عايز اشيل العلايات من السوست لان العربية عالية ؟؟

**joseph661** · 11-05-2013 10:50 AM

دلوقتى انا عايز اشيل العلايات من السوست بس دلوقتى

1- هل ينفع اشيل العلايات واركب السوست منغير علايات على طوول ؟؟
2- تكلفة بتاع العفشة هتبقى كام تقريباً ؟؟

لان شكل العربية عندى مقارنة بباقى العربيات اللى زيها عالية اوى لدرجة ان وهى وقفا بشوف السوست بتاعت العربية اللى ورا وقدام

**abokoko** · 11-05-2013 04:06 PM

مفيش مشكلة انك تشوف السوست
ومفيش مشكلة انها اعلى من باقى العربيات - ممكن تكون المشكله عنهدم ههم -

المشكلة فى الثبات الناتج عن ارتفاع العربيه نتيجة العلايات
لو بتلاحظها وموجوده
فيبقي تشيل العلايات وتركب الجلده الاصليه بتاعتها - ارتفاعها اقل -
وطبعا مش ممكن تركب السوسته من غير الجلده اللى هى بتكون فاصل بين الحديد و الحديد
التكلفة حسب الميكانيكى فى حدود ال30

**hassanin_lada** · 11-05-2013 04:06 PM

ده اصلا افضل للعبشه عشان ماترزعش

الموضوع مش هيكمل ربع ساعه

التكلفه مش هتزيد عن 20 او 25 جنيه

**joseph661** · 11-05-2013 04:26 PM

يا جدعان والله انا مش عارف اشكركم ازاى ولا اقولكم اية

بس فيه واحد صاحبى بيقولى انه هيفك العفشة كلها وحاجات غريبة كدة فا اعتقد الفلوس هتزيد ولا اية رايكم ؟؟

**hassanin_lada** · 11-05-2013 04:55 PM

بص انا قبل كده كان عندي ناحيه عاليه وناحيه واطيه من ورا بتاع العبشه قالي هتقص ولا نحط عالايا

قولتله نحط عالايا

رفع العربيه من ورا ومكملش 5 دقايق ولقيته بينزلها وبيقول شوف الارتفاع كده مظبوط ؟؟

فاعتقد انه مش هتكمل

الكلام ده لو عبشه قدام فعلا هينزل العبشه كلها

وعلي فكره العاليات مش هي اللي معليه العربيه للدرجه دي

دي اكيد السست اطول من بتاعتها او مشدوده

**ahmed_gamal777** · 11-05-2013 09:00 PM

المشاركة الأصلية كتبت بواسطة joseph661

دلوقتى انا عايز اشيل العلايات من السوست بس دلوقتى

1- هل ينفع اشيل العلايات واركب السوست منغير علايات على طوول ؟؟
2- تكلفة بتاع العفشة هتبقى كام تقريباً ؟؟

لان شكل العربية عندى مقارنة بباقى العربيات اللى زيها عالية اوى لدرجة ان وهى وقفا بشوف السوست بتاعت العربية اللى ورا وقدام

بالنسبة لعلايات تفضل الاخوة الافاضل وشرحوا ليك اهميتها اية وخاصة استقبال الصدمات فى الحركة من السوستة الى ركبة العربية
التلكلفة حسب الميكانيكى والمنطقة من 20ج الى 50 ج
وحسب قدام سعر و ورا سعر ارخص من قدام
لو انت عايز تلغى موضوع الشكل دا ممكن عن طريق سوستة الغاز وتقصيرها حاجة بسيطة بكرر تقصيرها حاجة بسيط - وخاصة سوستة ال 132 غاز كنت مركبهما عندى وكانوا مريحنى جدا وذللك بعد قص عدد 2 عقلة منها

انت ممكن تعمل حاجة احلى تشترى عليات اقل بتوع ال 131 او الشاهين رفيعين وحلوين ولكن ممكن العربية تدضيقك شوية لو معاك حد خاصة فى المطبات

**MEKAWY2000** · 11-05-2013 09:17 PM

الله ينور يا استاذ احمد

**ayman asd** · 12-05-2013 04:01 AM

تكلفة التركيب السوست الأمامية لن تقل عن 80 جنيه اما الخلفية ممكن 20 جنيه وممكن تعملها بنفسك انا عملت السوست الخلفية بنفسى سوست 132 وقصيت حلقه ونصف هيه عاليه شوى صغيره بس جميله مابتحكش ابدا