صيانة ال 15 الف كم فى اوتو ايجيبت ابو رواش
بسم الله الرحمن الرحيم
يوم الخميس اللى فات عملت صيانة ال 15 الف كم فى اوتو ايجيبت ابو رواش للنيو صنى و احب الخص اللى حصل فى بعض النقاط:
- اول ما رحت قابلت العضو الاكثر من محترم استاذ خالد miceg و فعلا اتشرفت بمعرفته.
- كانت متطلباتى فى المركز هى صيانة ال 15 الف كم - تركيب فلتر التكييف ( كنت جايبه معايا من بره علشان سألت قبل ما اروح و قالولى مافيش) - صفارة من تيل الفرامل.
- استلمت العربية بعد حوالى ثلاث ساعات و نصف و كانت الصيانة معموله و فلتر التكييف متركب و بالنسبة للتيل فقالولى انه لسه شغال و اللى عاوز يتغير الطنبورة وح يحاول يجيبولى موافقه نيسان و تتغير فى الضمان.
- ما دفعتش حاجة فى الصيانة علشان و هم بيفكوا الطاسات بتوع العجل كسروا لى واحدة و مهندس الاستقبال قاللى ده من بند ارضاء العميل و بالمناسبة الطاسات ماكنوش اصلى.
- احب اشكر جدا مهندس الاستقبال اسلام غالى على اهتمامه و بجد هو انسان محترم جدا جدا و مش علشان بس ما دفعنيش حاجة بس انه حسسنى انه من حقى انى ما ادفعش حاجة مش بيعمل الموضوع ده مجاملة.
تحياتى