يا حسرتاه على الاوبل و على الالمانى كله

السلام عليكم يا رجالة
فعلا احنا فى بلد غريبا
اخويا من حوالى 3 اسابيع باع العربية بتاعته مرسيدس 200 موديل 1980 او مرة تدهن برة و عامله 365000 كم و عربية بيتى لاقصى حد - تحفة فنية
المهم فى سنه و نص عامل بيها 45000 كم و بسم الله ما شاء الله عليها صرف عليها حوالى 600 جنية صيانه فى الفترة دى
و علشان الفذلكه بتاعه و ميغيرش الكاوتش و لا يفك العفشة و يروقها راح باع العربية ( كان جيبها بـ 48000 اتباعت بـ 45000 )
و نزل امبارح سوق الجمعه يشترى عربية
ههههههههههههه
اشترى لانوس 2007 - 33000 كم - فبريكية طبعا برة و جوة جابها بـ 57000 جنية
و صاحبها شارط علية التسجيل و نقل المليكة يعنى الرسوم و التجديد تعملها 2000 كمان
يعنى تدخل علية بـ 59000
تخيلوا صاحب معرض من اسيوط عندنا زميلة قاله اية
قاله فى اى وقت هاتها و هتاخد فى ايدك 62000 جنية
و لما ساله على الاوبل بتاعتى
رد علية و قاله للاسف الاوبل سوقها وحش اوى و عربية الدكتور بالكتير تعمل من 38000 : 40000 بالكتير
ههههههههههههههههه
فى النهاية لا تعليق
مذكرات اوبلاوى مفروس

هون عليك
كل حاجه ماشيه عكس
جت علي دي يعني ؟!

بصراحة يا دكتور انا شايف ان دي مصلحة اكتر منها عيب
احنا بنشتري عربيات بأقل من قيمتها الحقيقية بكتير يعني احنا المستفيدين من الغفلة اللي فيها الناس
المهم ان احنا عارفين احنا راكبين ايه وايه الفرق بينها وبين العربيات التانية
ماتحطش في دماغك يا دكتور واستمتع بعربيتك وبركوبة الالماني اللي مش بيحس بيها غير اللي يجربها ويتعود عليها

والله دى فعلا مصلحة :) خليهم نايمين شوية لحد مجيب الاسترا ال 2013 :)

حضرتك الموضوع جميل طالما بتشتري مستعمل لأنك هتجيب رخيص و تبيع رخيص فالخسارة عادية لكن المشكلة للي بيحب يركب زيرو هيجيب بالغالي لأنه ألماني طبعا و هيبيع بالرخيص.

يا باشا متزعلش منى عربية اخوك المرسيدس دى زى اللى كانت مع الحاج و هيا اللى اتعلمت عليها السواقة من سن 10 سنين و فضلت معانا سنين كتير عربيات حلوة و كل حاجة بس القديم قديم اه بتجيب كل حاجة سواء جديد او استيراد و عملنا فيها شغل كتير و حالتها كانت حلوة بس برضه القديم قديم و مهياش بالاعتمادية اللى الناس بتقول عليها لانها ببساطة من زمن فات و راح زائد الصنايعية المصريين الحلوين مع العلم ان اغلب حاجتها الاستيراد زى ماتور او كرونة كانت استيراد من بورسعيد راسا بس برضه كل حاجة و ليها زمنها بس لو اخوك عربيتوا كان حالتها نادرة كده و مستريح معاها كان المفروض مبعش لان اللى تعرفوا احسن من اللى متعرفوش عالاقل ابنك ف حضنك و عارف اللى فيه

إذا كنت في روما ، فافعل ما يفعله الرومان
سيادتك عايش في بلد تعشق اللانسر وتموت في اللانوس
فإذا كنت تحب التغيير باستمرار ، خليك في الانواع سريعة الدوران
أما إذا كنت ترغب في سيارة تتجوزها جوازة نصارى على رأي الميكانيكية ، يبقى هات اللي تحبه حتى لو كانت صناعة صومالي

يا دكتور .. احنا شعب غلبان .. و الاحتياج هو اللي بيرفع سعر السلعه .. يعني الشعب كله عاوز تكييف و قطع غيار رخيصه و استهلاك بنزين معقول .. مش ثبات و أمان و كده .. عشان كده العربيات الكوري الاقبال عليها عالي.

