أيهما أفضل إلانترا مانيوال - ياريس أتوماتيك هاف أوبشن

**HiTcH** · 01-07-2007 11:15 PM

أنا نويت أشترى عربيه......وبعد تفكير عميق....وحسبه طويله مع النفس......وصلت لعربيتين ( أخيرا )....الإلنترا 2007 مانيوال أو الياريس 2007 اوتوماتيك هاف أوبشن
أولا: الالنترا مانيوال 1600 وإزاز كهربا ومرايات كهربا وتكييف باور وكاسيت ......إلخ

ثانيا:الياريس تكييف وباور وكاسيت وأوتوماتيك 1300

طبعا اكيد حاجات تانيه كتير انا معرفهاش أو مفهمش فيها

أنا محتاج حد يكون ركب العربيات دى أو يملكها ويا سلام لو كان ركب عربيات تانيه كتير

عايز حد يفهمنى كل واحده بتتميز عن التانيه بإيه وعيوبها إيه لأنى لازم اجيبها خلال الاسبوعين دول

انا دورت فى المنتدى كله وقريت كل حاجه بس ملقيتش مقارنه مباشره بينهم

ملحوظه مهمه:مش مهم عندى قوة الموتور والفتيس (مش هو ده اللى بدور عليه فى التقييم لإن سواقتى عجوزه شويه)

انا بحب الياريس عشان تويوتا ويابانى....وبكره فيها جدا عداداتها اللى فى النص دى (فى الصور بس لسه مركبتهاش )

بحب شكل الالنترا وخصوصا من جوه....وبكره تعليقات الناس انها كورى وغاليه (مش عارف ايه المشكله مع انه كله جديد )

ولإنى عمرى مشتريت قولت استشير

واتمنى انه يكون سؤال منطقى اصلا ومقارنه ممكنه

واسف على الاطاله

أخوكم

هشام

**TAG_Turbo0** · 01-07-2007 11:50 PM

تالت مره :roll: :lol: :shock:
متزعلش

**HiTcH** · 02-07-2007 12:05 AM

معلش بقى سامحنى بس انت عارف موضوع شراء اول عربيه جديده فى تاريخ الشباب بيبقى عامل فيهم ازاى عشان كده كاتب الموضوع فى اكتر من مكان

طيب الياريس اكيد ممتازه وكل حاجه والتكييف بتاعها اسمع انه ممتاز وسحبها كويس لكن موضوع الفيبر ده مقلقنى حبتين وموضوع العدادات ده(مهندس مين اللى يجرؤ يعمل كده) الحاجتين دول جابولى صداع

بالنسبه للالنترا كل حاجه فيها بالنسبالى تمام لكن زى مبسمع اهل الخبره هنا مش عاجبهم انها كورى وبالسعر ده ( وانا طبعا مش فاهم اى حاجه )

لكن فى الاول وفى الاخر لانى معنديش خبره مش عاوز اخد قرار بالالنترا غير لما الاقى سبب قوى يخلينى اطنش الياريس او اطنش الالنترا

وطبعا شكرا على الردود

**TAG_Turbo0** · 02-07-2007 12:11 AM

يا باشا انت تأمر
انا بهزر معاك
انت عايز عربية فى حدود كام؟

**HiTcH** · 02-07-2007 12:15 AM

فى حدود ال 90000 او 95000

وأنا مرتحتش غير لدول

وبصراحه الالنترا من جوه احلى من الياريس
وانت عارف ان العربيات فى الاول وفى الاخر ركوبه

بس برده مش عاوز اتسرع

ايه رايك

**محمدايهاب** · 02-07-2007 12:23 AM

يا HiTcH
انا مش هحكم مين أحسن بس عاوز أقولك أن تصميم التابلوه و وضع العدادات في الوسط هو من أهم العوامل ألي عجباني في العربية خاصة بعد التعود - العربية الأمان فيها عالي ة هي أخذت 4 نجوم في ncap و الهاتش باك منها 5 نجوم

