حسبى الله ونعم الوكيل فى مطبات الزراعى ..حادث سيراتو هاى لاين مع مرسيدس 200

**البرنس** · 14-05-2013 09:48 AM

هو فعلاً الواحد مفروض ميجريش ورا أو يلزق ف عربية أعلي من عربيتة ... يعني كنت مرة في أكتوبر و كانت أول مرة أروح هناك بعربيتي و في أكتوبر فيه مطبات كتير و ساعات بتبقي عل منازل و شوفت واحد بمرسيدس بيجري روحت جاري وراه و قلت هو أكيد عارف المطبات و إذ فجأة يطلع مطب و بتاع المرسيدس فرمل قبله علي طول ووقف ... أجي أنا أدوس فرامل .. مفيش العربية عماله نزحف و داخله علي المطب و أنا كان راكب معايا تلاتة و العربية نازلة لتحت .. طبعا عملت قرد بقي و فرامل متقطعة و تسقيط غيارات و رفع هاند في الاخر و ريحة شياط و دخان طالعين و كان موقف ما يعلم بيه إلا ربنا مع إن بتاع المرسيدس يدوب داس قبل المطب راح و اقف علطول بس الحمد لله وقفت و من ساعتها إتعلمت إني ملزقش في عربيات عموما و خصوصاً المرسيدس و البي إم و الحاجات دي

**M.Ayman** · 14-05-2013 01:44 PM

المشاركة الأصلية كتبت بواسطة bmya

انا مش شايف صوره
بس اكيد كعاده السواقين البروفيشنال في مصر لازم يلزق بوز عربيته في شنطه العربيه اللي قدامه كده يبقى هو واد معلم وسويق درجه الاولي
وبعدن معلش يعني اانا ممكن اتفاجئ بمطب بس على مسافه تخليني الحق افرمل وابص في المرايه وكل حاجه وممكن اتفاجئ بمطب ملحقش اعمل اي حاجه غير اني اودس فرامل
صحبي معه نيو اكسنت وكان بيجري مع بي ام
بتاع البي ام شاف مطب فرمل ووقف عادي صحبي فرمل برده بس ملحقش يقف ولبس في البي ام من وره صحبي غير كابوت وشنب وريدياتير وسربنينه تكييف وفانوس البي ام اتخدشت بس ههههههههه
وصحبي اللي كان غلطان وعارف انه غلطان ومتكلمش نهائي

المشاركة الأصلية كتبت بواسطة m_elkhishin

يا استاذ syd والله محدش معترض على كلامك. انت بس بتتكلم في نقطة غير اللي بنتكلم فيها. احنا بنتكلم في مين الغلطان وايه نسبة الخطا. وليس كيفية تفادي الحادث.

القاعدة المرورية الاصيلة بتقول " احذر خطا الغير" طيب لو انت معندكش المهارة لتفادي الخطا ده يبقى انت اجرمت وتحملت نسبة منه والمفروض تقعد في البيت ومتركبش عربيات؟!! قانونا لا

يعني مثلا لو انت ماشي في طريقك ولقيت واحد جاي عكس الاتجاه و اتلخبط وخبط فيه يبقى انت شايل نسبة من الخطا ؟؟ماهو ممكن واحد تاني اعصابه جامدة ورد فعله سريع يتفادى الموقف. انت عارف ان في الحالة دي - في الدول اللي بتفعل القانون- لو انت استغليت الموقف وخبط فيه عامدا متعمدا هو يصلحلك عربيتك ونسبة خطاه 100%

قانون المرور معمول عشان يدي فرصة للعقل انه يترجم وياخد قرار رد الفعل الصحيح. انما احنا في مصر ماشيين برد الفعل المنعكس

كلام سليم ١٠٠٪

المشاركة الأصلية كتبت بواسطة SYD

يا أستاذي
حضرتك بتأكد كلامي مش بتنفيه
خلي المرسيدس الغلط راكبه من ساسه لراسه
وكل الكرة الأرضية غلطته- بتاع السيراتو كسب ايه؟

احياناً بتضطر لأفعال انت مش عايز تعملها ولكن بتعملها غصب عنك تفادياً لموقف
زي انك تدخل في شارع انت مش عايز تدخله ، بس عشان اللي جنبك حدف عليك ودخل الشارع بغشومية

نفس الشئ ف الفرامل
مرات بتلبس مطبات عشان اللي وراك سريع وقريب منك او عربيته اقدم

انا ليا مبدأ في السواقة سميته اقل الضررين
- البس مطب ولا أخبط عربيتي؟
- أخبط بوش العربية ولا بالرفرف؟
أخبط في اللي قدامي ولا في اللي ورايا؟
أخبط واحد علي رجله ولا في عربية؟
أخبط في عجلة ولا عربية
أخبط في بتاع ديلفري ولا ادخل الشارع اللي جنبي؟
اكل شريط القطر ولا القطر يأكلني ؟

