيوال ... أما لو عايز أتوماتيك علشان يريح نفسة فى السواقة فيجيب 1600cc ... هو ده القصد ... علشان ال delay فى عملية السحب مع ال 1300cc والتكييف ... هيشعر بيه وتبقى العربية مخنوقة ....
يا استاذ أحمد ... الحقيقة مش عارف أيه اللي فى كلامي مش مظبط !!!اقتباس:
الكلام دا مش مظبط نهائى
أن لم اتكلم على عربية بعينها انا قلت ان العربية الأتوماتيك ال 1300cc عموماً ... أداءها ضعيف ... فى السحب خصوصاً ... مع الأجواء الحارة والتكييف ... ولم احاول حتى أستميله لأى عربية من اللي هو حاطيتهم ...
سؤال لسيادتك : ... انت واقف فى إشارة ... والأشارة فتحت ... وعربيتك أتوماتيك 1300cc ... ومشغل التكييف علشان الجو حر ... وابتديت تتحرك .... وجانبك عربية أخرى 1600cc وبردة أتوماتيك ... ومشغل التكييف .... تفتكر مين اللي هيعدى بسلاسة فى الطلوع ... ومين اللي هيتأخر .... عقبال ما العربية تجمع ....
طيب لو العربية دى 2000cc وبردة أتوماتيك ومشغل التكييف ... الطلوع هيبقى أفضل وأفضل ... ( اكيد ... هو ده اللي أنا أقصدة)
ممكن سيادتك تحتفظ بالرد ...
تحياتي للجميع ...
م / حسام منير
السلام عليكم
أستاذ حسام أنا كلامى واضح أنا بتكلم و بقول مش مظبوط على الياريس لإنها معايا و مش حاسس إنها مملة و تقيلة خالص و أدأها مش ضعيف نهائى و تقدر حضرتك تجرب السيارة لو عايز :D
لكن طبعا كلامك منطقى فى موضوع السىسى لكن مش معنى كدة أنها ضعيفة جدا و مللة .
أنا عن نفسى كان معايا لانسر 1300 مانيوال موديل 98 و كانت فعلا ضعيفة جدا فى السحب مع التكييف لكن فى الياريس مش حاسس بكدة خالص رغم إنها كمان أتوماتيك يعنى مش كل الـ1300 ضعيفة جدا و مملة فى سواقتها فى الجو الحر دا اللى كان قصدى أوضحه لحصرتك.
يا جماعه أنا عارف ان ال 1600 ممتازه ومتأكد ان 1300 ممتازه
لانى مبجريش ولا بشد بالعربيه بس مش هو ده قصدى
أنا محتاج أعرف ايه عيوب العربيتين (الياريس اوتوماتيك-الانترا مانيوال)
عشان هم دول الى عاجبينى
الياريس متفوقه فى انها اوتوماتيك وAirbag-ABS
الالنترا متفوقه فى انها 1600 وفل اوبشن وشكل تابلوه جامد لكن مفهاش ABS-Airbag
لو الالنترا المانيوال ينفع يركبلها تكييف تاتش وكمبيوتر رحلات عرفونى لان ده اللى ناقصها فعلا من جوه ( وجهة نظر )
لان كده الياريس هى الاقرب (رغم العدادات :( )
فياريت تقولولى رايكوا بعيد عن قوة الموتور والفتيس
وشكرا على الردود يا جماعه
لا طبعا ما تجيبش عربيه جديده و تركب لها كمبيوتر أو تكييف أو أى حاجة
انت أصلا مقتنع بالياريس بس متردد
هيا عربيه حلوه وانت مجربها
يبقى توكل على الله واستخير ربنا وهاتها
ربنا يوفقك
حد يقولى ايه هى الحاجات اللى استلمها مع الالنترا المانيوال
وايه هى الحاجات اللى اخد بالى منها وانا بستلم
عشان ابقى عارف
في عيب واحد هو المشكله في الألنترا الا وهو غبور
ومشاكل الياريس غير مشاكل الألنترا
انا رأيي ان لو مشكله الماتور يبقى خليك في الياريس أحسن هتعيش ومشهتخاف من حد ولا انها تعمل معاك حاه ومعمره عن الألنترا أكيد