المشاركة الأصلية كتبت بواسطة eng_gouda2000
إستفسار هام جدا
أولا يا جماعة أنا خبرتي محدودة جدا عن ميكانيا السيارات
بس أنا أعرف معلومة بتقول أن عشان يحصل حريق جيد فى الموتور لازم يكون فيه هواء ورزاز بنزين وشرارة
ويفضل يكون الهواء ساخن علشان يحصل حريق مثالي
دي المعلومة اللى عندي والله اعلم إذا كانت صحيحة ولو معلومة خاطئة ياريت منتظر التصحيح من زملائنا بالقسم
ثانيا علي قدر فهمي لهذا الموضوع أنك بتقفل الهواء الساخن عن الموتور لتحسين الاداء
ثالثاً ودة الاهم أنا عملت التجربة فكيت الخرطوم وبصيت على البوابة بس انا عندي الوصلة
الوصلة اللي بتدخل الهواء الساخن عندي مش جاية من ناحية الصاجة بتاعت فرن الشكمان دي لقيتها مابين غطاء تزويد الزيت والاسبراتير
المهم نفذت الخطوات وبالمصادفة جالي مشوار فجأة للشرقية ودي النتيجة
دورت العربية الصبح وسخنتها ومشيت دائري طريق بلبيس وكانت السرعة مابين 100 الى 130 كيلو فى اغلب الطريق
بالفعل حسيت ان العربية بقي أدائها أحسن المشكلة وأنا راجع اخر النهار
العربية بردو ماشية ماشاء الله تماما التمام بس بعد مدخلت القاهرة حسيت بصوت غريب فى الموتور
وقفت وفتحت الكبود كل مازود بنزين من بكرة الاكسلاتير احس ان فيه صوت عالي جاي من منطقة الكاربيراتير زي ميكون الشكمان مكسور او مركب شكمان ديفل
ولقيت الموتور بيعلي ويوطي لوحدة المهم فتحت مسمار الهواء شوية وكملت المشوار للبيت ومركونة من ساعتها
ياتري موضوع التعديل له علاقة بالموضوع
وهل المعلومة المطروحة فى بداية المشاركة صحيحة ام خاطئة
منتظر أراء الزملاء