معلش نسيت احط اللينك بتاع الspec للبلازما للي حابب يقرأ اكتر
43-inch E490 Series 4 1024 x 768 Plasma TV | PS43E490B1 - Samsung UK - OVERVIEW
رقم العضوية : 119385
تاريخ التسجيل : 20Jan2012
المشاركات : 434
النوع : ذكر
الاقامة : 6 اكتوبر
السيارة: Renault Fluence 2012
السيارة[2]: Lancer 2006
دراجة بخارية: لا يوجد
الحالة :
من فترة وانا واقع في حيرة اجيب انهي تليفزيون زي اي مرة بتجيب فيها حاجه وتلاقي كذا إختيار .
بس المرة دي كانت اسهل شوية عشان الاختيارات مكنتش كتير .
انا كان عندي تليفزيون قديم باناسونيك كتر الف خيره عاش معانا كتير كان 23 بوصة تقريبا و CRT قديم بقي :)
ومن فترة بفكر اجيب تليفزيون جديد خصوصا إن هيبقي ليه كذا استخدام من توصيل اللاب بيه ومشاهدة افلام او توصيل يو اس بي او تلعب عليه او تعرض صور وحاجات تانية .
اللي قلل الاختيارات اني كنت حاطط ميزانية 4000 جندي و محدد لنفسي فوق ال 40 بوصة و نوع محترم مش الانواع الغريبة اللي تحت السلم بلوتو و جالاكسي ونوكيا وحاجات غريبة شوفتها .
طبعا كان الاولوية رقم 1 للشاشات ال LED عشان وهم بصراحة بس للأسف ملقتش متطلبي اللي هو فوق 40 كان دايما الاقي 40 مثلا او نوع غريب ف اللي هو كنت كل شوية استني وانزل كارفور وسبينس عشان بيعملو سيل حلو جدا .
المهم واحد زميلي قالي ماتبص للبلازما هتلاقي طلبك واحسن كمان و فعلا دورت علي النت واقرأ الاراء واشوف صور و فيديوهات و قلت ممكن الاقي طلبي فعلا وطبعا كان قدامي 3 مشاكل طلعت بيهم من البحث
اول حاجة العمر الافتراضي تاني حاجه انعكاس الضوء تالت حاجه كبر الحجم نسبيا
وقلت انزل اشوف بقي علي الطبيعة ودورت لحد ما لقيت انضف حاجتين سامسونج 43 بوصة و ال جي 42 بس كان فيه فرق سعر 200 جنية وطبعا الفرق الاهم موضوع ال 3d اللي مش موجود في ال جي .
وبالمناسبة سبينس كان فيه عرض علي سوني برافيا 40 بوصة led ب 4000 بس زي ما قلتلكو انا كنت عايز حاجه اكبر وكنت لقيت طلبي في سامسونج .
اتوكلت علي الله و اشتريت السامسونج من كمبيوتر شوب في مول العرب لأنه كان ارخص من كل الستورز كان هناك ب 4000 وفي كل الستورز 4100 وكان اخر قطعة عنده .
روحت بقي البيت وحطيت البلازما علي الترابيزة كان جاي معاه ستاند شيك جدا وفي المجمل المنظر بقي جميل وتحس ان التليفزيون اكبر مانت شايفه هناك عشان بيبقي في جمبة كتير ف مبتركزش :)
المهم حصل مشكلة مش لطيفة اول ما شغلته وهي اني لاقيت الريموت مش شغال يمين شمال مش راضي يشتغل والمشكلة كنت شاريه بليل قبل ما يقفلو بحاجه بسطية فقلت مش مشكلة استني واكلمهم انهاردة او حتي اروحلهم تاني مش بعيد يعني وفعلا حصل وروحت وحكيتله المشكلة و الراجل قعد يعمل اتصالات ووصلنا ان بكرة إن شاء الله هيتبعتلي الريموت لحد البيت قلتله تمام مفيش مشاكل بصراحة كنت رايح اتخانق وعامل حسابي اكلم حماية المستهلك وفيلم بقي لأني مش شاري تليفزيون من تحت السلم انا بس الاسلوب خلاني اتكسف اتخانق بصراحة :) .