اقتباس:

---

المشاركة الأصلية كتبت بواسطة cayman69300

ا
اشترى لانوس 2007 - 33000 كم - فبريكية طبعا برة و جوة جابها بـ 57000 جنية
و صاحبها شارط علية التسجيل و نقل المليكة يعنى الرسوم و التجديد تعملها 2000 كمان
يعنى تدخل علية بـ 59000
تخيلوا صاحب معرض من اسيوط عندنا زميلة قاله اية
قاله فى اى وقت هاتها و هتاخد فى ايدك 62000 جنية
و لما ساله على الاوبل بتاعتى
رد علية و قاله للاسف الاوبل سوقها وحش اوى و عربية الدكتور بالكتير تعمل من 38000 : 40000 بالكتير
ههههههههههههههههه
فى النهاية لا تعليق
مذكرات اوبلاوى مفروس

---

مبدايا مبروك لاخوك ع العربية الجديدة

انا كمان من اسيوط و كنت عايز اقولك متصدقش ان التاجر هياخدها منه ب 62 , دا كله كلام تجار و وقت الجد مبيحصلش كدة انا شفت عربية اخت بتاعت اخوك بس عداد 60 الف كيلو و حاتها فوق الممتازة و اتباعت ب 56 و انا ما شفتش ابدا دايو لانوس اتباعت ب 60 حتى (اقصد مانيوال لانى معرفش ظروف الاوتوماتك ),, و خلى بالك ان التجار الاسايطة اللى بيبيعوا بالمبالغ دى بيكونوا شارينها ارخص من كدة من القاهرة و بيبيعوا للاسايطة اغلى وكمان بيجى التجار من الوادى و سوهاج و يشتروا من تجار الاسايطة و يبيعوا اغلى كمان ف محافظتهم

اقتباس:

---

المشاركة الأصلية كتبت بواسطة monamize4

مبدايا مبروك لاخوك ع العربية الجديدة

انا كمان من اسيوط و كنت عايز اقولك متصدقش ان التاجر هياخدها منه ب 62 , دا كله كلام تجار و وقت الجد مبيحصلش كدة انا شفت عربية اخت بتاعت اخوك بس عداد 60 الف كيلو و حاتها فوق الممتازة و اتباعت ب 56 و انا ما شفتش ابدا دايو لانوس اتباعت ب 60 حتى (اقصد مانيوال لانى معرفش ظروف الاوتوماتك ),, و خلى بالك ان التجار الاسايطة اللى بيبيعوا بالمبالغ دى بيكونوا شارينها ارخص من كدة من القاهرة و بيبيعوا للاسايطة اغلى وكمان بيجى التجار من الوادى و سوهاج و يشتروا من تجار الاسايطة و يبيعوا اغلى كمان ف محافظتهم

---

مع تقديري واحترامي
معلوماتي ان اللانوس كلها مانوال ومفيش اتوماتيك

اقتباس:

---

المشاركة الأصلية كتبت بواسطة hilal

إذا كنت في روما ، فافعل ما يفعله الرومان
سيادتك عايش في بلد تعشق اللانسر وتموت في اللانوس
فإذا كنت تحب التغيير باستمرار ، خليك في الانواع سريعة الدوران
أما إذا كنت ترغب في سيارة تتجوزها جوازة نصارى على رأي الميكانيكية ، يبقى هات اللي تحبه حتى لو كانت صناعة صومالي

---

اقتباس:

---

المشاركة الأصلية كتبت بواسطة kar!m

يا دكتور .. احنا شعب غلبان .. و الاحتياج هو اللي بيرفع سعر السلعه .. يعني الشعب كله عاوز تكييف و قطع غيار رخيصه و استهلاك بنزين معقول .. مش ثبات و أمان و كده .. عشان كده العربيات الكوري الاقبال عليها عالي.

