حسبى الله ونعم الوكيل فى مطبات الزراعى ..حادث سيراتو هاى لاين مع مرسيدس 200

**m_elkhishin** · 11-05-2013 05:56 PM

المشاركة الأصلية كتبت بواسطة syd

مع احترامي للردود
دة لا خطأ في الطريق ولا خطأ بتاع المرسيدس (هو مشارك في الخطأ بس مش كل الخطأ عليه)
دي عيب قلة خبرة من السيراتو

أولاً انا ببص في مرايتي قبل ما افرمل
لقيت المرسيدس قريب اوي من عربيتي
حاجة من اتنين - يا اما اغير حارتي وافرمل
يا أما اكل المطب وفي داهية الجنوط والمساعدين والعفشة كلها

لكن افرمل واخسر عربيتي ؟؟؟؟؟؟؟؟؟؟؟؟؟؟؟
افرض انها مش مرسيدس - 128 يا سيدي وصاحبها مات فيها بسبب انه اتلزق في الدريكسيون ولا الزجاج الأمامي
افرض كان معاه زوجته وشايلة طفل علي ايديها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟

ياريت كل الجديد في السواقة او القديم بس حمل المرسيدس الخطأ - يقرأ الموضوع دة - ويمكن يغير رأيه

http://www.nilemotors.net/nile/35316...post3874959491

تحياتي للجميع

كلام حضرتك جميل جدا

ولكن في فرق بين ازاي تتفادى الحادث. وبين تحديد مين الغلطان بعد نفاذ قدر الله وحدوث الحادث.

السيراتو كان حيكون تصرفه افضل كتير اذا بص في المراية وحاول تفادي المرسيدس.

انما مقدرش يعمل كدة سواء لنقص الخبرة او سوء التصرف. ولكن هو مش غلطان.

لو قائد المرسيدس التزم بقانون السير على الطرق السريعة سواء في ترك المسافة القانونية او السرعة القصوى مستحيل كان خبط بالشكل ده. خصوصا وهو عنده المميزات التالية اكتر من السيراتو:
1- فرامل آقوى واكفا
2- اضاءة اقوى واشد
3- وسائل ثبات واتزان اكثر تقدما.

قائد المرسيدس لو سايب 3 متر بينه وبين السيراتو كان وقف قبل السيراتو. لذلك واضح جدا ان كان في فرق سرعة كبير قوي بينهم.

**eleanor** · 11-05-2013 06:04 PM

الخطاء اولا من الدوله وثانيا من السيراتو وثالثا من المرسيدس

**kokowasfy** · 11-05-2013 09:57 PM

(القانون بتاعك بقولك لو حد خبط فيك من ورا هو الغلطان اين كان السبب )
قانون فاشل فى ناس بهايم بيمشوا لزقين فى الى وراهم ميسبوش سنتى واحد للظروف او للمفاجئات فا لو حصل اى موقف هب يقوم لابس فيك لكن فى الحالة الى انت بتقول علية 100% المرسيدس غلطان عشان دا مطب من الطبيعى ان السيراتو يهدى او حتى يفرمل لتفادى المطب وشكرا و اسف على الاطالة

**mo7a_mo7a** · 11-05-2013 10:20 PM

في اوروبا والدول المتقدمة

لما بتحصل حادثة بيسألوا سؤالين فقط.

لماذا وقعت الحادثة؟
كيف نتجنب ان تحدث مجدداً؟

وعلشان كده تقدموا

انما في مصر بنسال سؤالين:

1- مين اللي غلطان؟
2- مين اللي حيصلح عربية مين وفين؟

وعلشان كده تخلفنا

لك الله يا مصر

**mo7a_mo7a** · 11-05-2013 10:24 PM

ملحوظة علي الماشي

اصلا مفيش حاجة اسمها "مطب" علي طريق سريع
دا اذا اعتبرنا خطوط برليف اللي بتتبني عندنا في مصر دي "مطبات"

تحياتي

**SYD** · 11-05-2013 11:17 PM

المشاركة الأصلية كتبت بواسطة m_elkhishin

كلام حضرتك جميل جدا

شكرا علي ذوقك

ولكن في فرق بين ازاي تتفادى الحادث. وبين تحديد مين الغلطان بعد نفاذ قدر الله وحدوث الحادث.

ونعم بالله
بس انا كلامي عن اسلوب قيادة
محدش بيبقي عارف انه هيعمل حادثة قبل ما يعمل الحادثة
وبالتالي مش هنقول انه غلطان لأنه ماعملش حسابه وتفادي الحادث
هو كل ماهونالك - اسلوب قيادته غير احترازي ولا يعبء بالنظر في المرآة قبل استخدام الفرامل ودة طبيعي مع حد جديد في السواقة
وربنا معاه ويعينه

السيراتو كان حيكون تصرفه افضل كتير اذا بص في المراية وحاول تفادي المرسيدس.

بكل تأكيد

انما مقدرش يعمل كدة سواء لنقص الخبرة او سوء التصرف. ولكن هو مش غلطان.

لاء - عليه جزء من الخطأ - صحيح أقل من المرسيدس لكن هو بردو أشترك معاه في الخطأ
عارف لو كان عيل صغير اعوذ بالله اللي كان بدل المطب
كان تقيمي هيختلف 100% 180 درجة - وكنت قولت عليه انسان عنده قلب وسواق نمرة 1
وانسان قبل سواق - خد بالك - لأنه ضحي بعربيته مقابل روح بني أدم
ووالله لو قطة - كنت قلت عليه بردو أنسان

لو قائد المرسيدس التزم بقانون السير على الطرق السريعة سواء في ترك المسافة القانونية او السرعة القصوى مستحيل كان خبط بالشكل ده. خصوصا وهو عنده المميزات التالية اكتر من السيراتو:
1- فرامل آقوى واكفا
2- اضاءة اقوى واشد
3- وسائل ثبات واتزان اكثر تقدما.

مين قال انها كومبيرسور ؟؟؟؟
ماهي لو كانت بكل الصفات اللي حضرتك ذكرتها - ماكنش هيبقي في موضوع علي صفحات المنتدي
انا اعتقد ان صاحب الموضوع يقصد مرسيدس 200 موديلات 76-81 اللي بيسموها تمساحة

قائد المرسيدس لو سايب 3 متر بينه وبين السيراتو كان وقف قبل السيراتو. لذلك واضح جدا ان كان في فرق سرعة كبير قوي بينهم.

انا مقتنع معاك 100% ان سائق المرسيدس عليه نسبة غلط
وهي انه غير ملتزم بالسرعة - دي نمرة 1
غير ملتزم بمسافات الأمان - نمرة 2

http://www.nilemotors.net/Nile/26349...post3874012575
http://www.nilemotors.net/Nile/23553...post3873686912

أقولك خد لينك السلسلة كلها
http://www.nilemotors.net/Nile/24268...post3873767656

تحياتي