تقرير شراء لانسر بومة 2013
السلام عليكم
الحمد لله يوم الاربعاء رحت استلمت لانسر سبورت من سمير ريان بعد عناء شهرين مش لاقي الفئة اللي انا عايزها خالص ولا اللون :10D5C8w1107: فجبت لون تاني وفئة مختلفة لاني كنت زهقت خالص ! :pffft:
حصل معايا موقف غريب في المعرض لما كنت عايز ادفع الفلوس قلت للمندوب اللي معايا اني عايز فاتورة بالمبلغ وغطاء للعربية وكان رافض تماما وانا كنت فعلا هوقف البيعة كلها لو مكنتش خدت الفاتورة لان ده حقي ومش معقول ادفع مبلغ زي ده بدون فاتورة وكان رافض تماما فعلا وساعتها قلت لاهلي خلاص احنا نروح نكلم سمير ريان نفسه :S_thum1[1]:
لاقيتهم بيقولولي يا عم تلاقيه دلوقتي قاعد في الفيلا بتاعته في مارينا ههههههههههه بس انا كنت قريت في المنتدى ان في عضو راح كلمه ورحت سألت عليه وقالولي الحاج سمير واقف هناك اهو :verygood:
انا طبعا متوقع اني اشوف شخص بقا بحجم سمير ريان ورجال الاعمال والجو ده :C_laugh[1]: لكن بصراحة لاقيت راجل قمة في التواضع والبساطة وقلتله انا عايز فاتورة وغطاء وقالي مفيش مشكلة خالص اديهم وقعد يقولي انت بقا اللي هتسوقها ولا مين ومتجريش والكلام ده ...واول لما خلص كلامه لاقيته قام واخدني وباس راسي !!! :shyy: ايه الراجل ده يا جماعة متواضع جدا والله !!
استلمت العربية وكانت عاملية 24 كيلو بالظبط وانطباعي بقا عنها حاسس انها واطية اوي يعني حاسس اني متفطس تحت كده في الكرسي ومش شايف من القزاز .. والسحب حاسس انه ضعيف واكتر حاجة مضايقاني ان الفرامل ضعيفة جدا .. مش عارف بقا هل ده هيتحل بعد صيانة الالف ولا ايه النظام !
انا اول مرة اجيب عربية زيرو وخبرتي ضعيفة شوية لكن انا سوقت النترا 2006 وكان عزمها وفراملها احسن من اللانسر بكتير