الموضوع: بجد محتار اوى وعايز مساعده ضرورى

ومشاكل الياريس غير مشاكل الألنترا

أستاذ عبد الله أرجوا من سيادتك توضيح تلك المشاكل أكثر ... حتى تتم الأستفاده للجميع

أستاذ عبد الله أرجوا من سيادتك توضيح تلك المشاكل أكثر ... حتى تتم الأستفاده للجميع

المشاكل اللي انا بتكلم عليها يا استاذ معتز الا وهيا كفاءة قطع الغيار وعمرها الأفتراضي وادائها وهو ده اللي بيفرق قوي بين الياباني والكوري

وخلي بالك اني راكب نوبيرا وعندي وبحبها جدا ولكن لها عيوب ومنها ( الفرامل و الأسكتره بتاعت الدركسيون و العفشة ناشفه مش زي الياباني
و بلية الدينامو الفيبر اللي لا العربيه سخنت بسبب وصلتين فيبر اتكسروا وسربوا الميه بتاعت الرادياتير كلها مما ادى بالتالي الى فرت بلية الدينامو
وبالتالي تم تخريب سير الكاتينه وهكذا وده حصل فعلا معايا )

العيوب دي مش موجوده في الياباني يعني عيوب الياريس اللي بتتقال ايه الثبات والشكل والفيبر ولكن مع احترامي للكل مش بتعمل حركات زي الكوري
مش هتسرب ميه علشان وصلتين فيبر وانا بصراحه لم أعرف عربيه ياباني تعمل زي ما الكوري بيعمل مواقف بايخه علشان حاجات هايفه .............

العفشة واداءها الياريس تكسب ومعروف عفشة الهيونداي
والتقفيل وجودة الخامات بتاعت الياريس من الداخل تحفه والله بمعنى الكلمة
وعاوز اوضح شئ لأخوانا ان الياريس في الأصل عربيه هاتشباك ولكن احنا العرب اللي بنطلب العربيه السيدان وعلشان كده ممكن تلاقي حاجات كتير في العربيه
مش متوافقه ع بعضها يعني مثل الكنبه الخلفيه لها تحس انها قريبه جدا من سقف السياره ..... والجوائز اللي العربيه حاصله عليها حتى في الأمان كله بتاع الهاتشباك ........

أنا مثلا وانا بشتري سيارتي كان امامي الألنترا وفضلت أجيب السيريون عنها يعني الموضوع بيرجع لشخص المشتري
انا بصراحه أشتري الياريس ولا أشتري الألنترا لأني بحب الحاجه الجيده اللي متعملشي حركات نص كم وده انا بلاقيه في الياباني ............
وممكن واحد يشتري العربيه مش فارقه معاه تعمل او متعملشي ولكن يركب عربيه طول بعرض علشان منظرها حلو وشيك وكماليات سي دي ودي في دي وشاشات ومش عارف ايه وفي الاخر يروح كل شويه يصلحا في التوكيل ومعالا يجيب الــ 100 الف كيلو في العربيه يكون صرف تمنها من أول وجديد ده غير اهدار الوقت وحرقة الدم والذنوب اللي هيحصلها من شتيمة أصحاب التوكيل والشكل معاهم واحساس بأنك اضحك عليك وده كله ............ز وده انا شوفته في توكيل الدايوا لما الكنابير باظت طلعوا عين الواحد علشان يصلحوها وبرضه باظت تاني والرشاشات بايظة من أيام ما العربيه كانت لسه محصلتشي نص الضمان وانا بقولهم يا جماعه العربيه بتتأخر في الدوران ولا حياةا لمن تنادي .................... وطب وليه اعمل في نفسي كده وانا هتدفع فرق الفلوس في العربيات في الصيانة وقطع الغيار ما انا اجيبها كويسه من الاول واشتري دماغي .....

انا بصراحه لا أثق في منتجات غبور يعني من الاخر علشان الناس تفهم صح ومتعقدشي تقول الياباني ومش الياباني

الألنترا لو هيا جايه من كوريا هقولك اشتريها وتوكل ولكن غبور صناعته زفت وهيا ليست صناعه وده أصلا مثل صغير لصناعة بلدنا العزيزة