الموضوع: علاج سقوط الشعر

المشاركة الأصلية كتبت بواسطة ahmed a.maksoud

استعنا على الشقي بالله

بص يا باشا.....دي خلاصة قراية في مواقع كتير أجنبية

السبب الرئيسي هو الهرمونات.......ده اصل المشكلة.....محتاج تعالجه الاول

فيه ناس بتستخدم دوا لعلاج البروستاتا اسمه بروبيشيا على ما اذكر.......بيظبط موضوع الهرمونات بس له تأثيرات تانية منها قلة الرغبة الجنسية

و فيه مادة فعالة موجودة في كذا مرهم اسمها azelaic acid تركيز ٢٠٪ و حسب ما قريت ملهاش اثار جانبية

لو استعملت حاجة منهم ده هيمنع تساقط الشعر.......و دي اول خطوة

تاني خطوة انك تستعمل حاجة تطلع شعر و دي فيه منها كتير زي هير باك و روهير الخ........و معاها تستخدم شامبو نيزورال بحد اقصى مرتين في الاسبوع علشان بيساعد على التخلص من القشرة و بينشط فروة الشعر شوية.

الكلام ده واحد مجربه برة على منتدى خاص بمشاكل الشعر و حاطط صور قبل و بعد.........اختلاف كبير....لو فتحت اللاب هجيبلك اللينك

و كل المنتديات اللي ليها علاقة بالموضوع و مش هدفها تسوق او تبيع منتجات معينة بتتكلم على نفس الحوار باختلاف المسميات بتاعة الأدوية المستخدمة

باشا اللعب فى الهرمونات لعلاج اى عرض مرضى غير مستحب على الاطلاق بسبب خطورة اللى ممكن يسببه ده. . . عموما الشعر الخفيف او الصلع و بالذات المبكر هو عرض جانبى لزيادة الهرمونات الذكرية يعنى مش حاجة وحشة على اطلاقها :-) و غالبا علاجات الصلع اللى هتلعب فى الهرمونات هتحاول تعمل تثبيط لتأثير الهرمونات الذكرية على الشعر لكن ده طبعا مش هيتم الا بالتأثير على جوانب اخرى و دى طبعا مشكلة اخطر لذلك غالبا العلاجات الموضعية فى الحالة دى هى الحل

المشاركة الأصلية كتبت بواسطة ahmed a.maksoud

يا باشا انا عارف.........انا بس قولتله على التفاصيل بالكامل بس انا نفسي بحاول أتأقلم و خلاص :-)

بالظبط الله ينور عليك. . . انت بتتأقلم و اللى حواليك هيتعودوا على الشكل الجديد وخلاص. . . ليا واحد صاحبى فى الشغل لما بنغلس على بعض و ببيبقى مفروس منى و مش عارف يرد عليا فى حاجة و يحب يغلس عليا يروح قايلى يا اقرع بغلاسة كده قال يعنى عايز يغيظنى. . . قمت فى مرة حرقتله دمه قصاد مجموعة كبيرة من الناس و شرحتله التفسير العلمى لموضوع الصلع ده و انه عرض جانبى لموضوع زيادة الهرمونات ده و معناه طبعا فى جوانب اخرى . . . و خلصت عليه خالص لما قلتله متشكر جدا على المجاملة دى وعقبالك لما تبقى اقرع زيي :-) و من ساعتها بطل يحاول يغلس عليا بالطريقة دى خالص :-)

المشاركة الأصلية كتبت بواسطة no comment

اللى راح راح خلاص ... جيبها زلبطة وعيش حياتك

ادعوك للانضمام معنا للحزب ده
http://www.nilemotors.net/nile/217267-a.html
ربنا يمسيك بالخير يا حج أحمد

انا شخصيا نفسى جدا جدا لأنى متخيل راحة الموضوع ده . . . بس المدام مش راضية خالص . . . و بما ان انا مش شايف نفسى معظم الوقت بس دى هتبقى مشكلتها هى و هى رافضة تتخيل حتى صورتى و انا ظلبطة :-) فشفقة بيها انا مأجلها . . . بس انا معتمد على ان عامل الوقت فى صالحى و هييجى الوقت اللى هى مش هتلاقى مفر غير انها توافق و ساعتها هيبقى عزاءها هى انها اهى برضه موضة :-)

المشاركة الأصلية كتبت بواسطة ahmed a.maksoud

الشكل الجديد ده يا باشا الناس أتعودت عليه من زمان............أن بس اللى لسه متعودش عليه :)


المنتدى التاني اللى فيه الولد اللى جرب الحل اللى أنا قولته فوق

my hair loss story and what you can do about yours (pics) - bodybuilding.com forums

ههههههههههههه مشكلتك عكسى انا تماما. . . انا بعتبر شكلى الجديد هيبقى مشكلة اللى شايفه و الناس هى اللى هيبقى مطلوب منها تتعود و مش هتبقى مشكلتى انا و بالتالى انا بالنسبة لى الدنيا بيس :-)