الموضوع: جبت الاكليس الاندونيسي التابع لكونتيننتال و هقارنه بالهانكوك الكوري

المشاركة الأصلية كتبت بواسطة sameh_fouad

ههههههههههههه , انت جيبت المشاركة دية منين , دية قديمة جداااااااااا

عموما ياباشا , انا اللى كاتب المشاركة , ودة تقييمى عليها

موضوع ماليزى ممكن فعلا اكون اتلغبطت وانا بكتب فعلا

- بالنسبة بقى للتقرير :

1- الفردة عندى كان صوتها عالى شوية وناشفة فى المطبات شوية عشان انا كنت جايبها 15 مش 14 , والمقاس عندى 55-195 يعنى الكاوتش غيرك اقل الارتفاع عن سطح الارض عن عندك ,دة غير انى قايل تقييمى للفردة عند 40,000 كيلو يعنى مش وهية لسة جديدة بحالها , لان اى فردة جديدة مهما كانت هتكون كويسة بس الكاوتش الكويس اللى بيبان بعد كيلوهات كتييييييييييير

2- الفردة كانت ناشفة لانها رياضية sport ومافيش عليها علامات الراحة والهدوء لانها فردة رياضى

3- الكاوتش جننى عند 40.000 الف كيلو والله كان لازم كل اسبوع اروح زيارة للبتاع الكاوتش , مرة يطلع قطع زجاج مكسور - مسمار صغير اوى , وطبعا دة نتيجة الشقوق اللى حصلت للفردة , مع العلم ان بركن العربية فى جراج سواء فى البيت او الشغل , وان ماكنش فية مسمار لازم اروح ازود الفردة لانها بتقل من كتر التشقاقات

4- الفرامل ممتازة جداااااااااااا لحد 35.000 كيلو بعد الفترة دية ادائها بدأ يقل بشكل ملحوظ

5- العربية فى الغرز كانت ممتازة بس دة عشان ثبات الهوندا , لكن الكاوتش بعد كدة حسيت انة مابقاش ثابت من الخلف زى الاول

5- نقشة شكلها شيك جدااااااااااااا وجميلة جداا , وفردة ممتازة وكل حاجة بس نصيحة منى اخرها معاك maximum 40,000 km , ماتقعدهاش اكتر من كدة , انا قعدها ل 60,000 لانى ساعتها كنت بدور على شقة وقولت هخلص المشاوير بالكاوتش دة ولما الاقى شقة ان شاء الله ابقى اغير بقى والكاوتش يقعد معايا براحتة على نظافة


فى الاخر الفردة دية جميلة جداااااااا بس اخرها كيلوهات قليلة يعنى مش زى البريدجستون او الميشلان و كونتينيتال

وبالنسبة للسعر بتاعها طبعا افضل اداء مقابل السعر ويضاهى كمان اللى اعلى منة فى السعر بفرق قليل مش كبير

ومبروك ياباشا

هههههههههههههههههههههه ايوه يا باشا دي مشاركة حضرتك و انا قلت كده في الاول علشان انسب الفضل لاصحابه :))

فعلا انا ماخدتش بالي من موضوع فرق المقاس و فرق الكيلوات ... كويس ان حضرتك عرفتني موضوع الاداء بعد ال 35000كم

الف شكر لمرورك و نصايحك :))

ولو إن الموضوع قديم
بس أنا لسه شاري فردتين أكليس بلاتينيوم إمبارح من غطاطي اللي على الأوتوستراد مدينة الأمل اللي قبل سجن طرة
طبعاً الفرق كبير بينها وبين الزبالة اللي كنت مركبها قبل كده ( جوود يير ) اللي ماكملتش 35000 كيلو وبقالها حوالي 15000 كيلو بتدبدب وبتحدف ومافيش حد عارف يظبط زوايا لها ،، وحصلت فيها شوية تشققات منتظمة في كل الكاوتش وكأنها مع النقشة
بس لاحظت حاجتين ..
أولا ،، الفرع لم يعطيني فاتورة أو ضمان أو ما شابه
ثانياً ،، النهاردة الصبح وانا جاي الشغل ،، كنت باجري شوية في حتة فيها مياة ،، وعملت كيك داون والدريكسيون ليس مستقيم ،، فوجدت الكاوتشات عوّمت مني !!!
مش عارف ده طبيعي ولا فيه عيب في الكاوتش ؟ ،، لإنها أول مرة تحصل معايا
الكاوتش 14/185/65 أندونيسي الأسبوع 33 سنة 2014