عرض للطباعة
معلش يا جماعة هتقل عليكوا , كنت عايز اشتري رينو ميجان 2 هتشباك موديا 2008 - 2009
عايز اعرف معلومات عنها من حيث اسعار قطع الغيار , التسارع , الثبات و الامان و هل في مشاكل في الفتيس و ادائه عامل ايه ؟ انا محتار بينها و بين جولف 5 و فوكاس هتشباك ...
يا ريت تساعدوني و تقولولي سعرها المناسب لو حالتها كويسة
شكرا مقدما
و النبي حد يرد عليا
مفيش حد في منتدي رينو هيعبرنييي !!!!!
عربية كويسة اشتريها وانت مطمن .... بس اكشف عليها عشان تقف على حالتها
بالنسبة للجولف ممكن تسأل فى قسم فولكس عنها
شكرا يا محمد علي اهتمامك .... يا ريت لو تقولي معلومات اكثر عنها من حيث اسعار قطع الغيار , التسارع , الثبات و الامان و هل في مشاكل في الفتيس و ادائه عامل ايه ؟
منتظر ردود باقي الاعضاء
بالنسبة للثبات هى ثابتة جدا حتى برغم أن بطاحة المساعد عندى بايظة ومع ذلك مش بتعوم ولا حاجة وثابتة لما بتكون عفشتها مضبوطة هتحس بثبات أعلى بالتأكيد أنا جربت لحد 160 وكانت ثابتة جدا طوالى و140 ملفات كانت ثابتة مجربتش أعلى من كدا صراحة
بالنسبة للأمان فراملها كويسة جدا وفيها abs طبعا وبيبان قوى فى أوقات المطر لما تبقى ماشى فى طين حسيت بفرق ال abs جامد جدا ( منظومة الفرامل صانعاها شركة بوش الألمانية ) ... ديسكات قدام 280 وورا 240
العربية فيها 6 إيرباج تجهيز اساسى فى كل الفئات دا بالنسبة لميجان 2
تسارع العربية معقول لكنه مش عالى لكن مرضى العربية نزل منها فتيس مانيوال 5 سرعات وفتيس اوتو 4 سرعات
أنا بتكلم عن التسارع بالنسبة للفتيس الأوتو ... لكن أكيد هى أحسن من عربيات تانية فى فئتها .... الفتيس كويس ومش هقول لك ملهوش مشاكل لكن مشاكله زى مشاكل اى فتيس اوتو فى أى عربية تانية ... الحاجات اللى أعضاء غيروها هنا هى سولنويد فالف وشنابر ديل فتيس وزيت
زيت الفتيس الاوتوماتيك بعمر الفتيس مبيتغيرش
أسعار بعض قطع الغيار برا التوكيل بعد الغلاء طبعا
فلتر زيت 25 ... فلتر بنزين أنجليزى 40 .... فلتر هواء تركى 45 (فوجى فلتر ) .... كويل فاليو فرنسى يتراوح من 175 ل 190 ... فيه ناس بتبيعه أكتر من كدا بس دا غش طبعا ... طقم بوجيهات بوش شمعة واحدة ب 50
سير كاتينة 90 جنيه تقريبا ... سير دينامو 70 جنيه ... بلية سير كاتينة 150 تقريبا
بطاحة مساعد 100 جنيه بدون بلى ... 200 بالبلى كانت قبل كدا ب 75 بدون بلى وب 159 بالبلى
مساعدين تركى أمامى 700 جنيه
شداد موتور 125
عامة قطع غيارها بتختلف من مكان للتانى فى السعر بس فى المجمل هى كويسة
اقتباس:
المشاركة الأصلية كتبت بواسطة mohammedaladel
بصراحه يامحمد معلومات فوق الممتاز هتخلينى اشتريها تانى مع انها معايا لسه ودايما اجاباتك على اسئله الأعضاء حاضره شكرا ليك
شوف خاصية البحث حتفيدك اوى فى كل الردود الى انت مستنيها
ومبدئيا توكل على الله العربيه ممتازه بس لازم تشترى كشف توكيل غير كده لالالالالالالالالالالا
شكرا يا جماعة لردودكم انا هتوكل علي الله و اشتريها علي اخر الاسبوع بعد الكشف طبعا
ادعولي بالتوفيق :)
ربنا يوفقك لما فيه الخير