الموضوع: الضغط على الشركات الكبيرة لأصلاح سياراتها

السلام عليكم




كام واحد مننا شاف عربية نقل أو ملاكى تخص شركة أو مؤسسة كبيرة أو حتى الشرطة أو الجيش ماشية وعاملة زى عربية الرش ؟؟؟؟؟





بجد مش حرام يكون شركات ومؤسسات أرباحها بالملايين وربما المليارات عربياتها ماشية فى الشوارع تبث السموم بين الناس.......... هو أحنا ناقصين ؟؟ ما كفاية علينا الميكروباصات والناكسيات والعربيات الملاكى المتهالكة اللى فى الشوارع.





الأماكن دى ما ليها حقوق على الدولة عليها كمان واجبات تجاه الناس و أعنقد أبسط الواجبات دى أنهم ما يساعدوش على تلوث البيئة أكتر ما هية ملوثة أصلاً.


أنا مش بتكلم عن التجاوزات اللى بتحصل من السائقين التابعين للمؤسسات دى لأن ده أصلاُ عاوز تغيير ثقافة شعب بأكمله بس على الأقل الناس المسؤلة عن الشركات دى لازم يكون عندها من الوعى ما يكفى لتجنب هذه الظاهرة.


أنا قبل كده شفت عربيات تخص الشركات التالية وكانت ماشية تدخن


1-المقاولون العرب


2- الأهرام


3- الأخبار


ودول اللى أنا متأكد منهم دلوقتى ده غير الأماكن اللى مش فاكر أسمائها



يا ريت نحاول نوصل صوتنا للمسؤولين زى ما حصل قبل كده فى أحد الأقتراحات المرورية



أنا بقترح عليكم أن اللى يشوف عربية تخص مكان معروف و ماشية تدخن يحاول ياخد رقمها لو يعرف ونقوم بوضعها فى موضوع منفصل أملاً أن يصل صوتنا للمسؤولين فى يوم ما.





ما رأيكم أدام الله فضلكم ؟