وهكذا

كلامك صح طبعا و هو ده اللي كله بيحاول يوصل انه يعمله انه يتفادي الخطأ اللي حصل و لازم اي حد في مصر هيركب العربيه يعرف يعمل الكلام ده لو خايف علي عربيته لان مش معني ان غيرك اللي غلطان انه هيصلحلك عربيتك علي حسابه او حتي انه هينزل يتأسفلك .. ابسوليوتلي

.. ده هينزل يجعر من منطلق كلوهم بالصوت و يغلطك انت و مش بعيد لو كنت راجل لسه جديد في الشارع تصدق و تتأسفله و تمشي

و الله الكلام ده بقوله لاخويا كتييييييييير قوي و طبعا مفيش حد اكبر من الطريق قبل كده بيه في صلاح سالم طلعلي باوكتافيا معرفش من انهي داهيه واخد الشارع كله من اقصي الشمال لاقصي اليمين لقيت تاكسي في الحاره اللي علي شمالي كان طالع قدامي بشويه ضرب فرامل جامد مره واحده و اوكتافيا في وشي طلع عربيتي علي الرصيف خدته كله و نزلت تاني وقفت قدام سفارة فلسطين باين او حاجه كده

و طبعا ابن ال ........* جري

**sha2e** · 14-05-2013 03:17 PM

محدش يعرف ملابسات الحادثه
1- ممكن يكون السيراتو كان سرحان او بيتكلم فى الموبايل ومخدش باله من المطب غير متأخر (موضوع الموبيل ده منتشر بغباء على الزراعي)
2- ممكن تكون الحارة مش بتاعت السيراتو اصلا وهو لسه داخله بغرزه سواء من اليمين او الشمال عشان كده مخدش باله من الى وراه

الغريب ان هنا فى المنتدى كله بيتكلم عن مسافة الامان امال فى الشارع مش موجوده ليه ؟
ده فيه ناس مش كتر ما لازق فيك لما تبص فى مرايتك مش هقول مبتشوفش مسافة الامان دا انت مبتشوفش كبوت عربيته

تقديري الشخصي لتحمل التكاليف لو بنتكلم فى مصر :
المرسيدس : 35% - 40%
السيراتو : 60% - 65%

لو خارج مصر :
المرسيدس : 60% - 70%
السيراتو : 30% - 40%

**Ahmed Nasser** · 14-05-2013 04:27 PM

والله ياجماعة انا كان هيحصلى نفس اللى حصل للسيراتو فى رمضان اللى فات
كنت ماشى على سرعة 100 وميكروباص ماشى ورايا هيفرتك الموتور لانى كنت سامع صوت الموتور وانا فى عربيتى
المهم جة المطب انا كان عندى وقت ادوس واهدى بس اللى ورايا مدانيش فرصة لان عينى كانت فى المريات وانا بدوس فرامل
لحد ماخلاص مافيش غير خيارين يا اكل المطب يا اللى ورايا يلبس فيها
قولت بسم الله وكلت المطب والحمدلله عدت على خير
مع ان كان معاية فى العربية واحد وركة مكسور مش رجلة من تحت وساعتها قعد يصرخ من كتر الالم لما كلت المطب
والحمد لله انها جات فى المطب ومجتش فى حاجة تانية

**ashouhdy** · 15-05-2013 06:37 PM

ممكن اقول رأيي

بالنسبة للحادث فطبعا الخطأ بنسبة 75% للمرسيدس

لأن اى حد معرض وهو ماشي يلاقى بنى ادم قدامة وطبيعى رد فعلة انة حيكبس فرامل .... المفروض ودة مش بيحصل ان اللى ورا يكون سايب مسافة كافية تخلية على الاقل يقدر يفادى

لية قلت 75 مش 100% لأن بتاع السيراتو لازم يقدر برضوا الخطر اللى قدامة ويعمل حساب خطأ الغير يعنى مش عشان مطب حفرمل تماما واقف بنسبة 100% واعمل حادث ممكن اخد المطب على 60 او 40 واتفادى التصادم من الخلف

نيجي فيزيائيا ان السيراتو اتعجنت والمرسيدس لأ

فى حاجة اسمها ال momentum اى لما حاجتين يخبطوا فى بعض المتحرك بينقل للثابت كل قوتة وبيادى لعجنة

يعنى لو الاتنين متحركين مش حيكون تأثير الحادث كدة

وبرضوا تفرق فى قوة اللى واقف هل بالبلدى حيتنطر لقدام ولا هو متمسر فى الارض

ودة فرضيا لو حقيقى فبيدل (وللسخرية) على قوة فرامل الكيا !! وللعلم قوة العربية من الخلف مختلفة كليا من الامام.

لو اى عربية حصل معاها الموقف دة حتنقل كل قوتها لللى قدام .... والمرسيدس طبعا برضوا قوية فالخسائر اقل