الموضوع: محتاج نصائحكم فى الفا 156

السلام عليكم يا رجالة الالفا

أنا اخوكم من قسم الكيا شوفت بالصدفة بعض من مواصفات الالفا 156 واصبحت مهتم بالعربية وبدأت اجيب معلومات عنها سواء من المواقع أو المنتديات او مجموعات ملاكها ... وحبيت اكمل معلوماتى بسؤال أهل نايل موتورز اللى ما بيبخلوش على حد بمعلومة .... فكنت محتاج نصائحكم من حيث مواصفات العربية ومميزاتها وعيوبها توفر قطع غيارها واسعارها لو قدامى عربية اكشف عليها عند مين واخد بالى من ايه وأنا ببص عليها

دلوقتى وأنا بشوف مواصفات ال 156 على الموقع ده : Alfa Romeo 156 1.6 T.Spark 16V, Manual, 1997, 120 Hp, 4 doors Technical Specifications, CO2

لقيت فيه ان ال EBD و ال Airbag نزلوا من اول 5/2009 هل معنى كده ان موديل 97 و 98 مفيهومش الانظمة دى ؟