**TAG_Turbo0** · 02-07-2007 12:33 AM

متشوف الواجا أو الجين تو
ولو عايز عربية واسعة شوف الصنى

**fahd_628** · 02-07-2007 04:24 AM

انت حتلاقينى بتكلم اكتر عن الياريس علشان انا ركبتها كتير

الألنترا فئة اكبر من الياريس

موتور الألنترا اكبر من الياريس و لكن موتور الياريس قوى برضة مع انة 1300 سى سى و هوة نفس موتور الكورولا

طبعا الياريس معمرة عن الألنترا

مشكلة الياريس هية الأكصدامات فايبر فا بتتكسر

الياريس واسعة جدا ما شاء الله و تقعد فيها مستريح حتى لو مرجع الكرسى

الياريس فيها 2 ايرباج و فرامل ABS و دة مش موجود فى الألنترا

الياريس بصراحة لما ركبتها مبشوفش الكبوت خالص خالص حتى لو لزقت راسك فى السقف مش حتشوف اى حتة من الكبوت

الياريس موتورها انعم من الألنترا

الياريس عفشتها انعم من الألنترا

الياريس مريحة جدا فى الركوب ما شاء الله

تكييف الياريس ما شاء الله كويس

بس برضة انت لازم تروح معرض و تركب الأتنين و الى تستريحلة اكتر توكل على الله علشان متندمش و تقول ياريت

حكاية العداد الى فى النص دة انا مش شايف انو مشكلة يعنى عادى مش فارقة و على فكرة متفتكرش انك مثلا حتضطر تلف وشك علشان تشوفة

و ربنا يوفقك فى الأختيار

بحب شكل الالنترا وخصوصا من جوه....وبكره تعليقات الناس انها كورى وغاليه (مش عارف ايه المشكله مع انه كله جديد )

على فكرة شكل التكييف بيختلف عن الى فى الصور حتلاقية مانيوال مش ديجيتال و فعلا تابلوة الألنترا شكلة حلو

و لو تقدر مثلا برضة تأجر حاجة يومين او تلاتة تجربهم يبقى احسن علشان تبقى مشترى عن تجربة و اقتناع

**HiTcH** · 02-07-2007 09:00 AM

بالنسبه لموضوع انى مبشوفش الكبوت فى الياريس...يعنى ايه ده ( حلو ولا وحش ).

واللى عنده ياريس يقولى بصراحه عامل ايه مع العدادات....يعنى حاسس انه كويس كده ولا بيقول جواه ياريتها كانت فى مكانها العادى كانت هتبقى أجمد؟؟؟

**fahd_628** · 02-07-2007 01:23 PM

بالنسبه لموضوع انى مبشوفش الكبوت فى الياريس...يعنى ايه ده ( حلو ولا وحش ).

لا يا باشا مش حلو فى الركن و كدة مش حتعرف تشوف اخر العربية فين !

واللى عنده ياريس يقولى بصراحه عامل ايه مع العدادات....يعنى حاسس انه كويس كده ولا بيقول جواه ياريتها كانت فى مكانها العادى كانت هتبقى أجمد؟؟؟

لأ هوا مش وحش يعنى عادى و فية برضة عربيات كتيير عدادها فى النص زى الماتريكس و الماتيريا و حاجات تانية

بس يعنى مش مقرف

عادى !

و برضة لازم تجربها علشان تبقى مستريح

و ربنا يوفقك

الموضوع: أيهما أفضل إلانترا مانيوال - ياريس أتوماتيك هاف أوبشن

LinkBack

أدوات الموضوع

عرض

-

-

-

-

-

-

-

المواضيع المتشابهه

أيهما أفضل إلانترا 2005 والا سيراتو 2005

أشتري فيرنا أتوماتيك فول أوبشن واللا أفيو أتوماتيك فول أوبشن

أشتري فيرنا أتوماتيك فول أوبشن واللا أفيو أتوماتيك فول أوبشن ؟

أيهما أفضل سيتى - ياريس - لانسر - سريون

أيهما أفضل كرولا - ياريس فول أوبشن

الكلمات الدلالية لهذا الموضوع

المفضلات

المفضلات

ضوابط المشاركة