انا اشتريت طفاية بفاريا 1 كيلو ب ج110 فهل السعر دة كويس و لا هي ارخص من كدا
علما بانها في المرور ب 122
عرض للطباعة
انا اشتريت طفاية بفاريا 1 كيلو ب ج110 فهل السعر دة كويس و لا هي ارخص من كدا
علما بانها في المرور ب 122
انا عن نفسي خليت حد يعرف ناس في بافاريا اشترهالي ب 70 جنيه وجديدة وكتبلي عليها رقم الشاسيه وفعلا كنت سألت في المرور قالوا ب 121 جنيه
انا شاريها مع قريبي من سنه ب 90 جنيه
و شاريها شهر واحد اللي فات لما جبت الياريس ب 90 جنيه برضه
من قدام المرور
و طبعا لو روحت التوكيل كانت حتبقي ارخص بس كسلت
95 جنيه من التوكيل بارفاريا منذ شهر فقط
انا شاريها من سنة ونصف تقريبا بـــ 105 من قدام المرور :)
هي لازم تبقي 1 كيلو ولا ممكن اصغر ، وهل في انواع ولا نوع واحد
لاني عاوزة اشتري واحدة وعاوزة حاجة صغيرة احطها في العربية
وهو فين توكيل بافاريا ولو امكن رقم تليفوناتهم
وشكــــــــــــــــــــــ ــرا
كليو علي الاقل للعربات الصغيرة
ممكن نعرف منين ب 70 جنية وتوكيل بافاريا عنوانه ايه وهل فيه أنواع اخرى واسعارها ايه
انا شاريها من 20 يوم ب 120 جنيه
طبعاً لو انت جبتها ب 110 دا حاجة حلوة اوي ....انا لما جيت ارخص عربيتي شهر 6\2008 العربية زيرو و 1600 سي سي لاقيت في لعبة عاملينها ان العربية ال 1600 ليها طفاية و ب 230 تقريباً و العربية ال 1300 ليها طفاية الحجم الافل ب 120 جنيه طبعاً الكلام دا عرقته لما رحت المرور علشان اعمل شهاده مخالفات للعربية القديمة قبل ما بعها .... بس لما جيت ارخص العربية الجديدة كان معايا واحد بيخلص الورق جبلي الي ب 120 جنيه قلتله دي الصغيرة قالي عادي مفيش مشاكل و عملت الفحص و كله تمام و خت الرخصة و مصر حلوة يا جماعة و الله ...فعادي انك ممكن تلاقي كل مكان في سعر مخنلف
اسف للاطالة .....
اشتريتها من توكيل سوزوكى فى الدقى بـــ 90 جنيه بافاريا 1 كيلو بالحامل بتاعها من 3 شهور
يا جماعه انا شاريها من بافاريا نفسة اللي في غماد الدين يوم 6 اغسطس الحالي (من واقع الفاتورة في أيدي حالاً) ب 121 جنية شاملة الضريبة (ضريبة المبيعات 10%)
يعني سعرها 110 + 10% ضريبة = 121 جنية بالتمام
لو لقيتها برة بافاريا عند اي حد في الشارع اقل من كدة تبقى مضروبة مش من بافاريا نفسهم
الا لو ليك حد معرفة كبيرة حايطلعهالك بدون فاتورة ضريبية و حاتبقى بال 110 جنية بس بدون ال 11 جنية بتوع ضريبة المبيعات ال 10%
موديلاها اسمة تيجرا و سعتها 1 كجم على فكرة
هههههه اهي دي الغباوة بعينها منهم
مفروض الطفاية تتناسب (لو تناسبت اصلاً) مع حجم تانك البنزين بتاع السيارة مش مع سعتها اللتنرية
يعني لو هما عاوزين حجم الطفاية يتناسب يبقى اولى يتناسب مع مسبب الحريق او الاشتعال في السيارة اللي هوة البنزين اللي في التانك
مثلا 1 كجم لتنكات السيارات الصغيرة في حدود 40 لتر و يبقى 2 كجم للتنكات لغاية 80 لتر و هكذا
و بالتالي حجم الطفاية يتناسب مع كمية البنزين (مسبب الحريق) اللي ممكن يحصل مش مع حاجة مالهاش دعوة اصلا (ال سي سي بتاع العربية)
قال يعني هوة انت حاتطفي الحريقة جوة بساتم السيارة مثلا يقوم يفرق ان كانت 1300 سي سي وللا 1600 سي سي وللا حتى 4000 سي سي
هههههه اهي دي الغباوة بعينها منهم
مفروض الطفاية تتناسب (لو تناسبت اصلاً) مع حجم تانك البنزين بتاع السيارة مش مع سعتها اللتنرية
يعني لو هما عاوزين حجم الطفاية يتناسب يبقى اولى يتناسب مع مسبب الحريق او الاشتعال في السيارة اللي هوة البنزين اللي في التانك
مثلا 1 كجم لتنكات السيارات الصغيرة في حدود 40 لتر و يبقى 2 كجم للتنكات لغاية 80 لتر و هكذا
و بالتالي حجم الطفاية يتناسب مع كمية البنزين (مسبب الحريق) اللي ممكن يحصل مش مع حاجة مالهاش دعوة اصلا (ال سي سي بتاع العربية)
قال يعني هوة انت حاتطفي الحريقة جوة بساتم السيارة مثلا يقوم يفرق ان كانت 1300 سي سي وللا 1600 سي سي وللا حتى 4000 سي سي
يعني انا عربيتي 3200 سي سي و طفايتي 1 كجم و في الفحص و لا حد اتكلم
مع ان كدة مفروض يبقى معايا طفاية 5 كجم
عالاقل انا تنك البنزين عندي 80 لتر تقريبا
ياجماعة بـ 99 ج بس ( شاملة كمان 10 % ضريبة مبيعات) من توكيل سوزوكى اللى فى الدقى
ومطبوع عليها ماركة بافاريا وأنها مصنوعة خصيصاً لتوكيل سوزوكى
وأنا أخدتها ب 90 ج بس بعد عمل تخفيض 10 % على إجمالى المبيعات لما تشترى 3 أصناف مختلفة على بعض من عندهم
يعنى وقفت على بـــ 90 ج بس !
