الحمد الله تم شراء الجراند ماروتي امس

**mnhm2** · 11-05-2013 06:57 AM

بسم الله الرحمن الرحيم

الحمد الله تم شراء الجراند ماروتي امس

موديل 2009
عداد 27 الف كيلو
بها جميع الكمليات
فبريكا بره وجوه
وجايه بجنوط اسبور
والاستبن منزلش الارض
وفيها كاسيت
وانذار وتكييف بس في مشكله ولسه هعرف ايه مشكلته
بالظبط المهم اني العربيه دي خلصتها علي 27500
ومترشش فيها قلم بويه والعربيه ما شاء الله مفهاش خربوش
عايز اعرف بقا اهم شي اغير سير الكتينه امته
والراجل قالي بس الفرده اليمين عايزه ترصيص
و عايز اعرف السعر ده حلو وله ايه رائيكم
اخوكم محمد

**mohamed76** · 11-05-2013 09:04 AM

الف الف الف مبروك
يارب يعطيك خيرها ويكفيك شرها وتتهنى فيها يارب

ما شاء الله لا قوة إلا بالله

تغير السير المفروض على حسب جدول الصيانة بتاعتة العربية
وفى الغالب بيبقى على 60.000كلم ولو حد من الاعضاء معاه العربية يعرف يفيد حضرتك بشكل اكيد
بس انا راى فى حالة عربية حضرتك ده موديل 2009 لو ما تغيرهاش قبل كده يبقى الافضل تغيره عشان عمره الافتراضى

وبعد اذنك لو ايه هة الجراند ماروتى يعنى تختلف ايه عن الماروتى العادية؟

**mms_156** · 11-05-2013 09:10 AM

وبعد اذنك لو ايه هة الجراند ماروتى يعنى تختلف ايه عن الماروتى العادية؟[/QUOTE]
الفرق بي الاثنين انه دية 800 سى سى والعدية 800 سى سى
ا عتقد الختلاف ده مجرد تريقة على ماروتى كمبرسور class

**dr.hazem** · 11-05-2013 10:12 AM

المشاركة الأصلية كتبت بواسطة mnhm2

بسم الله الرحمن الرحيم

الحمد الله تم شراء الجراند ماروتي امس

موديل 2009
عداد 27 الف كيلو
بها جميع الكمليات
فبريكا بره وجوه
وجايه بجنوط اسبور
والاستبن منزلش الارض
وفيها كاسيت
وانذار وتكييف بس في مشكله ولسه هعرف ايه مشكلته
بالظبط المهم اني العربيه دي خلصتها علي 27500
ومترشش فيها قلم بويه والعربيه ما شاء الله مفهاش خربوش
عايز اعرف بقا اهم شي اغير سير الكتينه امته
والراجل قالي بس الفرده اليمين عايزه ترصيص
و عايز اعرف السعر ده حلو وله ايه رائيكم
اخوكم محمد

ألف مبروك العربية وربنا يديك خيرها ويكفيك شرها....
اول مره اسمع حاجة اسمها جراند ماروتي بس أعتقد ان انت اللي مسميها كده
هههههههه
سير الكاتينه يتغير كل 40 ألف كيلو او 5سنين ايهما اقرب...
ممكن بس يتبص عليه في صيانة ال30...

سعر العربية ممتاز ما شاء الله....
تحياتي

Sent from my LT18i using Forum Runner

**lidosasa** · 11-05-2013 04:12 PM

ألف مبروك وربنا يعطيك خيرها ويكفيك شرها
والعربية ما شاء الله سعرها مناسب جداً ولقطة لآن الزيرو حالياً ب 43 ألف جنيه من غير أى كماليات ولا كاسيت حتى .

**mnhm2** · 11-05-2013 11:49 PM

المشاركة الأصلية كتبت بواسطة lidosasa

ألف مبروك وربنا يعطيك خيرها ويكفيك شرها
والعربية ما شاء الله سعرها مناسب جداً ولقطة لآن الزيرو حالياً ب 43 ألف جنيه من غير أى كماليات ولا كاسيت حتى .

الله يبارك فيك يارب
وفعلاأ صاحب العربيه طلع راجل ذوق جدأأ
ومحافظ علي العربيه جدأأ
وبالنسبه للسعر بجد انا شايفه تحفه
لاني قبل اسبوع كنت هجيب وحده
2007 وعدادها عامل 49 الف
فبريكا بره وجوه الازاز الادماني مكسور
والخلفي كمان
والراجل ماسك علي 27 الف ووفقت وبعد كده قال لا
فا ربنا الحمد الله عوض عليه بدي
جايه بكل الكمليات بما فيهم التكييف
والمفاتيح الاصلي وكل شي
حتي الكوريك مش مستخدم
الحمد الله
اشكر حضرتك علي مشاركتك الجميله واتمني ان اكون
عضو من اعضاء سوزوكي

**Amr Axel** · 12-05-2013 03:07 AM

ما شاء الله و لا قوة الا بالله

الف مبروك يا باشا الجراند و اهلا بيك معانا لتكون احد نسور السوزوكي D:

العربية ما شاء الله لو ع الحالة اللي بتقولها فهو ممتاز و لقطة

بخصوص الصيانات سير الكاتينة اهم حاجةو الأفضل متمشيش بيه كتيير و تغير احتياطي و تخلي الميكانيكي يكشف ع بلية الكاتينة لو محتاجة تتغير و جيبه من مكان كويس و نوعية تكون نضيفة زي سوزوكي الاصلي او صن ياباني

اما باقي الصيانات راجع ع الفلاتر و السوائل لو متغيرتش غيرها و خاصة زيت الفرامل و مية الريداتير

و زيت الفتيس الله اعلم غيره بعد اول 15 الف و لا لأ فغيره احتياطي لزوجة 75w90 او 80w90 و عندك شل كويس
زيت الموتور ممكن تستخدم برده شل hx5 او اللي بيقال عليه شل الاصفر و هو لزوجة 15w50 و كويس مع الماروتي

بص ع تاريخ انتاج الكاوتش لو متغيرش يفضل تغييره لأنه غالبا هيكون انتاج 2008 و زي ما كلنا عارفين صلاحية الكاوتش بدون استخدام بتكون 5-6 سنين

و ممكن بالاضافة للصيانات الخفيفة ديه تنضف البوابة و الكربراتير

بخصوص قطع الغيار فيه ناس كويسة بنتعامل معاهم زي ليدرز في الدقي ش ايران أ \ محمد و سوزوكي سنتر في التوفيقية فوق اسماك ابو غالي أ \ هاني قولهم بس انك من طرفنا و هيظبطولك الدنيا ان شاء الله :)

أهم حاجة بقي بما انك بقيت من نسور السوزوكي تقارير عالطول بقي و يا سلام لو مصورة حتي لو غيرت دواسة :)

**mesaharaty** · 13-05-2013 03:03 PM

ألف مبروك على إختيارك للماروتى وهو إختيار موفق إن شاء الله .
لا أزيد على ما ذكره النسور من صيانات .
وربنا يكرمك ويفرحك بيها وتناولنا تقارير مفيدة (أكسيل بيحبها قوى خد بالك)