تعمل ايه لو لاقيت حد قافل عليك وانت راكن؟

**ArafatEHegazy** · 19-08-2008 12:54 AM

السلام عليكم
أمبارح كنت راكن عمودي علي الرصيف ولاقيت واحد ربنا يكرمه قافل عليا وشادد فارمل اليد. وطبعا حاولت أعرف هو فين ولا أي حد يعرفه فشلت ..... ربنا أكرمني وحاولت ازحزح العربيه قدام وورا رايح جاي رايج جاي لغايه ما عرفت أخرج من جنبه ...طبعا لأن العربيين اللي جنبي ما كانوش موجودين فكان في مساحه أقدر اتحرك فيها .... ولو كانوا موجودين كنت غنيت ظلموه جنب العربيه عقبال ما البيه يشرف ....
بعد ما مشيت فكرت هو ايه أحسن تصرف في الحالة دي مع البيه اللي راكن ....
طبعا في افكار انقامية كتيرة زي أقفل عليه واشد فرامل اليد أنا كمان واسيب العربيه ...وبلاها مشاوير ...
أو ممكن أقول ربنا يسامحه ...واروح في حالي .....

أنا قولت آخد رأيكم في التصرف اللي ممكن كل واحد يتصرف فينا في الموقف دا اللي اكيد كلنا تعرضنا ليه ...

**Shocky** · 19-08-2008 12:57 AM

اللى حضرتك عملتة صح , ودة التصرف السلمى الوحيد المتاح
هو غلطان انة مش مسابش الهاند مرفوعة طبعاً

**ayman_elkholy** · 19-08-2008 01:01 AM

موضوع جميل نشكرك علية يا اخى لكنة مكرر
نفس الموضوع كان مفتوح من فترة وجيزة جدا هنا فى المنتدى

**sokasoon** · 19-08-2008 02:11 AM

الحقيقة انا حصل معايا موقف مشابه بس العربية كانت قافلة عليا ومش سايبة منفس افلفص منه

وفضلت 3 ساعات واقف فى الشارع وخرجت العربية بالعافية

**dr_3eshoo** · 19-08-2008 03:15 AM

انا مره نفس الموقف و زقيت العربيه بعربيتي لحد ما خرجت كنت مخلص الدرس و عاوز اروح اكتوبر و مش طالبه تاخير بس كان قافل من نحيه الشنه و عند شنطته

**Powert** · 19-08-2008 09:53 AM

انا مرة كنت راكن فوق الرصيف اللي قدام كووك دوور اللي في روكسي جت واحدة وقفلت عليا

مش عارف ليه مش قادرة هي كمان تطلع فوق الرصيف قاعدت نص ساعة ازمر واغنى وادور عليها

وفي الاخر الاقيها قاعدة في مطعم جوة وعمالة تتفرج عليا رحت راكب عربيتي وضااااااااخ خبط عربيتها

لاقتها نزلت جري وتقولي مش تحاسب قولتها انتي الغطلانة وما تكلميش وخدي عربيتك واخلعي

وهي بكل سفالة قالتلي مش لاما اخلص اكل ابقى انزل ( المشكلة انها ست كبيرة فوق ال 50 )

لولا الناس كان زماني دايس عليها بالعربية

**أبو_حمزة** · 19-08-2008 11:47 AM

انتظر 15 و عمل اللى تقدر عليه (كلاكس و سؤال البوابين و خلافه)
اكسر الزجاج
نزل الهاند بريك
حرك العربية
اتكل على الله
اللى يسيب عربيتة صف تانى و قافل على الناس يستاهل كده
دى الطريقة اللى قررت اتبعها بعد اللى شوفته

**دموع الثلج** · 19-08-2008 01:10 PM

حصلت معايا مره وكنت متاخره وعاوزه اروح بسرعه
انا قعدت احاول واعافر بمساعده ولاد الحلال اللى فى الشارع طبعا وكنت متنرفزه جدا

معايا فى العربيه ورق اللى ذى الاستيكرات ده كتبت له على ورقه حرام عليك اتقى الله وانت بتركن كنت ممكن اخبطلك عربيتك ولزقتها على الزجاج الامامى ومشيت

والحل اللى محتمل لو حصل معايا موقف بغباوه هسيب العربيه واروح البيت بتاكسى

**hotboja** · 19-08-2008 01:14 PM

ايوة مرة حاصل معاية بس عربية كنت متسوبيشى اتوماتك وركنة على البارك

روحت اسئل وادور كل بوابين العماير لحد لم الحمد الله وحد قالى ايوة دى بتاعة وحد هنا فى شركة السياحة

قولتو طاب جيب المفتاح وطلعت وكنت فرحان بعد الحابسة الللى كنت فية

هههههههههه

-

الموضوع: تعمل ايه لو لاقيت حد قافل عليك وانت راكن؟

LinkBack

أدوات الموضوع

عرض

-

-

-

-

المواضيع المتشابهه

ايه اكتر شىء يعكنن عليك وانت سايق!!

الصني الجديدة - رحلة على 180 ك/ساعة , وتكتة الموتور وانت راكن

علشان متتخبطش وانت راكن

تعمل إيه لو رجعت لاقيت حد راكن جنبك على الشمال ومانعك من الدخول لعربيتك؟؟؟؟

حد نفسن عليك من ال Hr وانت رايح مقابلة عمل ؟

الكلمات الدلالية لهذا الموضوع

المفضلات

المفضلات

ضوابط المشاركة