الأخوة أعضاء النوادي، نادي دريم لاند ولا وادي دجلة

**aliabutaleb** · 12-05-2013 10:42 AM

السلام عليكم ورحمة الله وبركاته
الاخوة الاعزاء
شفت أكتر من نقاش عن نفس الموضوع من شهور طويلة في المنتدى
كنت عاوز أسالكم. هل تفضلوا الاشتراك في نادي دريم لاند ولا وادي دجلة مع ملاحظة الآتي:
- ميزة دخول اي فرع لوادي دجلة مش مهمة بالنسبة لي لاني نادراً لما باخرج من 6 أكتوبر.
- دريم لاند فيه إمكانية التقسيط المباشر بدون دخول بنوك - مش متأكد لو نفس الميزة موجودة في وادي دجلة.
- انا مش ميال لوادي دجلة لأسباب استخلصتها من نقاشاتكم العديدة بخصوصه هنا.
- هل فعلاً فيه مشاكل مع إدارة دريم لاند والاعضاء خاصة بمرافق النادي والصيانة وخلافه؟

أشكركم مقدماً.

**corsair** · 12-05-2013 12:31 PM

علمي علمك لاني من سكان اكتوبر حديثا وياريت حضرتك لو تعرف الاسعار لوادي دجلة ودريم تقولي

**Ahmed_selmy** · 12-05-2013 12:34 PM

انا مشترك فى وادى دجله قريب .....شايف انه معقول مش وحش ....على فكرة 6 اكتوبر حيبقى فيها فرعين وا هو موجود انا مش متاكد بساللى انا عارفه ان فى نهاية 2013 حيكون ليه 6 فروع ..واحد بالتجمع الاول و واحد فى التجمع الخامس وواحد فى شيراتون واتنين فى 6 اكتوبر والاصلى فى المعادى.
انا فى راى علشان متحيرش نفسك حدد بالظبط انت عايز ايه من النادى و شوف انه فيهم حيكون فيه اللى انت محتاجه.
انتظر راى الاعضاء عن دريم لاند وربنا يوفقك.

**Abo Yasso** · 12-05-2013 12:42 PM

وادى دجله 60 كاش

**aliabutaleb** · 12-05-2013 01:00 PM

أشكركم على التفاعل.
دريم لاند 50 ألف كاش اليومين دول

**Bonanza** · 12-05-2013 01:52 PM

حضرتك عاوز النادي ليه ؟؟

ايه الاسباب ؟؟

لو عاوز مدارس لتعليم كل لعبة يبقي وادي دجلة

دريم فيه مدرسة لكرة القدم و تقريبا سباحة علي ما اتذكر لما روحت عشان اشترك

دريم واسع و اشيك و الاعضاء مستوي اجتماعي اعلي شوية و مش زحمة

وادي دجلة معظم فروعة ضيقة و زحمة جدا في الاجازات

بس مثلا الجيم في وادي دجلة بتدخلة عادي خالص من غير اشتراك انما في دريم لازم اشتراك سنوي عشان تدخل الجيم

لازم تبقي عارف ان النادي انت و اولادك مستفيدين منه مش بس انت لوحدك

فا ميزة الفروع الكتير لوادي دجلة هاتبقي مفيدة ليك و لاولادك بردو لما يكبروا

انا في الاخر اشتركت في وادي دجلة للاسباب دي

**aliabutaleb** · 14-05-2013 11:34 AM

أشكركم جميعاً على النصائح القيمة.
كنت اتمنى لو حد من أعضاء نادي دريم يفيدني هو كمان

**kh_fawzy** · 14-05-2013 01:21 PM

ليه مش بتفكر فى النادى الاهلى فرع زايد ب 70000 جنيه واكيد هايبقى احسن من دة كله

**aliabutaleb** · 14-05-2013 01:30 PM

المشاركة الأصلية كتبت بواسطة kh_fawzy

ليه مش بتفكر فى النادى الاهلى فرع زايد ب 70000 جنيه واكيد هايبقى احسن من دة كله

رحت شفته فعلاً
مفيش إنشاءات تذكر. اكوام من الرمل
بعيد عني جداً
الطريق سئ. عبارة عن مدق. أكيد مش هايفضل كدة على طول بس قدامه وقت طويل
والطريق التاني من على اسكندرية الصحراوي
الاسوأ ان مخطط أول 2013 فتح مبنى اجتماعي لكن النشاط الرياضي مش قبل سنتين

**Mohab.Nabil** · 14-05-2013 04:12 PM

المشاركة الأصلية كتبت بواسطة aliabutaleb

أشكركم جميعاً على النصائح القيمة.
كنت اتمنى لو حد من أعضاء نادي دريم يفيدني هو كمان

النادى كويس جدا بس عيبه انه هادى بزيادة يعنى مثلا لو روحت يوم فى نص الاسبوع ممكن تلاقى نفسك بتتمشى فى النادى لوحدك و فين و فين لما تلاقى حد ، طبعا ده ليه مميزات و ليه عيوب يعنى ميزته ان الجو بتاعه هادى اوى وممكن تروح تقعد و تهدى اعصابك و تقريبا مش هيبقى فيه غيرك فى النادى او عدد قليل جدا من الاعضاء فى نفس الوقت فيه مدارس لكل الرياضات تقريبا و فيه اتفاقية مع نادى ac milan فى مدرسة كرة القدم ، عيب النادى هو ميزته انه هادى اوى يعنى متحسش انك فى نادى ، هى الزحمة مش حلوة اه بس برضه الهدوء الزيادة عن اللزوم اوقات مش بيبقى لطيف اوى و حسب برضه دماغ كل واحد و زى ما تفضل حد من الاخوة ان نادى دريم لاند مستوى الاعضاء الاجتماعى بشكل عام اعلى من وادى دجلة و للعلم بس هو بقى اسمه pegasos دلوقتى مش dream land

اتمنى اكون افدت حضرتك

الموضوع: الأخوة أعضاء النوادي، نادي دريم لاند ولا وادي دجلة

LinkBack

أدوات الموضوع

عرض

الأخوة أعضاء النوادي، نادي دريم لاند ولا وادي دجلة - انشر الموضوع فى :

-

-

-

-

-

-

-

المواضيع المتشابهه

نادي وادي دجله --- او دريم

نادي وادي دجلة vs نادي القطامية (بتروسبورت)

نادى وادي دجلة - المعادى

نادي وادي دجلة - زهراء المعادي من مدينة نصر

دريم لاند

الكلمات الدلالية لهذا الموضوع

المفضلات

المفضلات

ضوابط المشاركة