هل سعر الطفاية دة كدا مظبوط

**momenhamdy** · 22-08-2008 03:47 PM

المشاركة الأصلية كتبت بواسطة Adham

ههههههههههههههههههه

يظهر كدة

حضرتك تابع وحده مدينة نصر ....ياتري حضرتك ركبت النمر الجديدة و لا لا ؟؟؟

**خالد** · 22-08-2008 03:52 PM

ياجماعة بـ 99 ج بس ( شاملة كمان 10 % ضريبة مبيعات) من توكيل سوزوكى اللى فى الدقى
ومطبوع عليها ماركة بافاريا وأنها مصنوعة خصيصاً لتوكيل سوزوكى
وأنا أخدتها ب 90 ج بس بعد عمل تخفيض 10 % على إجمالى المبيعات لما تشترى 3 أصناف مختلفة على بعض من عندهم
يعنى وقفت على بـــ 90 ج بس !

**Adham** · 22-08-2008 04:00 PM

المشاركة الأصلية كتبت بواسطة momenhamdy

حضرتك تابع وحده مدينة نصر ....ياتري حضرتك ركبت النمر الجديدة و لا لا ؟؟؟

والله مفروض اروح اليومين دول علشان انا ماشي بتصريح مؤقت من سنة بالضبط لعدم وجود نمر في مرور مدينة نصر من وقت ما جبت العربية

بس باتلكع مش طالبة معايا علشان الفيمية اللي عالعربية و الدفندر

ومش معقول حاخش المرور كدة
مش حايرضوا يركبوا النمر الجديدة الا لما اشيل الفيمية و الدفندر مع ان الفحص في 2010 بس انت عارف تحكمات المرور

انما انا ممشي حالي في الشارع عادي لحد دلوقتي و الحمد لله

لسة معايا شهر المهلة لغاية 24 سبتمبر لما نشوف اخرتها بقى

**momenhamdy** · 22-08-2008 04:02 PM

المشاركة الأصلية كتبت بواسطة Adham

والله مفروض اروح اليومين دول علشان انا ماشي بتصريح مؤقت من سنة بالضبط لعدم وجود نمر في مرور مدينة نصر من وقت ما جبت العربية

بس باتلكع مش طالبة معايا علشان الفيمية اللي عالعربية و الدفندر

ومش معقول حاخش المرور كدة
مش حايرضوا يركبوا النمر الجديدة الا لما اشيل الفيمية و الدفندر مع ان الفحص في 2010 بس انت عارف تحكمات المرور

انما انا ممشي حالي في الشارع عادي لحد دلوقتي و الحمد لله

لسة معايا شهر لغاية 24 ديسمبر لما نشوف اخرتها بقى

و هو ليه الديفندر ممنوع ؟؟؟؟؟؟ طب الفيميه معروف لكن الديفندر ماله ؟؟؟؟

**Adham** · 22-08-2008 04:08 PM

علشان مش نازل اصلا عالعربية

يعني الشيروكي او الباجيرو اللي بينزلوا اصلا بدفندر بيرحصوها عادي و بيتثبت عالرخصة كمان

لكن عندي لأ

زي الفيمية برضة فية عربيات 4*4 بتنزل فيها القزازين اللي ورا و النضارة الخلفية فيمية اصلي في الزجاج مش ملزوق برضة بيسيبوة عادي و بيتثبت عالرخصة

انما برضة عندي مش نازلة كدة

يعني زي ماتقول فية ماركات معينة بتنزل فيها الفيمية و الدفندر من المصنع
ودي مابيتكلموش فيها بل بالعكس بيثبتهالك عالرخصة علشان محدش يكلمك عليها في لجنة

اخر مرة رحت مرور مدينة نصر من 6 شهور كان فية عربية تويوتا أفانزا عاملين عليها لمة علشان اتفحصت و مركب فيها عتب و دفندر خلفي

رئيس الوحدة نزل و عمل مشكلة لمهندس الفحص و عمال البصمة كمان

على فكرة عمال البصمة (اللي بياخدوا بصمة الموتور و الشاسية) دول كمان مابيرضوش ياخدوا بصمة اي عربية فيها فيمية او دفندر الا بأذن من مهندس الفحص اساساً
تعليمات عندهم

**momenhamdy** · 22-08-2008 04:12 PM

اه فهمت الوقتي قصد حضرتك ايه !!!!

**A7MED_PHARMA** · 23-08-2008 07:07 AM

المهم إن مهما كان سعرها..هتلاقيها فاشله

تاني يوم ما خلصت الترخيص ,كانت الطفايه لسه محطوطه على الكرسي إلي جمبي على طول
.خارج أنا الصبح على طريق زراعي ألاقي واحد الموتوسيكل بتاعه مولع ومعاه إتنين كمان عمالين يحطوا رمل عليه يمكن يطفي, شديت الهاند بريك وركنت على جمب ورحت شادد الطفايه(الجديده) ونازل,الناس طلعوا عارفني" إلحقنا بطفايتك يادكتور"..
يدوبك الطفايه عملت( بخ ) وراحت ساكته,طيب ربنا يهديكي,أبدا
رحت مطلع الغطا بتاع العربيه وكتمنا الهوا عن الموتوسيكل لحد ماطفت
شوفتوا الخيبه

**dr_abooody** · 23-08-2008 03:05 PM

المشاركة الأصلية كتبت بواسطة a7med_pharma

المهم إن مهما كان سعرها..هتلاقيها فاشله

تاني يوم ما خلصت الترخيص ,كانت الطفايه لسه محطوطه على الكرسي إلي جمبي على طول
.خارج أنا الصبح على طريق زراعي ألاقي واحد الموتوسيكل بتاعه مولع ومعاه إتنين كمان عمالين يحطوا رمل عليه يمكن يطفي, شديت الهاند بريك وركنت على جمب ورحت شادد الطفايه(الجديده) ونازل,الناس طلعوا عارفني" إلحقنا بطفايتك يادكتور"..
يدوبك الطفايه عملت( بخ ) وراحت ساكته,طيب ربنا يهديكي,أبدا
رحت مطلع الغطا بتاع العربيه وكتمنا الهوا عن الموتوسيكل لحد ماطفت
شوفتوا الخيبه

هل الطفاية كانت جديدة ؟؟؟؟؟؟؟
لو كدا يبقى ملهاش لزمة بقى

**sh21s** · 26-08-2008 04:36 PM

أنا لسه شارى الطفاية من موزع معتمد طفايات بافاريا فى شارع زغلول - الهرم، نوع 1 ك اسم النوع جولف و بعد الفصال ب 113. كنت اشتريت السنة اللى فاتت أختها من نفس المحل ب 95 بس. أهم حاجة كان تاريخ الانتاج و هو شهر 8 سنة 2008 محفور على الطفاية و واضح.
فى مرور فيصل بتتباع فعلا ب 121 و قالولنا الترخيص بيشترط أنها تكون انتاج 5 سنين فاتت على الأكثر, طبعا محدش بينفذ الكلام ده إلا لو كان الفحص فيه مشكلة عدا ذلك كله بيعدى حتى إنهم محفروش رقم الشاسية على الطفاية . حاجة أخيرة مفيش علاقة بين حجم الطفاية و سعة الموتور لأنى عربية والدى 2000 سى سى و محدش قال حاجة على الطفاية 1 ك.