المنتدى ماله

**Yarisawy** · 19-08-2008 09:30 AM

اهم حاجه استمتع باجزتك وانسى المنتدى يومين .. عشان الاجازة تبقى صح لازم تفصل من الهموم والمسؤليات

بخصوص المنتدى فده ضريبه للعدد الكبير .. ولكن ممكن يتم وضع قوانين اكثر تفصيلا تمنع حدوث مشاكل مستقبليه

**KoDaK_Gti** · 19-08-2008 09:40 AM

ان شاء الله مفيش خناق ولا حاجة
بس الحرررر بقة بيخلى الناس مش طايقة بعض
ركبولنا تكييف مركزى ونبى فى المنتدى وهتلاقى الشكاوى قلت عن الاول بكتيييير

**Hossam_Hassan** · 19-08-2008 09:51 AM

كلامك مظبوط يا كيمو، بس على فكرة، حبايبنا القدام بيتبعوا طرق جديدة لكهربة الجو، بس برضوا اغبياء فى تطبيقهم للطريقة الجديدة، ان شاء الله بحضر تقرير تتبع و بمساعدة غبائهم هيكمل قريب جدا.

**hamedo0** · 19-08-2008 10:05 AM

المشاركة الأصلية كتبت بواسطة Hossam_Hassan

كلامك مظبوط يا كيمو، بس على فكرة، حبايبنا القدام بيتبعوا طرق جديدة لكهربة الجو، بس برضوا اغبياء فى تطبيقهم للطريقة الجديدة، ان شاء الله بحضر تقرير تتبع و بمساعدة غبائهم هيكمل قريب جدا.

يا سيادته اللواء ياجامد

.................................................. ....................

معلش يا بشمهندس كريم يمكن المشاكل كترت عشان العدد زاد و الاعضاء الجدد لسه سنهم صغير يمكن ده هو الكتر حلات القفش الموجوده اليومين دول .

**الريس** · 19-08-2008 10:41 AM

Nilefightmotors.com
اول موقع مصري ينبع من محبي السيارات و يهتم بجميع انواع الخناقات

الحل اللي انا طبقته هو ان الواحد يتحول لمتفرج ظريف لطيف يعمل مشاركة كل شهرين كده
تجنبا لحدف الطوب

**MM_Mohsen** · 19-08-2008 10:43 AM

المشاركة الأصلية كتبت بواسطة karim_monir

بصراحة مش عاجبني حال المنتدي
قصدي حال الاعضاء
مالكم مش طايقين كلمة لبعض ليه
وكل واحد يقول كلمة التاني يقفش عليها
ويفترض سوء الظن وهوووب يرفه تقريرر مشاركة سيئة
احنا بنستقبل اكتر من 100 تقرير مشاركة يوميا
ايه في ايه الوضع مش كدة اطلاقا
لازم نهدى مع بعض اكتر من كدة ونبطل نقفش بالاسلوب ده
ده حتى فاضلن اقل من اسبوعين على دخول شهر رمضان الكريم
يار يت نهدى شوية ونلتمس لاخواتنا الف عذر
وخاصة اننا بقينا اكتر من 16500 عضو
ومش كلنا طريقة تفكيرنا ولا ثقافتنا زي بعض
ويا ريت نفتكر اننا هدفنا الاول اننا نفيد ونستفيد
مش نفرغ شحنات غضب وعقد نقص على صفحات المنتدى
يار يت نحاول نبعد عن الشخصنة
نبعد عن النعرة الطائفية ونغمة مسلم ومسيحي
نبعد عن الهجوم المباشر على بعضنا
نبعد عن التحيز الرهيب لسيارتنا ونفتكر اننا هانغيرها ونجيب احسن منها ونرجع نتحيز للجديدة
ومفيش سيارة خالية من العيوب
ولا انسان خالي من العيوب
مع تحياتي
انسان مش عارف ياخد اجازتة من كتر هموم المنتدى

كلام عاقل و جميل لكن على فكرة يا كريم ده مش حال المنتدى بس ده حال البلد كلها فالمنتدى صورة مصغرة مما يجرى فى المجتمع .. محدش طايق حد و لا يصبر على حد او يحاول يتمعن الرأى الاخر و لازم و حتما رأيه هو الصح و الصواب المطلق حتى لو كان هذا الشخص ذو ثقافة وخبرة محدودة .. البلد مع الاسف ضاعت بسب ضيق الافق و التشنج و التعصب و العالم لا يتقدم الا بتعدد الاراء و الافكار و التسامح مع اصحاب الرأى المخالف فربما يثبت التاريخ انهم كانوا على حق و صواب و ان المجتمع خسر كثيرا بعدم الاستماع اليهم .

**CryptonX** · 19-08-2008 11:08 AM

قصدك انك مش عاجبك حد من الاعضاء يا عم كريم ؟؟

نستوردلك بقى ناس من برة ولا ايه ؟ D:

يا سيدي هو حال المنتدى بس ؟

دنا ببقى سايق في الشارع حاسس اني متبرص للناس اي غلطة علشان افتح الشباك و اشتم !
و شعور متبادل برده مع الي حواليك ..

بس الحمد الله انا بقيت بارد جدا في المنتدى :) منعا للاعاصير و منعا للخطأ بدون قصد علشان فيه ناس زعلت قبل كدة و انا مش بحب ازعل حد مني ابدا :)

علي العموم نفسي بس اقول لكل شخص بيرد على اي شخص .. قبل ماتنفجر في الرد

خد 5 ثواني نفس عميق و فكر في كلامك سريعا كدة ... ساعات الواحد مش بيبقى قصده يضايق او بيهرج مثلا والي قدامه ميكنش فاهم او متقبل و يقلب الموضوع .

التعصب لسيارة - دي احسن كلمة قلتها يا كريم .. و فعلا معاك حق .. من اصغر عضو لاكبر و احد سنا او حتى من المشرفين او الاعضاء .. مهما حاول اخفاء عصبيته او انحيازه بيظهر غصبا عنه برده :)

وانا شايف ان ده " OVER " :) و حبدا بنفسي .. انا حشيل فيات من توقيعي في اقرب وقت .. مش معناه اني كرهتها بس معناه اني ممكن اركب هيونداي مثلا السنة الجاية ... ححط لوجو هيونداي و جنبه فيات ؟ ولا حشيل فيات ؟؟؟

المصداقية .....

**Nile_Storm** · 19-08-2008 11:21 AM

المشاركة الأصلية كتبت بواسطة Hossam_Hassan

كلامك مظبوط يا كيمو، بس على فكرة، حبايبنا القدام بيتبعوا طرق جديدة لكهربة الجو، بس برضوا اغبياء فى تطبيقهم للطريقة الجديدة، ان شاء الله بحضر تقرير تتبع و بمساعدة غبائهم هيكمل قريب جدا.

سياده اللواء صاحي ياجدعان

و الله معاك حق ياكريم

الموضوع بقي مشحون زياده
وربنا يهدي النفوس

**دموع الثلج** · 19-08-2008 11:35 AM

انـا بــــــــــراءه من موضوع الخنــــــاقا ت دى مليش دعوه انا جايه اهــدى النفوس بس و ملاحظه ان اغلبنا بقى عصبى معرفش ليه وانا اوووووووولهم
ربنا ميجبش مشاكل ان شاء الله