الموضوع: حسبى الله ونعم الوكيل فى مطبات الزراعى ..حادث سيراتو هاى لاين مع مرسيدس 200

فيه مرايه فى النص والى بيقف فجاءة يستحمل الى بيجراله
انا من الناس الى بتفرمل على مرتين وممكن تلاته علشان ادى فرصه للى ورايا يقف

لما اكون ماشى على طريق زراعى ومطب كل 3 كيلو امشى بسرعه معقوله 60 الى 70 بالكتير جدا
والسرعه دى تمكن اى عربيه تقف بسهوله والى قبله ينتبه بدون حتى تشغيل انتظار
انما اجرى وادوس فرامل قويه على مطب طب ما اكيد الى ورايا ماشى على سرعتى لانى حاجب عنه رؤيه المطب
ولو انا فراملى ممتازة وهوة فرامله قديمه وضعيفه
مش هيقف الا فى نص عربيتى على الاقل
الواحد زى ما بيسوق للامام لازم يسوق لورا ايضا
بسبب الزحام وعدم القدرة على ترك مسافه كافيه بين السيارات
دة الواحد لو ساب حته فاضيه تلاقى واحد نطلك فيها
عن نفسى بسيب اتنين سم بينى وبين العربيه الى قدامى علشان محدش ينط قدام عربيتى

بصراحة مناقشة رائعة يا جماعة

لكن في غلط كبير على قائد المرسيدس لانه فعلاً مكنش فيه مسافة بينه وبين السيراتو

اعمل حسابك دايماً ان اللي قدامك ممكن في اي وقت يقف بغض النظر عن انت عربيتك ايه وممكن تقف في قد ايه وكل الكلام ده

ثم ان اولاً واخيراً الامر والقضاء بيد الله

المشاركة الأصلية كتبت بواسطة m.ayman

يا جماعه هو ازاي حالنا اتشقلب كده و بقينا نشوف كل حاجه بالعكس و معلش من حقه من الاصل انه لو لقي اي ظرف يستعدي الوقوف مره واحده يقف و مش مشكلته انه يلاقي واحد لازق وراه و لكن طبعا كلنا بنخاف علي عربياتنا و بنخاف برضه علي ارواح الناس التانيه فبنتفادي وقوع الحوادث باننا بنخلي بالنا من اخطائنا و اخطاء الغير بس لو لاقدر الله قدرتي الذهنيه و تركيزي و رد فعلي مأسعفنيش الغلط مش غلطي من الاصل احنا كنا بنحاول نتفادي مش اكتر ، البلد كلها بقت ماشيه غلط في غلط والله و مطبات الطريق الزفت الزراعي دي تقريبا عربيتي بتحك فيهم كلهم و انا معديهم براحه و معظمهم من غير اشارات و تنبيهات لو لاقدر الله لبست واحد علي سرعه هيجيب العربيه الارض يبقي كمان ابوظ عربيتي و اطلع غلطان :s_thum1[1]: ربنا يكفينا شر المواقف الزفت دي

كلامك سليم جداً صدقني العربية بتحك في كل مطب عندي برضه الا لو اخدتها متالته واحيانا كما هتحك حتى لو متالته حرام والله

المشاركة الأصلية كتبت بواسطة 2code

بصراحة مناقشة رائعة يا جماعة

لكن في غلط كبير على قائد المرسيدس لانه فعلاً مكنش فيه مسافة بينه وبين السيراتو

اعمل حسابك دايماً ان اللي قدامك ممكن في اي وقت يقف بغض النظر عن انت عربيتك ايه وممكن تقف في قد ايه وكل الكلام ده

ثم ان اولاً واخيراً الامر والقضاء بيد الله

اعتقد الخطا على شركه كيا لانها عملت فرامل اقوى من الازم

اساسا الغلطة غلطة المرسيدس انا لازم برده اسيب مسافة مابيني ومابين اللي قدامي لان هوممكن يقف بسرعة ايا كان السبب او انا اسرح مثلا فيبقي في مسافة الحق الم نفسي بدل مااعجن اللي قدامي بس صراحة المرسيدس يرفع لها القبعة انها جامدة كده وفعلا كان عندي حق لما ابن خالي جه يشتري جديد وانا قولتله ابعد عن السيراتو وقد كان انه اشتري النترا هاي لاين الشكل الجديد مع احترامي لملاك السيراتو بموديلاتها الا انها بيزيد سعرها وبتقل متانتها معرفش كل ده جشع يعني؟