تعلية الاسكورت افيدونىىىىىى ؟؟؟؟؟؟

**aliabdo** · 16-05-2013 05:20 PM

بص هو الموضوع مش بالسم المفروض ان صره العجل تكون فى نفس مستوى العتبه و دى بقى حسب كل عربيه يعنى ممكن تحتاج 2 سم او 6 سم حسب عربيتك و التاثير بيتحدد حسب المساعدين الى عندك يعنى لو مساعد قصير حيتعب بسرعه و العكس

**iouilugt** · 16-05-2013 07:28 PM

المشاركة الأصلية كتبت بواسطة aliabdo

بص هو الموضوع مش بالسم المفروض ان صره العجل تكون فى نفس مستوى العتبه و دى بقى حسب كل عربيه يعنى ممكن تحتاج 2 سم او 6 سم حسب عربيتك و التاثير بيتحدد حسب المساعدين الى عندك يعنى لو مساعد قصير حيتعب بسرعه و العكس

انت ركبتهم كام سنتى فى عربيتك

**aliabdo** · 16-05-2013 07:40 PM

و الله ما اعرف بابا الي ودي العربيه مش انا

**Eng_Mostafa_89** · 16-05-2013 08:24 PM

المشاركة الأصلية كتبت بواسطة iouilugt

بس ده ملوش تاثير على العفشه بتاعت العربيه .

انا عمال احاول افكر فى حتت انها تضر العفشة دى بس مش عارف اية اللى ممكن يحصل هى لو عليت قوى ووصلت لان المساعد يكون مفتوح على اخرة فدة اكيد هيبوظ المساعد ولو قولنا مثلا انها هتضغط على السوستة وهتخلى السوستة تضعف شوية على المدى البعيد "دى احتمالات من وجهة نظرى مش اكيدة"
بس تعالى نشوف مميزات ان العربية تعلى اولا هتعرف تركب وتحمل فى عربيتك براحتك ثانيا العربية هتبطل تحك فى المطبات
وحك المطبات دى بهدلة العربيات هتتحك تحت والدهان اللى تحت هيتقشر وممكن مع الوقت يجيب برومة
والحك فى المطبات ممكن يطبق بطنية العربية وممكن يطبق العتب
ممكن الحكة تتيجى فى كرتيرة الزيت او فى تنك البنزين وممكن يتخرم
كل دى حاجات احنا بنحاول نتجنبها وبنعلى لعربية
فمقارنتا بالاحتمالات الواردة انها تحصل للعفشة
انا شايف ان عفشة العربية تتعوض انما البطانية والعتب والصاج من تحت ميتعوضش
كرتيرة الزيت او تانك البنزين اتخرم فمعنى كدة ان العربية هتعطل وهتقف فى الشارع

وفى حاجة تانى للامانة حسيت بيها بس لسة متاكدش منها
كنت مسافر مشوار حوالى 30 كيلو متر زكنت حاسس ان العربية مش ثابتة زى الاول بس مقدرش احكم عليها قوى ودة لان العربية كانت عيزة تترصص وكانت عايزة زوايا كمان لانى مظبطتهمش من بعد معملت شغل فى العفشة ودة لان بركب العربية مرة او اتنين كل شهر

**aliabdo** · 16-05-2013 08:44 PM

فعلا الثبات بيتاثر كتير

**iouilugt** · 16-05-2013 08:59 PM

فعلا فيه حجات اهم من حاجات شكرا Eng_Mostafa_89 على توضيحك الجميل انا بجد استاااااااااذذذذذذذذ

**Eng_Mostafa_89** · 17-05-2013 01:59 AM

المشاركة الأصلية كتبت بواسطة aliabdo

فعلا الثبات بيتاثر كتير

[color="rgb(65, 105, 225)"]بس لما العربية هتحمل هترجع توطى تانى واعتقد ان ثبتها هيتحسن كتير
وبالنسبة لى العربية ديما بتبقى ماشية فيها 5 افراد وشنط فكانت لازم تبقى عالية معايا [/color]

**ah.adel2** · 20-05-2013 12:54 PM

سؤال عبيط سامحوني انا لسه بتعلم :)
هو كل المساعدين مقاس واحد ، مش ممكن الموضوع يتحل بمساعدين اطول وجداد علشان صحتهم تبقي كويسة :)

انا تقريبا بسافر بس بالعربية مفيش جوة البلدكتيير ، فمعنديش استعداد اجرب تعويم علي الطريق ، ونفسي اعمل حاجة تحل المشكلة خبطة واحدة ... لو ده ممكن :)

**aliabdo** · 20-05-2013 01:44 PM

فى ناس بتعمل تطويل للمساعد و فى مساعد طويل و مساعد قصير و موضوع التعليها مش بيوصل خالص لموضوع التعويم لو معمول كويس

**shekossd** · 20-05-2013 04:31 PM

بسم الله والصلاه والسلام على رسول الله

انا عليت عربيتى عند احمد فرج بتاع الفورد اللى فى جسر السويس محطه الجراج والموضوع بسيط وزى الفل وبيغير العربيه نهائى ومفيش ضرر على العفشه ولا اى حاجه وبقيت بحمل اللى انا عايزه نيجى بقى احمد عمل ايه جبتله بلى بطحات عشان اعليى العربيه من قدام وجباله عليتين عشان المساعدين ورا وهوا مرفعاش خلها جيب بس ظبط الكلام ومبقتش تحك فى الارض ولما جيت غيرت الكاوتش جبت مقاس اكبر سنه يعنى بدل 185/60/14 جبت 185/65/14 فعليت سنتوفه كمان
وشكرا