مشكلة تحميل فى النوبيرا أية الحل

**sniper_ktm** · 12-05-2013 02:04 AM

الموضوع لاحظتة لما كنت رايح بورسعيد هوة أنى لما ركبت معايا 3 أفراد منهم 2 ورا لقيت أن العربية وطيت أوى لدرجة انها بتحك فى كل المطبات مع العلم أنى مركب 4 مساعدين مونرو من 6 شهور فعايز أعرف أية الحل النهائى للحكاية دة هل أغير السوست ولا أركب علايات للعربية ولا صدادات مساعد وشكرا

**a_arazik** · 12-05-2013 02:27 AM

والله ممكن تركب علايات بس المشكلة هتبقي في الثبات ممكن تأثر

**AlGazar2** · 12-05-2013 02:38 AM

السوست الى ورا تعبانة شويه غيرها المشكلة هاتخف شويه بس النوبيرا اصلا واطيه على الارض و خصوصا مع التحميل يعنى

**svneleven** · 12-05-2013 06:03 AM

حضرتك انا والدي معاه نوبيرا و كان معاه نفس المشكلة. هو غير الكاوتش و ده تقريبا حل المشكلة بنسبة 80%. أظن الكاوتش كان 185/60r14 هو جاب 185/65r14.

**tarek_2005** · 12-05-2013 11:51 AM

قيس ارتفاع السوست الحالية وقارنها بارتفاع السوست الجديدة لو لقيت القياس اقل يبقي السوست انضغطت ومحتاجة تتغير لو لقيت المقاس واحد ابحث خلف المساعدين

**sniper_ktm** · 12-05-2013 08:00 PM

شاكر جدا على أهتمام سيادتكم هوة تقريبا كدة هاغير سوست ورا فلو حد ينصخنى بنوع معين من السوست لأن معظم الناس بتقولى خليك فى الأستيراد وفية ناس بتقول فية نوعيات من سوست المرسيدس بتكون نفس القطر بس بتتقصر علشان تناسب العربية وبتكون سوست ناشفة وكويسة فياترا أية يكون القرار النهائى

**ahmad--ezzat** · 12-05-2013 09:37 PM

السوست الناشفه هتبهدلك تنطيط

**blazer** · 13-05-2013 01:57 AM

المشاركة الأصلية كتبت بواسطة ahmad--ezzat

السوست الناشفه هتبهدلك تنطيط

بلضبط نفس احساس مراجيح السبتية هههههههههههههه

**sniper_ktm** · 14-05-2013 03:08 AM

شكرا لرد الأعضاء الكرام بس أنا رحت لأتنين عفشجية قالوا نعلى بعلايات لكنى رافض فكرة العلايات دة وقولت أغير اليايات لقيت أن الأثنين قالولى نحط ورا يايات عربية لانسر أستيراد هاتكون أحسن من الى فيها وهاتتحمل فعايز اراء حضراتكم فى منتهى السرعة فى الموضوع دة هل اركبهم ولا أية ؟؟؟

مع أنى عرفت أن جوز يايات ورا من 150 ألى 200 جنية فى كل المحلات بس فاجأنى محل قالى موجودين بتوع النوبيرا أستيراد عندى الفردة ب40 جنية يعنى الأتنين ب80 جنية أية الكلام بأة؟؟؟