---

+111111111111

الكلام دا سليم و 100 ال 100
و فعلا الاوبل ثباتها حلو و دى حاجة مهمة اوى بس فى ناس بيحطوا شقى عمرهم ف العربية و بيبقوا مش عايزين يصرفوا تانى علي العربية الا اقل القليل و عايزين كمان لما يبيعوا ما يخسروش كتير و ميفرقش معاهم الثبات و منقدرش نلوم الناس دى لان المصريين معظمهم كادحين و ظروفهم صعبة

اقتباس:

---

المشاركة الأصلية كتبت بواسطة monamize4

+111111111111

الكلام دا سليم و 100 ال 100
و فعلا الاوبل ثباتها حلو و دى حاجة مهمة اوى بس فى ناس بيحطوا شقى عمرهم ف العربية و بيبقوا مش عايزين يصرفوا تانى علي العربية الا اقل القليل و عايزين كمان لما يبيعوا ما يخسروش كتير و ميفرقش معاهم الثبات و منقدرش نلوم الناس دى لان المصريين معظمهم كادحين و ظروفهم صعبة

---

عن نفسى راكب لانوس علشان مصاريف الصيانه
دة احنا عندنا اوبل فيكترا اتوماتيك لما بنحب نعمل فيها صيانه بنزلها المنصورة
ههههههههههههههههههههههههه ه
بتسافر علشان تروح لمتخصص
عن نفسى معظم شغل صيانه الانوس بعمله باديا تسالى
ولو الواحد صحته مسعداه كنت غيرت الكاتينه بفسى

كان نفسي اركب الالماني بس بعد بحث وتدوير مش لاقي المقومات اللي عندي في المحافظة ( الشرقية ) اللي تخلينياجيب اوبل او فولكس بورااو خلافه الماني
لان مفيش حد شغال ف ميكانيكا العربيات دي الا واحد بس ولسه مش عارف ايه ظروفة
ده كمان ف احتكار لقطع الغيار الالماني الجديد عند تاجر واحد بس هو اللي ماسك السوق عندي
وبرضه تاجر واحد او اتنين استيراد
فكده تكلفة الاحتفازظ بالعربية وصيانتها او اي اعطال مفاجاءة هتكون مش مضمونه
وكمان لسه مش عارف ايه ظروف الميكانيكي الوحيد اللي شغال فيها ده هل مغلواني ولا ايه ظروفة
واحد قريبي قال لي علشان تركب اللي انت عاوزة لازم تكون من سكان القاهره علشان تلاقي التنوع في قطع الغيار ومتقفش على صنايعي واحد ولا تاجر واحد

اقتباس:

---

المشاركة الأصلية كتبت بواسطة michohat

كان نفسي اركب الالماني بس بعد بحث وتدوير مش لاقي المقومات اللي عندي في المحافظة ( الشرقية ) اللي تخلينياجيب اوبل او فولكس بورااو خلافه الماني
لان مفيش حد شغال ف ميكانيكا العربيات دي الا واحد بس ولسه مش عارف ايه ظروفة
ده كمان ف احتكار لقطع الغيار الالماني الجديد عند تاجر واحد بس هو اللي ماسك السوق عندي
وبرضه تاجر واحد او اتنين استيراد
فكده تكلفة الاحتفازظ بالعربية وصيانتها او اي اعطال مفاجاءة هتكون مش مضمونه
وكمان لسه مش عارف ايه ظروف الميكانيكي الوحيد اللي شغال فيها ده هل مغلواني ولا ايه ظروفة
واحد قريبي قال لي علشان تركب اللي انت عاوزة لازم تكون من سكان القاهره علشان تلاقي التنوع في قطع الغيار ومتقفش على صنايعي واحد ولا تاجر واحد

---

كلام سليم:S_thum1[1]::verygood:

احسن حاجه الواحد يشترى الحاجه الى تناسب ظروفه

والله مش كل الأمانى مظلوم فى مصر
انا بحس ان الأوبل بس هيا اللى سعرها بينزل جدا فى المستعمل و كمان مش واخده حقها بمعنى قطع غيارها ارخص من كل الالمانى الأخر ww , skoda

