سلام كبير لتجار سوق السيارات

**el diesel** · 11-05-2013 12:46 AM

تجار وسوق don’t mix

**monamize4** · 11-05-2013 12:51 AM

كتير من اللى ع النت بيبقوا اساسا تجار من اللى بنقابلهوم ف السوق
و كتير من اللى ع النت بيبقوا كدابين و اسعارهم خيالية
,
,
فعلا زى ما قال الاخ المحترم ان تجارة السيارات بقت مهنة من لا مهنة له

**rahmanboud** · 11-05-2013 09:09 AM

دول مش تجار دول شوية مرتزقه لا عندهم دين ولا أخلاق إذا كنت عايز تبيع عربيتك يخسف بيها الارض وبعد شويه يبيعها بنفس حالتها يقول فيها شعر - ربنا يهديهم وعلشان الواحد ميكونش ظالم صوابعك مش زى بعضها في منهم بس قليل جدا ناس تعرف ربنا وبتحب تاكل بالحلال وبيكون أمين فى البيع والشراء .

**amr011111** · 11-05-2013 09:22 AM

روحت مع اخى السوق
تلاقى التاجر لو معرفتوش من هيئته تعرفه من طريقه كلامه
موديل كا.... (من غير نطق الميم)
على كا.... ( من غير نطق الميم برضه )

**monamize4** · 11-05-2013 11:16 AM

المشاركة الأصلية كتبت بواسطة amr011111

روحت مع اخى السوق
تلاقى التاجر لو معرفتوش من هيئته تعرفه من طريقه كلامه
موديل كا.... (من غير نطق الميم)
على كا.... ( من غير نطق الميم برضه )

+111111
و تلاقيه بيقلك ( يا باشا دى شركة برة و جوة ),,( دى عجلة من الاخر)

**Walid_M** · 11-05-2013 02:37 PM

المشاركة الأصلية كتبت بواسطة mohammed dodda

شوية العواطلجية اللى مسميين نفسهم دلوقتى تجار المستعمل هم افراز طبيعى للبطالة وركود البلد يعنى مهنة من لامهنة له..كرهوا الناس فى بيع وشراء العربيات وطبعا الزيرو ياقلبى لاتحزن....عملوا للعربيات الزبالة قيمة وسعر باختراعات زى: رشة حزام- كاسيت وفرش الفابريكة ههههههه- الاستبن منزلش-...الخ....ربنا يخدهم ويريحنا منهم

+111

**abdulhafeez** · 12-05-2013 01:55 AM

بص لو عايز تعرف التاجر من غيره على مواقع النت وبالذات كونتاكت كارز
اعمل بحث عن الايميل او رقم التليفون في جوجل
لو طلع بيبيع عربيات تانية يبقى تاجر ..... لو مفيش غيرها يبقى غالبا مش تاجر ...

وبقول غالبا لان فيه تجار بيجيب لكل عربية رقم تليفون ويعملها ايميل خاص

بس زي مع الشباب قالوا بيبان من طريقة الكلام ... لو سالته على تفاصيل في العربية هتلاقيه مش عارف

زي مثلا الكاوتش جديد ولا لا ..... العربية ماشية قد ايه .... عملت صيانة وغيرت سير الكاتينة ولا لا
والاهم فيها توكيل ولا اللبيع من المالك مباشرة

**طارق _عبد السلام** · 12-05-2013 02:22 AM

فعلا كلام سليم جداتدخل السوق تكره تشترى عربيه من الاساس

وعلى فكره التجار بردوا بيشتروا من على النت

انا كنت ببيع عربيه على النت وكان شرطى انى ما ابيع لتاجر لانهم بيعملوا حوارات وحاجه تحرق الدم

وكنت اسئل الاول يقول لى انا مش تاجر لحد ما ييجى لى واول ما احس انه تاجر من كلامه كنت بقفل فى الكلام وقول له كلمه ونص أو مش ببيع

وبعدها كلمنى شاب من الشرقيه وسئلته نفس السؤال قال لى انه مش تاجر (السؤال علشان مايجيش يحرق فى دمى علشان يفطس العربيه)

وبعد ما جاء لى المحله بمجرد ماشاف العربيه قبل ما يفحصها قال نقرأ الفاتحه ووافق على السعر ونزل فقط الواجب هههههههه قالى اعتبر انك غديتنى عندك هتغدينى بكام قلت له شوف اغلى اكله تكفيك مش هتعمل 200 جنيه قال لى وانا موافق على تنزيل 200 جنيه وبعد ماباركت له قال لى على فكره انا تاجر عربيات هههههههه
يعنى وراك وراك واخد العربيه وبعد ماسافر ووصل الشرقيه اتصل بى علشان يقولى ربنا يباركلى فى الفلوس لان العربيه كانت فعلا ولا كلمه فابريكه بجد وكاوتش وبطاريه بالفواتير يعنى كانت لقطه للى هيشتريها
الخلاصه التجار وراك وراك

الموضوع: سلام كبير لتجار سوق السيارات

LinkBack

أدوات الموضوع

عرض

-

-

-

-

-

-

المواضيع المتشابهه

سلام كبير قوي لعبدة Joacky !!!!!

خــــــــــــلأاص زهقت وعايز اهاجر هلم هدومي سلام سلام :@

سوق السيارات المصري يشهد انخفاض كبير بالاسعار

ارتفاع كبير بمبيعات السيارات بألمانيا

الكلمات الدلالية لهذا الموضوع

المفضلات

المفضلات

ضوابط المشاركة