نيجي بقي لتجربة التليفزيون في المجمل رائع بصراحة كفاية انك شاري 43 بوصة ب 4000 :) لأ و سامسونج و 3d ومعاه نضارتين وستاند جميل .
طبعا انا مجربتش كل حاجة لأن مفيش ريموت ف كنت مقضيها مانيوال وهو مفيش غير زرار واحد بس من تحت بيتحكم في كل حاجة فكرة عبقرية بصراحة مش تلاقي 6 او 7 زراير .
نيجي لل 3 مشاكل اللي حكيت عليها فوق اللي هي عمر افتراضي - انعكاس الضوء - الوزن .. موضوع العمر الافتراضي طلع مالوش لازمه التليفزيون بيقعد 100000 ساعة لو عملت متوسط 12 ساعة في اليوم هيقعد معاك بتاع 22 سنة ف ربنا يدينا طولت العمر :)
نيجي ل موضوع الانعكاس وده كان قالقني جدا بس الحمد لله محستش بيه خالص غير لما تبقي واقف في الستور وتلاقيهم مشغلين 100 الف لمبة وتبص تلاقيهم ظاهرين في الشاشة و تتضايق فانا عندي في الصالون اضاءة مش بطالة و كمان البلكونة في وش التليفزيون بس بعيد شوية وعادي جدا محستش بحاجة .. و موضوع الوزن طلعا بردو اي كلام قدرت اشيل الجهاز لوحدي واطلع بيه السلم عادي :)
نيجي بقي ل حاجة هتقابلها مع اي تليفزيون حجم كبير كده هتضايقك شوية لما تبقي موصل التليفزيون والرسيفر ب كابل av وهي البكسلة يعني تحس ان الصورة كان اخرها مثلا حجم 30 وانت عملت زووم ف تبكسل .. هي بكسلة خفيفة وعادي تعدي طبعا بس مكنتش متوقعها وطبعا حلها سهل اني اجيب رسيفر hd واوصلة ب كابل ال HDMI وشكرا كده بس قدام شوية بقي مش دلوقتي .
اشتريت بردو كابل hdmi تعبان ب 25 جنية قلت اجرب الاول وفعلا وصلت اللاب وكان جمييييييل جدا وطلعت في دماغي فكرة اني اجيب ماوس و كيبورد وايرلس واشتغل من علي التليفزيون لو هشوف فيلم او هلعب .وجربت حطيت فلاشة علي فيلم وتمام طبعا بتقبل الصيغ المشهورة AVI و ASF ومتقبلش MP4 و RMVB و الحاجات دي بس عادي ممكن تشغلهم من اللاب .
نيجي بقي ل موضوع ال 3d ده بقي بصراحة مش عارف اجربة ازاي !! النضارتين معايا بس مفيش حاجه اشوفها .
ف كنت عايز اسألكو هل هلاقي افلام 3d في مواقع التورنت ؟ و لما انزلها واعرضها من اللاب هتشتغل عادي علي طول ولا في حوارات بتتعمل الاول ؟ وهل الكابل اللي انا جايبة يشغل 3d ؟ عشان اتقالي جرب وشوف احتمال مينقلش 3d ولازم اجيب الانواع النضيفة auvio وخلافة . وعلي اليوتيوب جربت شوف فيديو واحد عاملة نظام الازرق و الاحمر ده ولبست النضارة وشغلتها بس عادي مكانش في حاجه غير لما كنت في الستور كان باين !!
