السلام عليكم يا شباب أنا معايا سيتروين سي4 أوتو و المشكلة ان المفتاح اللي فيه ريموت كونترول ضايع و مفيش غير المفتاح العادى هو اللي موجود فهل ليه حل ان حد يعمللي واحد بريموت و مشفر زي الأصلي و فين و بكام لكم الشكر
عرض للطباعة
السلام عليكم يا شباب أنا معايا سيتروين سي4 أوتو و المشكلة ان المفتاح اللي فيه ريموت كونترول ضايع و مفيش غير المفتاح العادى هو اللي موجود فهل ليه حل ان حد يعمللي واحد بريموت و مشفر زي الأصلي و فين و بكام لكم الشكر
تمنه فى التوكيل 1200 للأسف و بياخد بتاع أسبوع عشان بيجيبه من فرنسا و لازم يكون معاك الكارت اللى عليه الرقم السرى بتاع المفتاح...مش عارف فى حد بره بيعمله ولا لأ...
انا بسمع ان فريد شوقي ده كويس في الكنترول والكهربا
انا الراجل ماتعملتش معاه في شغل في العربيه لكن واجهتني مشكله واتصلت بيه واداني تعليمات والعربيه رجعت تمام راجل محترم وخدوم
اللي عايز يعرف بالتفصيل ممكن خاص
شكرا لكل الشباب المحترم اللي ردوا عليا بس أعتقد المفتاح مفهوش لعب في كهربة السيارة كمان المفروض انه بالضمان يعنى لو مشتغلش يرجع الفلوس و يا دار ما دخلك شر و أكيد يخاف علي سمعته و للا ايه
بلاش فريد شوقي راجل نصاب منه لله
لسة ما روحتش و احتمال أنزل النهاردة فريد شوقى و اتفق معاه و مفيش فلوس الا بعد نجاح الشغل و الضمان
سلام عليكم
أنا روحت امبارح لفريد شوقى علي الساعة 5 مساءا و قام مخللي شاب صغير عنده اسمه بيتر يفك الكونترول يونيت اللي علي اليمين فوق فى الموتور و ده مابياخدش وقت. بعد لما فكه قام عمنا فريد مفور الكونترول و مطلع الوحدة من الغلاف المعدني و عن طؤيق كاوية كهرباء مفور حاجة زي الآي سي من البوردة و دي فى حجم الكارت السيم اللي بيركب جوة الأي فون أو أصغر. جوة البتاعة الصغيرة دي طلع منها حاجة عاملة زى حجارة الولاعة صغيرة جدا و قام حاططها جوة جهاز صغير أوي زي الميمورى كارد ريدر و قام موصلها بالكومبيوتر و بكدة هو قدر يعرف الكود بتاع المفتاح. كل ده ليه لأنى ماعنديش الكارت اللي مدون عليه الكود.
بعد كدة قام مرجع الوحة الصغيرة أوي دي للكونترول و لاحم كل حاجة و مجمع الكونترول يونيت و أخونا بيتر راح مركب الكونترول في العربية و العربية دارت و كل حاجة تمام.
بعد كدة أعطاني ريموت بتاع سيتروين عليه العلامة بتاعة سيتروين و السلاح بتاع المفتاح المعدن ده بينطوي و يفرد داخل الريموت
كده المفتاح عاوز يتخرط عند بتاع المفاتيح قام باعتني و معايا أخونا بيتر لواحد فى شارع الأوتوستراد قدام أول شارع مكرم عبيد و اسمه عز الدين طه و معايا المفتاح الأصلي العادة اللي معايا من الأول و قام عمنا طه حارط المفتاح أبو ريموت و تم تجربته بيفتح الباب و الكونتاكت لكن العربية مش بتدور, ليه لأن المفتاح لسة لم يكود بعد. طيب عمنا طه أخد كام أخد 50 جنيه.
رجعنا تاني لعمنا فريد شوقى ٌام جايب الكومبيتر بتاعه و موصله علي العربية و بعد شغل ييجي ساعة كمان تم التكويد و تشغيل الريموت بنجاح تام بدون أي شغل أو لعب في الكهربة بتاعة العربية.