والله مفروض اروح اليومين دول علشان انا ماشي بتصريح مؤقت من سنة بالضبط لعدم وجود نمر في مرور مدينة نصر من وقت ما جبت العربية
بس باتلكع مش طالبة معايا علشان الفيمية اللي عالعربية و الدفندر
ومش معقول حاخش المرور كدة
مش حايرضوا يركبوا النمر الجديدة الا لما اشيل الفيمية و الدفندر مع ان الفحص في 2010 بس انت عارف تحكمات المرور
انما انا ممشي حالي في الشارع عادي لحد دلوقتي و الحمد لله
لسة معايا شهر المهلة لغاية 24 سبتمبر لما نشوف اخرتها بقى
علشان مش نازل اصلا عالعربية
يعني الشيروكي او الباجيرو اللي بينزلوا اصلا بدفندر بيرحصوها عادي و بيتثبت عالرخصة كمان
لكن عندي لأ
زي الفيمية برضة فية عربيات 4*4 بتنزل فيها القزازين اللي ورا و النضارة الخلفية فيمية اصلي في الزجاج مش ملزوق برضة بيسيبوة عادي و بيتثبت عالرخصة
انما برضة عندي مش نازلة كدة
يعني زي ماتقول فية ماركات معينة بتنزل فيها الفيمية و الدفندر من المصنع
ودي مابيتكلموش فيها بل بالعكس بيثبتهالك عالرخصة علشان محدش يكلمك عليها في لجنة
اخر مرة رحت مرور مدينة نصر من 6 شهور كان فية عربية تويوتا أفانزا عاملين عليها لمة علشان اتفحصت و مركب فيها عتب و دفندر خلفي
رئيس الوحدة نزل و عمل مشكلة لمهندس الفحص و عمال البصمة كمان
على فكرة عمال البصمة (اللي بياخدوا بصمة الموتور و الشاسية) دول كمان مابيرضوش ياخدوا بصمة اي عربية فيها فيمية او دفندر الا بأذن من مهندس الفحص اساساً
تعليمات عندهم
اه فهمت الوقتي قصد حضرتك ايه !!!!
المهم إن مهما كان سعرها..هتلاقيها فاشله
تاني يوم ما خلصت الترخيص ,كانت الطفايه لسه محطوطه على الكرسي إلي جمبي على طول
.خارج أنا الصبح على طريق زراعي ألاقي واحد الموتوسيكل بتاعه مولع ومعاه إتنين كمان عمالين يحطوا رمل عليه يمكن يطفي, شديت الهاند بريك وركنت على جمب ورحت شادد الطفايه(الجديده) ونازل,الناس طلعوا عارفني" إلحقنا بطفايتك يادكتور"..
يدوبك الطفايه عملت( بخ ) وراحت ساكته,طيب ربنا يهديكي,أبدا
رحت مطلع الغطا بتاع العربيه وكتمنا الهوا عن الموتوسيكل لحد ماطفت
شوفتوا الخيبه
أنا لسه شارى الطفاية من موزع معتمد طفايات بافاريا فى شارع زغلول - الهرم، نوع 1 ك اسم النوع جولف و بعد الفصال ب 113. كنت اشتريت السنة اللى فاتت أختها من نفس المحل ب 95 بس. أهم حاجة كان تاريخ الانتاج و هو شهر 8 سنة 2008 محفور على الطفاية و واضح.
فى مرور فيصل بتتباع فعلا ب 121 و قالولنا الترخيص بيشترط أنها تكون انتاج 5 سنين فاتت على الأكثر, طبعا محدش بينفذ الكلام ده إلا لو كان الفحص فيه مشكلة عدا ذلك كله بيعدى حتى إنهم محفروش رقم الشاسية على الطفاية . حاجة أخيرة مفيش علاقة بين حجم الطفاية و سعة الموتور لأنى عربية والدى 2000 سى سى و محدش قال حاجة على الطفاية 1 ك.