معلش طولت عليكم اهو كان ملخص بسيط كده حبيت انقل التجرية ليكو واللي حابب يعرف اي حاجه انا تحت امركو
رقم العضوية : 119385
تاريخ التسجيل : 20Jan2012
المشاركات : 434
النوع : ذكر
الاقامة : 6 اكتوبر
السيارة: Renault Fluence 2012
السيارة[2]: Lancer 2006
دراجة بخارية: لا يوجد
الحالة :
معلش نسيت احط اللينك بتاع الspec للبلازما للي حابب يقرأ اكتر
43-inch E490 Series 4 1024 x 768 Plasma TV | PS43E490B1 - Samsung UK - OVERVIEW
رقم العضوية : 141962
تاريخ التسجيل : 28Apr2013
المشاركات : 256
النوع : ذكر
الاقامة : القاهرة
السيارة: سوزوكى
السيارة[2]: 131
دراجة بخارية: لا
الحالة :
الف الف مبروك
رقم العضوية : 26401
تاريخ التسجيل : 28Nov2008
المشاركات : 3,812
النوع : ذكر
الاقامة : Benha-Egypt
السيارة: NA
السيارة[2]: Chevy Lanos
دراجة بخارية: NA
الحالة :
رقم العضوية : 119385
تاريخ التسجيل : 20Jan2012
المشاركات : 434
النوع : ذكر
الاقامة : 6 اكتوبر
السيارة: Renault Fluence 2012
السيارة[2]: Lancer 2006
دراجة بخارية: لا يوجد
الحالة :
الله يبارك فيك
وللأٍف الفيديو ده اللي بتكلم عليه وتقريبا نظام تاني عشان كده مفيش تغيير !!
رقم العضوية : 28996
تاريخ التسجيل : 01Jan2009
المشاركات : 1,636
النوع : ذكر
الاقامة : مصر
السيارة: لانوس 1
السيارة[2]: 127 فيات
دراجة بخارية: suzuki
الحالة :
الف مبروك
كنت عاوز اعرف معلومة من حضرتك هو لو فية لوجو لقناة موش بيتحرك فدة ممكن يثبت على الشاشة و لا انا فهمت غلط
ولو ممكن تشرح على الموضوع دة
تحياتى
رقم العضوية : 130540
تاريخ التسجيل : 23Oct2012
المشاركات : 106
النوع : ذكر
الاقامة : ـــــــــ
السيارة: ــــــــــ
السيارة[2]: ـــــــــــــــــ
الحالة :
مبروك يا كبير
اختيار رائع
رقم العضوية : 119385
تاريخ التسجيل : 20Jan2012
المشاركات : 434
النوع : ذكر
الاقامة : 6 اكتوبر
السيارة: Renault Fluence 2012
السيارة[2]: Lancer 2006
دراجة بخارية: لا يوجد
الحالة :
الموضوع دده اسمه ال dead pixel وده زي ما بتقول كده بس يعني فترة طويلة جدا ب معني اصح مينفعش تسيبه شغال علي قناة واحدة صبح وليل بتاع 5 ايام وده مستحيل يحصل ب التالي متشغلش دماغك ده غير ان في اوبشن وانا بدور كان معمول للموضوع ده تقريبا بيعمل ريفرش للي معروض علي التليفزيون عشان كده يعني كده كده متقلقش :)
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
الف مبروك ..
رقم العضوية : 4695
تاريخ التسجيل : 21Jan2008
المشاركات : 2,021
النوع : ذكر
الاقامة : مصر
السيارة: None
السيارة[2]: None
دراجة بخارية: مفيش
الحالة :
الموضوع ملوش علاقة بالـ dead pixels. الموضوع له علاقة بحاجة اسمها Image Retention وده عيب من عيبوب الشاشات البلازما. لما جزء من الصورة بيبقى ثابت لمدة طويلة خيال الجزء الثابت بيتطبع مؤقتاً وبتحتاج تغيير الصورة لمدة ساعة مثلا عشان الخيال ده يروح.
والأسوء منه هو الـ burn-in وهو ان خيال الصورة يتطبع للأبد. بس دي مشكلة قديمة في الشاشات البلازما القديمة و الشاشات الجديدة مفهاش العيب ده.
مثال للـ burn-in لشاشة بلازما في مطار لأن عبارة on time بتفضل مكتوبة على الشاشة بالساعات المتواصلة.
المفضلات