مخالفات ظلم ... حسبي الله ونعم الوكيل

**misho2008** · 12-05-2013 04:34 PM

المشاركة الأصلية كتبت بواسطة engmesk2

السلام عليكم ...
انا اشتريت عربية في شهر 10-2012 والحقيقة عشان صاحبها كان بيسافر وكدة ما طلبتش منه مخالفات مطبوعة .. بس اكتفيت اني ابص ع النت فلاقيت المخالفات زيرو..

ولغاية يوم الخميس اللي فات 9-5-2013 كانت زيرو ... والمفاجأة اني لما روحت انهاردة اتنيل اجيب مخالفات من مرور العجوزة لاقيت عليها 515 جنيه يعني شكلها اتضافت انهاردة ؟!!! وكمان المخالفات بتاريخ 4-2010 (ازااااي وصاحبها مرخص في 8-2012 ؟!!!!!!)

المهم بكلم الراجل بقوله دي ماكانش عليها حاجة لحد يوم الخميس اللي فات .. قاللي هنا الدفع بس .. الشكوي والتظلم في الدراسة ... مش عارف اعمل ايه؟

حسبي الله ونعم الوكيل ... حسبي الله ونعم الوكيل

سؤال في الخلاصة

س: اشتريت العربية بتوكيل ولا عقد مسجل؟

ج: لو توكيل يبقى ادفع
ج: لو عقد مسجل نبتدى الحكاية
هتروح تصور العقد المسجل وشهادة المخالفات اللى سجلت بيها العربية باسمك وصورة الرخصة والبطاقة من ملف العربية اللى فى المرور وتعمل نموذج اسمة مالك سابق وتقدمة في مرور الدراسة دة بيثبت ان المخالفات كانت على العربية قبل ما تتنقل الملكية ليك

تفسير النيابة على الموضوع دة اية وخصوصا ان العربية بتعتى اشترتها بعقد مسجل ونقلت الملكية تانى يوم وبعد سنة كااااملة لقيت عليها مخالفات 2700 جنية قبل ما اشترى العربية بسنة

انو المخالفات على العربية وبتتنقل مع نقل الملكية لو كانت لسة منزلتش على المالك السابق

ان قعدت في الموضوع دة تقريبا 3 اسابيع لانى خدت الموضوع عند والعربية كانت بتاع رئيس نيابة فالحبايب بيجاملو بعض على حسابنا

وربنا معاك

**engmesk2** · 12-05-2013 04:35 PM

انا معايا عقد مسجل الحمد لله بتاربخ 10-2012 وموضوع اني عملت جدع واكتفيت باني اشوفها ع النت ده لان صاحب العربية كان مشغول وبيسافر وكده .. فقلت اقلل مشاويره .. بس مش دايما الجدعنة بتنفع .. معلش ... انا مش عارف طيب اروح لوكيل النيابة اللي في العجوزة ولا اروح الدراسة .. هو الراجل اللي بياخد الغرامات فال اعمل تظلم ف الدراسة ... ايه رايكم؟

**hany63** · 12-05-2013 04:42 PM

المشاركة الأصلية كتبت بواسطة engmesk2

انا معايا عقد مسجل الحمد لله بتاربخ 10-2012 وموضوع اني عملت جدع واكتفيت باني اشوفها ع النت ده لان صاحب العربية كان مشغول وبيسافر وكده .. فقلت اقلل مشاويره .. بس مش دايما الجدعنة بتنفع .. معلش ... انا مش عارف طيب اروح لوكيل النيابة اللي في العجوزة ولا اروح الدراسة .. هو الراجل اللي بياخد الغرامات فال اعمل تظلم ف الدراسة ... ايه رايكم؟

في الدراسه ياباشا عشان ده المرور المركزي اللي هيعرف يحول المخالفه على المالك القديم بس تحضر الاوراق زي ما قال لك زميلنا في المشاركه اللي فوق

**engmesk2** · 12-05-2013 09:56 PM

المشاركة الأصلية كتبت بواسطة m.elgergawy

انا كنت شاري بتوكيل وجاتلى غرامه 400 ج من المالك القديم
وقالى الفاصل هو بيان صرف لوحات من عندهم في المرور وجيبت البيان
ورحل المخالفة على المالك القديم

باشا ... هو الكلام ده كان في المرور التابع ليه الرخصة ولا في الدراسة؟

**mo7a_mo7a** · 12-05-2013 10:19 PM

لما تسجل في الشهر العقاري وتنقل ملكية في المرور حيرحلوها علي المالك القديم
الرك علي تاريخ التسجيل

ومتقلقش انا كمان لبست 500 جنيه مخالفات من المالك القديم رغم اني طلبت منه شهادة مخالفات وجابها انما الفترة بين ما اشتريت وبين ما رحت ارخص كانت نزلت مخالفات جديدة

تقبل تحياتي

**rompo10** · 12-05-2013 11:15 PM

هههههههههه انا رخصت من 4 ايام ودفعت مخالفات 300 من سنه 2009 وانا شاري العربيه في شهر 1 اللي فات واللي انا شاريها منه شاريها من 2011 دخلت لوكيل النيابه قالي راكب بي ام وبتسال عن المخالفات كان قاعد معاه واحد قاله انت عليك كام قاله 15000 جنيه رحت جري دفعت المخالفات

**limo** · 12-05-2013 11:30 PM

ادخل لوكيل النيابه وقوله انا عايز احفظ المخالفه ده بالتقادم علشان مر على تاريخ ارتكابها 3 سنين

**engmesk2** · 13-05-2013 11:27 AM

روحت انهاردة المرور .. وقابلت وكيل النيابة .. راجل زووق بس قاللي ان شهادة المخالفات اللي معاك مش معاصرة لتاريخ تسجيل عقد البيع .. فمش هاقدر اعملك نقل مخالفات مالك سابق .. قلتله طيب انا ممكن اعمل ايه قاللي اطلع بالمستندات اللي معاك علي الدراسة واعمل تظلم بالكلام ده ..