بعد كدة شكرا يا عم فريد عاوز كام قاللي 600 جنيه دفعتهم زي الشاطر و بقي عندي المفتاح الريموت و بدون ريموت و رجعنا زي الأصل
الوقت اللي اتعمل فيه المفتاح حوالي 3 ساعات و عمل سوفت وير جديد للعربية لأن و هو بيكود المفتاح حصل ما يسمي safety lock للعربية و حسب كلامه لأن الكونترول بتاع العربية أعتبر ان الريموت ده مفتاح دخيل علي العربية نظرا لطول عدم الاستعمال لأنه ضايع من زمان و كنوع من السيفتي للعربية عمل لوك علي الريموت الجديد فقام عامل reset للكومبيتر بتاع العربية و قام مكود المفتاح تاني و كل شئ عاد كما كان
دي تجربتي الأولى مع عمنا فريد شوقى و هو فاهم كويس شغله بس اتم شويتين تلاتة و مقابلته جافة شوية و ده زعلني منه في الأول و كنت ناوي بعد ما يخلص اني أقله دي آخر مرة ليا معاك لكن هو فهمني انه مضغوط و مانامش من يومين و الشغل متكربس عنده في الورشة و فعلا عزرته و خلصت القصة بنجاح
طب تمام ، بس مش عارف حاسس انه معلى السعر شوية على أساس ان المفتاح الأصلى من فرنسا ب 1200 ، كان مفروض افتكاسات عم فريد تكون 300-400 مثلاً ، عموماً يا باشا ألف مبروك و أديك خلصت من الفيلم ده برضه ، بس معندكش فكرة اذا كان بيصلح الريموت الأصلى البايظ ولا لأ من غير ميشتغل فى العربية ؟؟؟؟
لأ طبعاً مفيش بديل و ال 600 الفرق انت أولى بيهم طالما هتاخد نفس النتيجة خاصة انك مكانش معاك الكود ، أنا بسأل بالنسبة لى عشان أنا معايا الكود و كان نفسى فى حد يصلح الريموت من غير ما يمد ايده فى العربية ، أنا أصلاً مش عايز أى حد بره التوكيل يمد ايده فيها...
بصراحة هو عبقرى فى عالم الكنترولات وبرمجياتها وعن تجربة
أنا كمان بفكر فى التجربة دى
يا ريت تطمنا لو لسة الامور تمام باذن الله
وهل لو الكود موجود مش هيحتاج يفك الكنترول؟؟؟؟؟؟؟؟؟؟
هوا ايه الكود اللي المفروض يبقي معايا ده؟؟
انا معايا الريموت بيفتح العربيه ويرفع الازاز بس مش بيدور العربيه
ياتري هايشتغل في العربيه ولا بس في الريموت؟؟
ومبروك ياباشا علي المفتاح الجديد :-)
كنت عايز أعرف الريموت اللى اداهولك الأصلى اللى فيه لمبة على الزرار اللى فى النصف ولا اللى عليه فتحه شنطنه فى النصف ؟
http://www.nilemotors.net/Nile/22724-a.html
الموضوع ده قديم شويتين واحد زميلنا عامله فى 2008
لكن انصح اي حد عايز يعمل مفتاح او ريموت يقراه
السلام عليكم يا جماعة
ربنا يباركلكوا انا عندي بعض الاستفسارات لاني ناوي اجيب نفس العربية والموديل الستروين c4 2006
وربنا يبارك لك فيها لكن
هل فيه مشاكل في الكهربا او الكروت ؟؟؟
وهل فعلا قطع غيارها غالية ومش بسهولة تلاقيها
انا معروضة عليا بـ 65 الف تستاهل؟؟
وياريت لو تسمح تديني تليفونات كريم منير واي حد بتاع قطع غيار كويس وتليفونات م فريد شوقي وشكرا ليكو
الموضوع ده قديم شويه
احسنلك اعمل موضوع جديد و اطلب فيه ال انت عايزه
انا و الله مش ملاك الستروين و معرفش عنها حاجه
لكن خد اللينك ده وشووف معروض فيه عربيات سى4 للبيع www.bit.ly/1cNILX8
و بص على دى تحديدا www.bit.ly/18GM9nZ