-
المنتدى ماله
بصراحة مش عاجبني حال المنتدي
قصدي حال الاعضاء
مالكم مش طايقين كلمة لبعض ليه
وكل واحد يقول كلمة التاني يقفش عليها
ويفترض سوء الظن وهوووب يرفه تقريرر مشاركة سيئة
احنا بنستقبل اكتر من 100 تقرير مشاركة يوميا
ايه في ايه الوضع مش كدة اطلاقا
لازم نهدى مع بعض اكتر من كدة ونبطل نقفش بالاسلوب ده
ده حتى فاضلن اقل من اسبوعين على دخول شهر رمضان الكريم
يار يت نهدى شوية ونلتمس لاخواتنا الف عذر
وخاصة اننا بقينا اكتر من 16500 عضو
ومش كلنا طريقة تفكيرنا ولا ثقافتنا زي بعض
ويا ريت نفتكر اننا هدفنا الاول اننا نفيد ونستفيد
مش نفرغ شحنات غضب وعقد نقص على صفحات المنتدى
يار يت نحاول نبعد عن الشخصنة
نبعد عن النعرة الطائفية ونغمة مسلم ومسيحي
نبعد عن الهجوم المباشر على بعضنا
نبعد عن التحيز الرهيب لسيارتنا ونفتكر اننا هانغيرها ونجيب احسن منها ونرجع نتحيز للجديدة
ومفيش سيارة خالية من العيوب
ولا انسان خالي من العيوب
مع تحياتي
انسان مش عارف ياخد اجازتة من كتر هموم المنتدى:no4:
-
تفسير واحد بس للي بيحصل ،،
ثمن الحرية ،،
مسيرنا في يوم هنتعلم نتعايش ،،
و نقبل الرأي الآخر مهما كان حاد او حتي خطأ من وجهة نظرنا ،،
-
-
ربنا ما يجيب مشاكل يا بشمهندس
و ان شاء الله اي خلافات بين الاعضاء تزول ببركة الشهر الكريم
مش عارفه و الله حاسه انها عين
انا اللي خلاني اشترك في المنتدي ده و الله _بعيدا عن انه فعلا وجهة للباحثين عن اي معلومات عن السيارات_ اني حسيت روح الحب و التعاون اللي مالهاش مثيل بين الاعضاء كلهم
ياريت يا جماعه فعلا كل حد فينا يحاول يتفهم وجهة نظر اللي قدامه و يناقشه فيها بالراحه و بدون خناق و لا زعيق
في الاول و في الاخر الاختلاف في الرأي لا يفسد للود قضيه
و كل موضوع يتناقش بهدوء هيخلينا نحترم بعض اكتر و نقرب كل وجهات النظر لبعض
و بالتالي ده هيخلينا كلنا نحب بعض
نعتذر يا بشمهندس كريم عن اي ازعاج ممكن نكون سببناه ليك و لبقيه اعضاء الادارة
مع اني عارفه اني ماليش دخل بس يعني حاسه ان كلنا اسرة واحده فبعتذر عن اي مشاكل ممكن تكون حصلت حتي لو مالهاش علاقه بيا
دي سحابه صيف بس
ربنا ما يجيب اي حاجة وحشه
بوســـــــي
-
ايووووووة هو الصيف و الحر مخلى الناس بتقفش على بعض كدة
انا فعلا قريت مواضيع كتيرة الايام دى و الاعضاء مش طايقة بعض خالص وكمان ساحة شكاوى الاعضاء مليانة
بس احب اقوووول ان كل واحد لة تفكيرة وراية و ياريت بلاش تلميحات بالكلام على اى عضو لان ذلك بيودى لذيادة المشاكل
وربنا يهدى الجميع يارب
ويا بشمهندس كريم إن شاء الله خلافات الاعضاء حتتحل و هما اللى حيحلوة بنفسهم
وصيف انت بس و استمتع بوقتك وترجع بالسلامة إن شاء الله
-
عندك حق يا باشمهندس كريم:(
بس العدد بقي كبير فعلا
و مش حتعرف تخلي الناس كلها ماشيه علي نفس النظام
فيه ناس تحس انها شايله مدفع و قاعده مستنيه تفرقع الدنيا مجرد بس ما حد يقول كلمه مش علي مزاجه
يووووووووووه
يقعد يجبها شمال و يمين و يلت و يعجن علشان يطلع غلطات
بس هيا دي ضريبه العدد الكبير
و لسه ياما حنشوف:(
-
-
فعلا انا ملاحظ الحكايه ديه برده :(
بس ده طبيعي مع زيادة اعداد اعضاء المنتدي
ان شاء الله يرجع زي الاول و احسن :)
-
هون عليك ...
المنتديات الخليجية بيحصل فيها برضه مثل هذا التراشق ولكن فى أضيق الحدود .....
- شعار هذا المنتدى المحبوب يجب أن يكون فيد واستفيد -
-
علي راي الحج اللمبي
انا يا كيمو اهو :
ســــكــــمـــــن بــــــكـــــــمـــــن:laugh :
Content Relevant URLs by
vBSEO 3.6.0 PL2