اقتباس:

---

المشاركة الأصلية كتبت بواسطة hilal

مع تقديري واحترامي
معلوماتي ان اللانوس كلها مانوال ومفيش اتوماتيك

---

لا يا باشا فى اوتوماتك و انا ليا واحد صاحبى معاه لانوس اوتو
احتمال بس حضرتك مكونتش تعرف لانها مش منتشرة و كلنا بنتعلم من بعض ياباشا

اقتباس:

---

المشاركة الأصلية كتبت بواسطة lanos2004

عن نفسى معظم شغل صيانه الانوس بعمله باديا تسالى
ولو الواحد صحته مسعداه كنت غيرت الكاتينه بفسى

---

انا بحترم اوى الناس اللى بتعرف تصلح عربياتها بنفسها (اكيد مش استخصار لكن دى مهارة عالية ) و كان نفسى ابقى كدة :crying2: و ادينى بحاول بس مش لدرجة سير الكاتينة :36_2_49[1]:
ياباشا انت جامد ع فكرة , دا انا لو بعرف اغير سير الكاتينة :049:,,,,, انا كنت سبت الطب و فتحت ورشة

اقتباس:

---

المشاركة الأصلية كتبت بواسطة abdelaziz-waleed

بصراحة يا دكتور انا شايف ان دي مصلحة اكتر منها عيب
احنا بنشتري عربيات بأقل من قيمتها الحقيقية بكتير يعني احنا المستفيدين من الغفلة اللي فيها الناس
المهم ان احنا عارفين احنا راكبين ايه وايه الفرق بينها وبين العربيات التانية
ماتحطش في دماغك يا دكتور واستمتع بعربيتك وبركوبة الالماني اللي مش بيحس بيها غير اللي يجربها ويتعود عليها

---

المشكله اننا اشترينا ف الغااااالي يا وليد :crashcomputer3::crashcomputer3::crashcomputer3:

اقتباس:

---

المشاركة الأصلية كتبت بواسطة hilal

مع تقديري واحترامي
معلوماتي ان اللانوس كلها مانوال ومفيش اتوماتيك

---

فى لانوس 1 اتوماتيك.

اقتباس:

---

المشاركة الأصلية كتبت بواسطة kar!m

يا دكتور .. احنا شعب غلبان .. و الاحتياج هو اللي بيرفع سعر السلعه .. يعني الشعب كله عاوز تكييف و قطع غيار رخيصه و استهلاك بنزين معقول .. مش ثبات و أمان و كده .. عشان كده العربيات الكوري الاقبال عليها عالي.

---

كلام كريم سليم 100%
حتى لما حد بيكون عاوز يشتري عربية وبيدخل يستفسر عنها بيسأل عن 3 حاجات
اسعار قطع الغيال
استهلاك البنزين
سعر اعادة البيع
انما نادر جدا لما بنشوف حد داخل يسأل عن وسائل الامان اللي في العربية او الثبات

اقتباس:

---

المشاركة الأصلية كتبت بواسطة m.osama

المشكله اننا اشترينا ف الغااااالي يا وليد :crashcomputer3::crashcomputer3::crashcomputer3:

---

معلش بقى يابو حميد هنعمل ايه. مافيش حد بيتعلم ببلاش يا صديقي العزيز

:S_thum1[1]::S_thum1[1]::S_thum1[1]::S_thum1[1]:

اقتباس:

---

المشاركة الأصلية كتبت بواسطة abdelaziz-waleed

بصراحة يا دكتور انا شايف ان دي مصلحة اكتر منها عيب
احنا بنشتري عربيات بأقل من قيمتها الحقيقية بكتير يعني احنا المستفيدين من الغفلة اللي فيها الناس
المهم ان احنا عارفين احنا راكبين ايه وايه الفرق بينها وبين العربيات التانية
ماتحطش في دماغك يا دكتور واستمتع بعربيتك وبركوبة الالماني اللي مش بيحس بيها غير اللي يجربها ويتعود عليها

---